ANDUNG 1:6 - BIBEL JAMITA NA DENGGAN

⁶ Hum turi-turian na salpu noma da hagodangan ni kota Sion. Tangkuraparon noma angka pamimpin boti abis gogona songon ursa na marlojongi sian na marburusa.

ANDUNG 1:6 Iomraidhean Croise

2 RAJA-RAJA 19:21

madung didok Tuhan ma tu si Sanherib, “Partataan jana pabileon ni Jerusalem ma ho, Sanherib.

2 RAJA-RAJA 25:4

Laing di hatiha i muse ma ditapor musu tembok ni kota i. Borngin i, haru pe na hona hobuk kota i, maporus ma raja i dohot tentara ni Juda sude kehe tu Rura ni Jordan. Mamolus sian dalan na manyalpui kobun bagas godang i ma halahi, lalu ruar sian horbangan na padomuhon tembok na dua na disi.

2 RAJA-RAJA 25:5

Tapi dikojar tentara ni Babel i ma Raja Zedekia jana tartangkup ma ia di napa ni Jeriko. Kehe ma sude parangannia i manadingkon ia.

MASMUR 50:2

Sian Sion, kota na jumeges, marsinondang Debata maradu torang.

MASMUR 96:9

Somba hamu ma Tuhan marhite habadiaan, humitir ma di adopanNia, ale sandok tano on!

JESAYA 1:21

Kota na burju najolo, saonnari gabe songon siboru jalang! Najolo burju halak kota i, hape anggo na adong saonnari hum sibunu jolma noma.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 4:5

Dung i baenon ni Tuhan ma ombun di arianna, jana timus dohot api na marsinondang di bornginna, di gincat ni kota Sion dohot di gincat ni sude angka na marlagut di kota i. Hamuliaan ni Debata ma manggupgupi dohot manjagohon sudena i.

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JEREMIA 29:4

“Songon on do pandok ni Tuhan Na Markuaso i, Debata ni Israel tu sude halak na tarbuang sian Jerusalem tu Babel:

JEREMIA 47:3

Tarbege ma di halahi sora ni parlojong ni kudo, sora ni pargaruntang ni kareta, dohot pargarutuk ni angka rodana. Gabe manggalei ma pangkilalaan ni angka na matobang, jana nada be dipikirkonsa dakdanakna angke madung gale sanga nada margogo be.

JEREMIA 48:41

Rampasonna ma angka kota dohot angka bentengna, jana mabiar ma tentarana i songon ina na giot di api.

JEREMIA 52:11

Dung i dipulsikkon ma mata ni si Zedekia, dirante ma ia lalu dioban tu Babel. Dipamasuk ma ia tu hurungan disi, jana nada jungada ia ruar sian i lopus tu hamamatenia.

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

JEHESKIEL 24:21

Dokkon ma tu halak Israel; songon on do didok Tuhan Debata satutu-tutuna pahodaronKu ma inganan parbadiaanKu, kuaso na dipangasahonmu, hasonangon ni matamu dohot rohamu; dohot anakmu halaklahi dohot dadaboru na nitinggalkonmu angkon mate rumpak dibaen podang.

JEHESKIEL 24:25

Didok Tuhan ma tu au, “Antong, ale jolma parsantongkinan, buatonKu noma sian halahi bagasKu na tohong i, na gabe hagodangan dohot hasonangan ni roha ni halahi jana na nitatap bope na nidapotkon ni halahi di bagasan jop ni roha. Laing buatonKu muse ma angka dakdanak ni halahi.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.