ANDUNG 4:2 - BIBEL JAMITA NA DENGGAN

² Najolo songon sere na arga do angka na bajar di kota Sion, hape saonnari tudos tu hudon tano noma dibaen.

ANDUNG 4:2 Iomraidhean Croise

JESAYA 30:14

Maropuk ma hamu songon hudon tano na matapor sarge umpe sangkoping na tarpake gabe ngarngar pambuat ni banggar sian tataring sanga panahu ni aek sian kula.”

JESAYA 51:18

Sian sude dakdanak na nitubuhonna, nada adong manogu ia, jana sian sude dakdanak na dipagodang-godangna umpe adong na maniop tangannia.

JEREMIA 19:1

Disuru Tuhan ma au kehe manobusi kendi, dung i angkon piohononku piga-piga halak hatobangon dohot deba malim na tobang-tobang,

JEREMIA 19:11

Angkon dokkononku tu halahi na didokkon Tuhan Na Markuaso i songon on, “Giot sego-segoonKu ma bangso on dohot kota on lopus songon kendi na masarsar i na so tarpauli be mangulahi. Kuburkonon ni halak ma angka bangke ni halahi di Tofet, hara ni na so adong be inganan pananomanna na asing.

JEREMIA 22:28

“Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

ANDUNG 2:21

Na poso dohot na matobang marragean di dalan, na poso-nauli bulung marmatean dibaen podang. Dibuat Ho do hosa ni halahi taran na muruk Ho, disamboli Ho do halahi nada adong ibo.

ANDUNG 5:12

Ditangkupi angka pamimpinami jana digantungi, jana simatobangnami dipalayas halahi.

HOSEA 8:8

Songon barang na so diparhagiot halak, nada marguna be Israel, angke madung marcampur dohot angka bangso na asing.

ZAKARIA 9:13

BaenonKu ma Juda songon sior na sintak, jana Huhobasi Efraim tu parporangan, jana Hupake angka anakmi ale Sion, adop angka anakmu, jana tano Junani baenonKu gabe podang ni sada pahlawan.”

2 KORINTUS 4:7

Tapi hami paoban-oban do arta partondion na jeges i di bagasan dirinami na so mararga on, i ma na nibaen sian tano. Jadi muda songon i, torang ma anggo hagodangan ni kuaso i marguru di Debata do, nada marguru di hami.

2 TIMOTEUS 2:20

Anggo di bagasan bagas godang adong do marragam panjamaan nada hum panjamaan na sian perak sanga sere na adong, tapi laing adong do na sian hayu dohot tano. Adong na nipake tu angka pangalaho na sangap, jana adong muse na nipake tu pangalaho na bile.