DANIEL 1:4 - BIBEL JAMITA NA DENGGAN

⁴ Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

DANIEL 1:4 Iomraidhean Croise

2 SAMUEL 14:25

Tarpuji do si Absalom songon halak na jumeges di sandok Israel. Nada adong halak na jumeges be ulang ia. Sian palakpak ni patnia lopus tu ambubu ni ulunia nada adong tihasna.

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

PARJAMITA 7:19

Margunaan do habisuhon di nampunasa, umpado sampulu na markuaso di sada kota.

JESAYA 36:11

Dung i didok si Elyakim, si Sebna dohot si Joah ma tu pangarajai inumon i, “Marhata Aram sajo pe da tuan i tu hami; hami astui do i. Ulang pola marhata Ibrani, naron habotoan tu rayat na di ginjang ni tembok i.”

JEREMIA 5:15

O hamu halak Israel, madung diparo Tuhan sada bangso sian na dao laho mamorangi hamu. Na dung adong hian do bangso i sian narobi ni narobi, nada diboto hamu hata ni halahi. Sun do gogo ni halahi,

DANIEL 2:10

Dialusi partondung i ma, “Di sandok tano on sahalak pe nada adong na malo paboahon sanga aha na nihagiotan ni raja i. Jana nada unjung dope adong sada raja sanga na bia pe godangna dohot sangapna, mangido na songon i sian angka partondung, parjampi na malo, dohot sian angka parilmu na adong di bagas godang.

DANIEL 2:2

Hara ni i dipiohon ia ma angka partondung, parjampi-jampi, datu dohot Kasdim laho patorangkon angka nipina i.

DANIEL 3:8

Adong ma piga-piga halak Kasdim na mamake tingki i laho mangago halak Jahudi.

DANIEL 4:7

Tapi di na ro angka partondung, na malo manjampi, angka halak Kasdim dohot angka halak na umboto parhalaan jana hupaboa nipingki tu halahi, sahalak pe nada adong na malo patorangkon astuanna.

DANIEL 5:11

Angke adong do di harajaan ni raja i sada bayo na nirajaan ni angka tondi ni debata na badia. Taran amanta ni raja i mamarenta tarida do bahaso na tutu bayo i maniop hapistaran, parbinotoan dohot bisuk, tudos tu habisuhon ni angka debata. Amanta ni raja i Raja Nebukadnesar madung mangangkat bayo i gabe pamimpin ni angka na malo manjujur, na malo marjampi-jampi, angka halak na marilmu dohot angka na umboto parhalaan.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

DANIEL 9:1

Di taon parjolo hatiha mamarenta Raja Darius, anak ni si Ahasweros, pomparan ni halak Media na dung gabe raja di halak Kasdim.

ZAKARIA 2:4

Didok surusuruan na parjolo i ma tu na paduahon i, “Ompoti ma kehe tu halaklahi na maroban tali suhat-suhat i jana dokkon ma tusia paboa na giot gok sajo ma jolma dohot pahan-pahanan di Jerusalem gabe nada tarbangun be tembok humaliang kota i.

BAENON NI ANGKA RASUL 7:20

Di hatiha i ma sorang si Musa; tama do ia di adopan ni Debata. Tolu bulan lolotna sai di bagas ni amangna dope ia dipature-ture,

BAENON NI ANGKA RASUL 7:22

Sudena parbinotoan ni halak Mesir diajarkon do tusia jana gabe halak na marsahala situtu do ia muda mandok hata dohot mambaen sanga na aha.

EPESUS 5:27

Jadi songon i ma dibaen Ia anso marsangap parlagutan i jongjong jana polin di adopanNia, nada martihas sanga markerut.

HAKIM-HAKIM 8:18

Dung i disapai si Gideon ma si Zebah dohot si Salmuna, “Bia do angka jolma na nibunumunu na di Tabor i?” Dialusi si Zebah ma dohot si Salmuna, “Suman do halahi sude tu ho, songon pomparan ni raja-raja.”