ANDUNG 1:7 - BIBEL JAMITA NA DENGGAN

⁷ Tarsingot ma Jerusalem tu hatihana najolo, taran bahat dope disia hamuliaan; lalu mardangol ma ia boti maronco. Songon i taran madabu ia tu tangan ni musuna, jana sahalak pe nada adong na ro mangurupisa. Martata-tata sajo ma angka musunia paida-ida parrumpaknia.

ANDUNG 1:7 Iomraidhean Croise

JOB 29:2

“Sugari bolas ma nian ngolungku mangulahi songon na salpu; hatiha diondihon Debata au.

MASMUR 42:4

Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

MASMUR 77:3

Muda tarsingot rohangku tu Debata, mariale ma au, muda hupasari-sari sudena i, mur magopu ma rohangku.

MASMUR 79:4

Gabe siincahan ni angka bangso na hombar hami, dipartatai jana diincahi halahi do hami.

JESAYA 64:10

Madung gabe songon halongonan, angka kotaMu na badia i, Sion madung gabe halongonan, Jerusalem madung mamolngit.

JESAYA 64:11

Bagas Ni Debata, Na Badia jana na jogi, inganan paribadatan ni angka ompunami, madung abis dipangan api. Sude hasudungan ni roha madung gabe soada.

JEREMIA 37:7

mandok tu si Zedekia songon on, “Anggo tentara ni Mesir na ro i laho tuson mangurupi ho, marbalik do i, jana mulak.

JEREMIA 48:27

Nada he Moab do najolo na mampartatai halak Israel dohot na pailahon halahi songon dia ma rupani panangko na tardapot halahi?

ANDUNG 4:17

Manatap do matanami, paintehon pangurupi na so ra ro i. Hami arop do nian ro pangurupi sian sada bangso, hape nada adong na mangalehen.

JEHESKIEL 25:3

Suru ma bangso i manangihon sanga aha na Hudok, Au Tuhan Debata mandok tu halahi, ‘Sonang do rohamunu paida-ida inganan na badiangKu dipahodar dohot tano Israel disegohon jana halak Jahudi dioban tu habuangan.

JEHESKIEL 25:6

Mangkuling ma Tuhan Debata i, “Martopapi hamu marjop ni roha. Layas diida hamu tano Israel i.

HOSEA 2:7

Kojaronnia ma angka haholongan ni rohania i, tapi nada dapot ia halahi. Jalak-jalahannia ma halahi, tapi nada dumpang ia halahi. Dung i dokkononnia ma, “Mulak noma au tu halaklahingKu na parjolo i; dumenggan do au na salpu i ulang pado saonnari.”

MIKA 4:11

Madung marlagut bahat bangso laho mamorangi ho, ale Jerusalem! Pandok ni halahi, “Angkon roncohonon do Jerusalem! Idaonnami ma kota i gabe timbunan ni angka batu!”

LUKAS 15:17

Ujungna sadar ma ia, didok ia ma, ‘Sai bahat angka parkarejo na lobian sipanganon di jolo ni damang hape anggo au mate tangkuraparon ma dison!

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.