ANDUNG 1:9 - BIBEL JAMITA NA DENGGAN

⁹ Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

ANDUNG 1:9 Iomraidhean Croise

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

2 RAJA-RAJA 14:26

Diida Tuhan do sanga songon dia hancitna halak Israel jana umpe adong sahalak na mangurupi halahi.

NEHEMIA 9:32

O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

MASMUR 119:153

Tatap ma pardangolanku jana palua ma au, angke nada huhalupahon TonaMu.

MASMUR 140:8

Ale Tuhan, ulang ma patulus giot ni siparjahat, ulang padiar manjadi sangkap ni halahi.

MASMUR 25:18

Ligi ma pardangolan dohot hasompitanku, jana sesa ma sude dosangku.

MASMUR 69:21

Di hatiha male au, rasun do dilehen di au, di na manguas au, cuka do dilehen di au.

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

JESAYA 3:8

Satutuna, Jerusalem madung maronco, jana Juda pe madabu, harana hata dohot pambaenan ni halahi mangalo Tuhan jana mangalo hasangapan ni harajaanNa.

JESAYA 37:17

Ale Tuhan, sugari nian diparrohahon Ho ma sanga aha na tarjadi on tu hami. Tangihon ma sude pangalayasi ni si Sanherib maradopkon Ho, ale Debata na mangolu.

JESAYA 37:23

Ise dehe na nipaila dohot na nipabilemu! Tu ise dehe dipasihil ho soramu, dohot pangaligimu na sombong? Tu na badia, Debata ni Israel.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

JESAYA 47:7

Di mulana diambang ho salolot-lolotna gabe ratu ho. Hape rohamu nada mangastui sanga bia ujungna di pudi.

JESAYA 51:19

Dua ragam parmaraan na manondong ho; ise ma na dohot marsiluluton maradopkon ho? Hasusude dohot hasesego, tangkuraparon dohot podang ise ma na giot mangapoi ho?

JESAYA 54:11

“Ale na marhancit, na diombus ni alogo, na so diapuli! Satutuna, payakkononKu ma ojahanmu, dohot batu na lomlom dohot batu nilam.

JEREMIA 13:27

Madung Huida hamu patupahon angka pangalaho na Huhagigihon. Huida do hamu markarosuan jana manggampang di angka dolok dohot di angka ladang. Marjaya ma hamu halak Jerusalem! Andigan pe hamu giot malua sian sandok hajahatan?”

JEREMIA 16:7

Nada adong muse na giot mambaen pangapulion laho mangapoi halak na marsiluluton. Nada adong halak na dohot mararsak ni roha, haru pe tu halak na agoan ama sanga ina.

JEREMIA 2:34

Hodar do pakeanmunu hara ni mudar ni halak na pogos dohot na so marsala, nada hara ni mudar ni panangko. Tapi haru songon i pe,

JEREMIA 48:26

Didok Tuhan ma, “Baen ma Moab gabe mabuk, hara ni na mangalo ia tu Au. Margiling-giling ma ia di uta-utania i jana partataan ni halak.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JEREMIA 50:29

Didok Tuhan, “Suru hamu ma angka parpana manyerang Babel. Arahon hamu ma sandok halak na malo mamake pana. Hobuk hamu ma kota i jana sahalak pe ulang paloas hamu luncat. Baloskon sude pambaenanna i jana baen hamu ma tusi hombar tu pangalahona angke na dung salpu do pambaenna maradopkon Au, Na Sun Badia, Debata Ni Israel.

ANDUNG 1:17

Diangkat Sion do tanganna mangido pangurupion, hape nada adong na mangalehen pangapoion. Sian sasudena do musu ditongos Tuhan; mamorangi Jerusalem do halahi marroan. Songon rompak do Jerusalem dibaen halahi, songon barang na busuk di tonga-tonga ni halahi.

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

ANDUNG 4:1

Sere na marlinang i ma pola mondap madung marserak di dalan i angka batu ni Bagas Ni Debata.

ANDUNG 5:1

Ingot ma, ale Tuhan, sude na tarjadi tu hami. Tatap ma hami jana ligi ma habileannami.

HOSEA 2:14

Didok Tuhan ma, “Hara ni i obanonKu ma ia tu halongonan; elek-elehonKu ma ia disi marhite angka holong ni roha.

ZEPANYA 2:10

Songon i ma panguhumna baenon tu halak Moab dohot Amon hara ni haginjangon ni roha dohot bulbul ni halahi, boti muse hara ni layasna roha ni halahi mida bangso ni Tuhan Na Markuaso i.

JOHANNES 11:19

Bahat do halak Jahudi marroan manopot si Maria dohot si Marta laho mangapoi halahi hara ni parmonding ni si Lasarus ibotona i.

PANGARATAION 26:7

Dung i pio-pio ma hami mangido tolong tu Tuhan Debata ni ompunta i. Ditangihon Ia do pio-pionta i jana diida Ia do pardangolanta hasusaan dohot sitaononta i.

PANGARATAION 32:27

Tapi nada musuna marginjang ni roha songon na maropuk bangsongKu patundana, angke hum Au, Au sajo do da na mangabiskonsa.

PANGARATAION 32:29

Nada diastuisa biasi talu halahi; nada mamoto sude na masa i.

1 PETRUS 4:17

Madung dapot hatihana, Debata manguhumi portibi on. Jana halak ni Debata sandiri do parjolo niuhuman. Antong, muda sian hita ma pungkaon ni Debata, tarbia muse noma ulaning na masa tu angka halak na so mangkaporsayai Jamita Na Denggan na sian Debata?

1 SAMUEL 1:11

Dung i didok si Hanna ma janji, “O Tuhan Na Markuaso, parrohahon ma naposoMon! Ligi ma pardangolankon. Ingot ma jana ulang halupahon au! Muda dilehen Ho di au sada anak halaklahi, marjanji ma au mangalehensa tu Ho salolot ia mangolu, jana obukna pe nada unjung tola gotapon.”