DANIEL 10:3 - BIBEL JAMITA NA DENGGAN

³ Nada hupangan panganon na tabo, juhut dohot anggur nada masuk tu pamanganku jana nada marsuri au lopus gok tolu minggu honokna.

DANIEL 10:3 Iomraidhean Croise

2 SAMUEL 19:24

Ro muse ma dohot si Mefiboset pahompu ni si Saul mangalo-alo raja i. Nada marbasu pat ia nada dicukur ia janggutnia, jana nada dibasu ia pakeannia mamungka sian na kehe Raja Daud manadingkon Jerusalem lopus mulak ia maroban hamonangan.

JOB 33:20

Na marnyae i nada lalusa be mangan, salangkan panganon na tumabo pe mambaen gialan.

DANIEL 10:12

Jadi didok ia ma tu au, “Daniel, ulang ho mabiar. Madung ditangihon Debata tangiangmi mamungka sian ari parjolo disi diputuskon ho patoruk rohamu anso gabe marbisuk. Madung ro au gabe songon alus ni tangiangmi.

DANIEL 11:8

Di na laho mulak ia tu Mesir, obanonnia ma patung ni debata ni musuna i dohot barang-barang sere dohot perak na dung dihaulkon tu debatana i. Nada porangonnia be raja ni Siria piga-piga taon.

DANIEL 6:18

Dung i ditutupkon ma sada batu na godang tu baba ni liang i jana dicap raja i ma batu i dohot cap ni harajaan dohot cap ni angka parpangkat gabe nada tarbaen sanga ise be paluahon si Daniel sian singa i.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

NAHUM 2:9

Rampasi sude sere dohot perakna! Harana nada marnaabis angka arta, marlobian do dison arta na jeges.

MATEUS 6:17

Tapi anggo hamu, muda puaso, paias ma bohimunu, marsuri hamu.

LUKAS 7:46

So adong dibaen ho miak tu ulungKu, hape anggo anak boru on miak na huskus do diusehon ia tu patKu.

1 KORINTUS 9:27

Hupadiar do pamatangki dilatik sagogona lopus tarrajai au sudena i. Hubaen pe songon i, anso ulang sanga do tarderet au, dung husosoi halak na asing dohot di parlumbaan i.