ANDUNG 1:1 - BIBEL JAMITA NA DENGGAN

¹ Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

ANDUNG 1:1 Iomraidhean Croise

1 RAJA-RAJA 4:21

Sude bangso mamungka sian Batang aek Efrat lalu tu Pilistin dohot parbatasan ni Mesir, masuk ma i tu harajaan ni si Salomo. Tunduk do angka bangso i jana manggarar pajak tusia salolot mangolu ia.

2 RAJA-RAJA 23:33

Marujung ma pangarajaion ni si Joahas di na tartangkup ia dibaen si Neko raja ni Mesir di Ribla na di Luat Hamat, jana dipaksa ia ma Juda manggarar pajak tusia 3.400 kilo perak dohot sere tolu pulu opat kilo.

2 RAJA-RAJA 23:35

Laho manggarar pajak na niigil ni raja Mesir i, dipalagut Raja Joyakim ma pajak sian rayat marguru tu gogo ni halahi be.

2 JUJUR TAON 9:26

Markuaso do ia di sude raja na di luat na sian Batang aek Efrat lopus tu tano ni halak Pilistin dohot parbatasan ni Mesir.

ESRA 4:20

Jungada do adong angka raja-raja na barani mamarenta disi jana mangarajai sude propinsi Efrat Hasundutan jana padalan pajak dohot bolaan.

NEHEMIA 5:4

Jana adong muse dope na mandok, “Ma manginjam hepeng hami laho palunaskon pajak na nitontuhon ni raja, i ma pajak ni ladang dohot kobun anggurnami.

NEHEMIA 9:37

Sude suha na dapot sian tano on, angkon pasahaton do tu angka raja ni luat on. Ho do mangangkat angka na markuaso i di bangsoMu, gabe uhuman ni dosa ni rayat i maradopkon Ho. Marroha-roha mamarenta halahi, tu hami dohot tu pahan-pahanannami. Jadi gabe marhancit hami saonnari, gok na manyosak dohot na mangarsahi!”

MASMUR 122:4

Angka marga ni bangso, tuson ma marroan, angka marga pilian ni Tuhan, laho mandok tarimakasi tuSia songon na nidok ni parentaNia.

JESAYA 14:12

O ale raja Babel, najolo bintang sidongdong na sumirlak do ho, hape saonnari ma pola madabu sian langit! Najolo ditaluhon ho do angka bangso, hape saonnari diompaskon ho tu tano.

JESAYA 22:2

Sude kota marsurak-surak gok hariburon dohot jop ni roha. Angka tentaramunu na mate di parporangan i nada mate hara ni na marporang.

JESAYA 3:26

Markutondo ma halak jana mangandungi di angka horbangan ni kota, jana kota i pe tudos ma tu anak boru na nipasalang na juguk di tano.

JESAYA 49:21

Jadi gabe dokkononmu ma di bagasan rohamu, “Ise dehe na manubuhon on di au? Nada he na so adong do dakdanakku jana na so bisa do au manubuhon anak dioban tu habuangan jana dipasimbil? Tapi angka dakdanak on, ise dehe na pagodangkon halahi? Satutuna, na punjung do sasada au, tapi halahon sian dia dehe marroan?”

JESAYA 50:5

Madung dibuka Tuhan Debata pinggolku, jana nada mangalo au, nada marbalik tu pudi.

JESAYA 52:2

Paspaskon ma abu na lohot di pamatangmi, ngot ma ho, ale Jerusalem na nitaban! Talduskon ma ihot-ihot sian rungkungmu, ale boru Sion na tartaban!

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

JESAYA 54:4

Ulang ho mabiar, nada pola pailaon be ho; nada layasan jabat mangirput ho. Halupahononmu ma na so turemu dompak poso ho; dohot na lungunmu dompak mabalu ho.

JEREMIA 31:7

Didok Tuhan do, “Marende ma hamu marjop ni roha di Israel bangsongKi, bangso na gumodang sian sandok bangso do i. Endehon hamu ma ende puji-pujian. ‘Na teba sian bangsoNa madung dipalua Tuhan.’

JEREMIA 40:9

Didok si Gedalya ma tu halahi, “Nada pola porlu mabiar hamu manyora tu halak Babel. Di tanonta on sajo ma hamu maringanan jana tunduk ma hamu tu raja ni Babel. Hujamin ma malua hamu.

JEREMIA 42:2

mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

JEREMIA 44:2

On ma tona ni Tuhan Na Markuaso i, Debata ni Israel tu halahi, “Madung diida hamu sandiri mara na Hutimpalkon tu Jerusalem dohot sandok kota na adong di Juda. Lopus saonnari laing tinggal sego-segona do angka kota i jana lobu.

JEREMIA 44:6

Hara ni i duruskononKu ma rimasKu dohot hosom ni rohangKu tu angka kota ni Juda dohot tu angka dalan na di Jerusalem, surbuonKu sudena lopus gabe tiranggong jana mangornop songon na tarida saonnari on.

JEREMIA 50:23

Sandok tano on maropuk dipotuk Babel. Saonnari madung maponggol potuk-potuk i! Tarsonggot ma sandok bangso umbege na tarjadi tu luat i.

JEREMIA 9:11

Didok Tuhan, “Gabe lobu baenonKu Jerusalem inganan partabunian ni sorigala. Mamolngit ma angka kota ni Juda, inganan na so adong be pangisina.”

ANDUNG 1:19

Hupio do angka donganku hape nada ra halahi mangurupi au. Angka malim dohot pamimpin ni bangso manjalahi panganon laho paudut ngolu hape mate do halahi sudena di angka dalan ni kota.

ANDUNG 2:1

Di bagasan murukNa do dibaen Tuhan, dilingkup Ia Sion dohot hagolapan. Hagodangan ni Israel na salangit i, madung disampakkon Ia tu portibi. Taran di parmuruk ni Tuhan, bagasNia na di Sion i pe nada diSia marhaporluan.

ANDUNG 2:10

Marjuguhan hatobangon ni kota Sion markutondo di tano; marsisampakkon abuan tu ginjang ni ulu, jana mamake abit goni tanda ni marsakna. Angka nauli bulung pe paunduk ulu lalu tu tano.

ANDUNG 4:1

Sere na marlinang i ma pola mondap madung marserak di dalan i angka batu ni Bagas Ni Debata.

ANDUNG 5:16

Madung madabu tuku sian ulunami, ma pola mago hami hara ni na mardosa.

JEHESKIEL 26:16

Paida-ida bagianmu, jongjong ma angka raja na sian bangso-bangso na di topi ni laut sian habangsana, bukaonna baju juba hasangapanna baju na marsulam na nipake ni halahi, lalu marjuguhan di tano humitir be. Sun ma biar ni halahi, gabe nada tarbaensa so.

JEHESKIEL 26:2

“Ale jolma parsantongkinan, marsurak-surak do halak Tirus lalu mandok, ‘Madung maronco Jerusalem! Gogona di parboniagaan madung mago! Nada be imbangta i!’ ”

JEHESKIEL 5:5

Didok Tuhan Debata ma, “Ligi da, on ma Jerusalem. Hubaen do kota on di tonga-tonga ni angka bangso parbegu jana angka luat ni halahi mangkuliangisa.

HAMALIMON 26:31

Angka kota Hugonti dohot banggar na mosok, inganan panyombaanmu angkon Huroncohon bope angka haulmunu nada jagitonKu.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

ZEPANYA 2:15

Songon i ma na masa i di kota na mangasahon hagogoonna i, jana na mangetong dirina sonang so haribo-riboan. Diambang halak kota i do kota ni halahi i ma na gumodang di sandok tano on. Santak lungun ni luat i, nada adong halak maringanan disi asing sian angka binatang harangan na marasari disi! Tarsonggot ma sanga ise na mamolus di kota i jana mabiar pangkilalaanna.

HALUMBAAN 18:7

Lehen hamu ma tusia parkancitan dohot pardangolan sabahat ni hasangapan dohot sinadongan na dung dirasoinia. Harana didok ia do di bagasan rohania, ‘Au do ratu na mamarenta! Nada na mabalu au, nada daionku hamarsahan!’