ANDUNG 4:8 - BIBEL JAMITA NA DENGGAN

⁸ Hape saonnari payak do halahi nada ditanda be di dalan lumomlom bohina sian hagolapan. Markerut huling-hulingna i di holi-holina, songon hayu na mahiang pora-pora.

ANDUNG 4:8 Iomraidhean Croise

JOB 19:20

Maradu martanggurniang noma pamatang; na giot mate ne noma da iba, hosa i maradu habang.

JOB 2:12

Tapi di na nitatap ni halahi ia sian na dao dope, jabat do giot so ditanda halahi be ia. Tangis ma halahi gogo jana disibakkon halahi ma pakean ni halahi lalu diparsampakkon halahi ma abu tu ginjang dohot tu ulu ni halahi.

JOB 30:30

Mangalomlom pamatangniba; maradu milas pambaen ni arun masa.

JOB 33:21

Maradu marniang pamatangnia, marbingkasan holi-holina i haidaan.

MASMUR 102:11

Salpu ngolungki songon halinu borngin, malos ma au songon duhut.

MASMUR 119:83

Markerut huling-kulingku songon inganan ni anggur na buruk, tapi anggo hatontuan na nibaenMu nada huhalupahon.

MASMUR 32:4

Diuhumi Ho do au ale Tuhan, arian na borngin, merus gogongku songon aek na maruas dibaen las ni ari.

MASMUR 38:3

Hancit do huhilala hara ni parpiar ni murukMu, hara ni dosangku, nada adong torkis be pamatangku.

JESAYA 52:14

Tarsonggot ma jolma na bahat marnidasa, jatjat rupana, songon na so Anak Ni Jolma do ia ligion.

ANDUNG 5:10

Marun pamatangnami hara ni na malean, milas huling-hulingnami songon na di parapian.

JOEL 2:6

Muda mandonok halahi, sude halak mabiar, sude tompana langan jana lombam.

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

LUKAS 10:11

‘Abuan ni hutamunu on pe na lohot di patnami, hami paspaskon ma di jolomunu. Tapi ingot hamu ma bahaso madung donok Harajaan Ni Debata!’