ANDUNG 2:9 - BIBEL JAMITA NA DENGGAN

⁹ Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

ANDUNG 2:9 Iomraidhean Croise

2 RAJA-RAJA 25:7

Dimatehon ma angka dakdanaknia di jolonia. Dung i dipulsikkon ma mata ni si Zedekia, dirante ma ia jana dioban tu Babel.

2 JUJUR TAON 15:3

Lolot sajo do na so mangoloi Israel tu Debata na tutu, nada maruli pangajaran sian angka malim na laho mangajari halahi, jana nada tunduk tu angka uhum.

NEHEMIA 1:3

Dicaritohon halahi ma, hapengani na mahancit do ngolu ni angka halak na tarbuang na dung marmulahan mangulahi tu tanona i hara ni na nipalayas ni angka bangso na humaliangna i. Boti muse, laing na maropuk-ropuk dope masarsar angka tembok ni kota Jerusalem jana angka pintu horbanganna i pe nada podo dipadenggan mamungka sian na hona surbu di hatiha na salpu.

MASMUR 74:9

Nada haidaan be angka panurirang dohot angka tanda hahomangan, umpe sahalak umboto intap ni andigan laing songon on.

JESAYA 24:12

Ma pola maronco kota jana horbanganna pe marumpak.

JEREMIA 14:14

Tapi dialusi Tuhan ma, “Hata gabus do na dihatahon ni angka panurirang i mangasahon goarKu; nada Au marsuru halahi, jana nada adong Huparentahon tu halahi sanga manghobari Au tu halahi. Nada sian Au angka parnidaan na dihatahon ni halahi i; angka pangalaho na so marguna do na nilumbahon ni halahi i, i ma sian tubu-tubu ni rohana sandiri.

JEREMIA 23:16

Tu halak Jerusalem, didok Tuhan Na Markuaso i ma, “Ulang patangi-tangi hamu hata na nidok ni angka panurirang na sai tongtong mangalehen arop ni roha na rumar. Tubu-tubu ni roha ni halahi sajo do na nipalalu ni halahi, nada tona sian Au.

JEREMIA 39:2

Di ari sambilan bulan opat taon pasabolaskon mamarenta Raja Zedekia, dionjar musu i ma tembok ni kota i,

JEREMIA 39:8

Disurbu angka halak Babel i muse ma bagas godang ni raja i dohot angka bagas ni rayat lalu diparrumpakkon ma angka tembok ni Jerusalem i.

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

JEREMIA 52:14

Dung i dirumpakkon angka parangannia i ma angka tembok ni kota i.

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ANDUNG 4:15

Didok halak ma, “Morot ho sian on! Ramun do hamu, ulang dais tu hami on!” Gabe mompas-ompas ma halahi sian bangso tu bangso, jana nada adong sanga ise na marhagiot.

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

JEHESKIEL 12:13

Tapi sampakkononKu ma jalangKu laho manangkup ia. Dung i obanonKu ma ia tu kota Babel jana disi noma marujung ngolunia, so jungada diida matania kota i.

JEHESKIEL 17:20

SampakkononKu ma jala laho manangkup ia. ObanonKu ma ia tu Babel jana hona uhum disi baenonKu hara ni na so setia ia tu Au.

JEHESKIEL 7:26

Mardapot-dapot ma parmaraan dohot barita na jatjat marroan. Pangidoonmunu ma anso ro nian panurirang na giot paboa alatan, hape nada tarbaen halahi. Boti muse nada adong sanga aha di angka malim siajarkononnia tu bangso i, angka pamimpin pe madung abis sipaingot na nibotona.

HOSEA 11:6

Mangararati ma parporangan lopus tu angka kota ni halahi, bungkaron ma angka pintu horbangan jana abiskononna ma bangsongKi. Patunda ni na paihut-ihut giotna sandiri ma umbaen na tarjadi sudena i;

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

AMOS 1:5

SegohononKu angka pintu horbangan ni Damaskus jana paorotonKu halak na tinggal di Rura Awen sian inganan ni halahi. PaijuronKu sian habangsana parkuaso na di Bet-Eden, jana halak Siria tabanon lalu dioban tu Luat Kir.”

PANGARATAION 28:36

Muda nada dioloi ho Tuhan Debatamunu, obanon ni Tuhan ma ho dohot rajamunu tu tano sileban, luat na so unjung diingani ho bope ompumunu. Mangoloi tu angka debata na nibaen sian hayu dohot batu ma ho disi.

PANGARATAION 28:63

Songon jop ni roha ni Tuhan mangalehen hadumaon di ho dohot patamba bilanganmunu, laing songon i muse ma sonang ni rohaNia mangabisi ho dohot maroban hasesego tu ho. UmpatonNa ho sian tano i, na so sadia lolot nari be lehenonNa baen ingananmunu.

1 SAMUEL 28:6

Gabe mangido panogu-noguon ma ia tu Tuhan, hape nada dialusi Tuhan ia, sanga di nipi bope dohot na mamake Urim dohot Tumim sanga pe markite-hite panurirang.