ANDUNG 4:4 - BIBEL JAMITA NA DENGGAN

⁴ Nada dipasusu be dakdanak na menek, gabe mate nguasan ma. Mangido mangan angka dakdanak, tapi nada adong mangalehensa.

ANDUNG 4:4 Iomraidhean Croise

2 RAJA-RAJA 18:27

Dialusi parpangkat i ma, “Ulang diambang hamu diutus raja Asur au laho palaluhon sudena on tu hamu dohot tu rajamunu i sajo. Laing dohot do tu rayat na di tembok i hami mandok hata, na rap mangankon kotoranna dohot hamu sandiri dohot na minum aek na menekna sandiri.”

2 RAJA-RAJA 25:3

Di tanggal sambilan bulan opat di taon i, nada adong be panganon ni rayat i.

MASMUR 137:6

Indangkon sai huboto be marende muda huhalupahon ho jana muda so hubaen ho gabe sijop ni rohangku!

MASMUR 22:15

Aru-arungku mahiang songon ngarngar, dilaniba lohot di langit-langit ni pamangan. Anggo au madung ditinggalkon Tuhan, songon halak na mate di kuburan.

JESAYA 5:13

Hara ni i, toguon noma hamu kehe songon na tartaban. Mate tangkuraparon dohot manguas ma angka pamimpin dohot rayat.

JEREMIA 14:3

Angka pangoloi ni halak na mora disuru manjalahi aek sun tu dia; kehe halahi tu angka sumur hape aek madung abis sudena. Rumar ma parmuhatan na nioban ni halahi muli. Mardongan ganggu dohot dele ni roha ditutupi halahi bohina tanda ni arsakna.

ANDUNG 1:11

Humolos humasusa halak kota i manjalahi bohalna; marsambar roti noma artana anso ulang jabat tos hosana. Tangis Jerusalem, “Ale Tuhan, ingot ma au, parrohahon ma sude pardangolanku.”

LUKAS 10:11

‘Abuan ni hutamunu on pe na lohot di patnami, hami paspaskon ma di jolomunu. Tapi ingot hamu ma bahaso madung donok Harajaan Ni Debata!’

PANGARATAION 28:48

Hara ni i ma gabe angkon mangoloi ho tu angka musu na giot sitongoson ni Tuhan laho mangalo ho. Tangkuraparon, manguas jana marsaemara ma ho – hurangan di sasudena. Kejam baenon ni Tuhan manyosak ho lopus abis ho.

PANGARATAION 32:24

Marmatean ma halahi baenon ni arun dohot na malean disintak hamatean hara ni nyae sihabiaran. Marroan binatang panyoro manjomahi ulok na marbisa mambaen mangangguhi halahi.