ANDUNG 1:13 - BIBEL JAMITA NA DENGGAN

¹³ Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

ANDUNG 1:13 Iomraidhean Croise

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

JOB 30:30

Mangalomlom pamatangniba; maradu milas pambaen ni arun masa.

JEHESKIEL 17:20

SampakkononKu ma jala laho manangkup ia. ObanonKu ma ia tu Babel jana hona uhum disi baenonKu hara ni na so setia ia tu Au.

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

JOB 19:6

Na he diboto hamu, na niparhancitan ni Debata iba, jana ditangkup Ia iba di tirangkap na nibaenNia.

IBRANI 12:29

Angke songon api na mangabiskon do tutu anggo Debatanta i.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

JEHESKIEL 12:13

Tapi sampakkononKu ma jalangKu laho manangkup ia. Dung i obanonKu ma ia tu kota Babel jana disi noma marujung ngolunia, so jungada diida matania kota i.

MASMUR 66:11

Dipadiar Ho do hami masuk tu bagasan tirangkap, dilehen Ho di hami boban na lobi borat.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

HOSEA 7:12

Tapi taononKu noma jaring, jana tangkuponKu halahi songon na manangkup unggas na mamolus. UhumanKu noma halahi hara ni angka parbuatan ni halahi na jahat i.

JEHESKIEL 32:3

Taran marlagut angka bangso, tangkuponKu ma ho dohot jalangKi, jana padiaronKu ma ho saraton ni angka bangso-bangso i tu darat.

ANDUNG 5:17

Hara ni i gabe magopu rohanami jana hara ni i ma gabe rambon parniidaannami.

ANDUNG 1:22

Parrohahon ma sude hajahatan ni halahi i, jana uhummi ma halahi, songon au on na hona uhumMi, hara ni sude dosangku na hubaen di adopanMi. Mangangguk au di bagasan pardangolan, marsak rohangku jana hancitan.”

JEREMIA 44:6

Hara ni i duruskononKu ma rimasKu dohot hosom ni rohangKu tu angka kota ni Juda dohot tu angka dalan na di Jerusalem, surbuonKu sudena lopus gabe tiranggong jana mangornop songon na tarida saonnari on.

JESAYA 42:17

Sanga ise na porsaya tu patung ni gana-ganaan. Angkon marbalik tu pudi jana dapotan hailaan i ma angka na mandok tu patung gana-ganaan: ‘Ho ma debatanami!’ ”

MASMUR 129:5

Padiar ma angka na magigi mida Sion talu jana sumurut.

MASMUR 35:4

Ho ma padiarkon talu dohot pailahon sanga ise halak na giot mamunu au. Padiar ma kehe boti so martontu halak na martahi mangalo au.

MASMUR 31:10

Marsalpuan do ngolungku di bagasan pardangolan, marabisan ari-aringku mardongan na holsoan. Maradu marniang pamatangku hara ni sapot ni bagian, salang holi-holingki pe majabat gale.

JOB 18:8

Mardalan do ia mandapotkon jaring, gabe taralit patna i.

PANGARATAION 28:65

Sanga na di dia pe nada adong dapot ho hasonangan, nada adong sada inganan na tardok ho songon ho puna; baenon ni Tuhan ma ho gamang sajo, nada adong arop ni roha, jana gok pandelean.

MASMUR 38:8

Magopu noma au jana abis gogongku, masego rohangku, mariale hara ni hancitna.

MASMUR 140:5

Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

HARURUAR 12:9

Angkon nitutung do sude uluna, patna dohot isi ni butuhana. Pangan hamu ma juhut na nitutung i ulang adong mangan na mata sanga na nibolgang.

ANDUNG 3:11

Diayak Ia do au lopus manyimbil sian dalan, jana disuakkon dagingku jubakjabik, lalu ditadingkon Ia songon i.