1 SAMUEL 5:3 - BIBEL JAMITA NA DENGGAN

³ Tapi ancogotna i manyogot-nyogot, diida halak Asdod ma na dung unggal patung Dagon i tungkap tu tano, di jolo ni Poti Parjanjian ni Tuhan i. Jadi gabe diangkat halahi ma patung i jana dipasuang halahi ma tu ingananna humani.

1 SAMUEL 5:3 Iomraidhean Croise

1 RAJA-RAJA 18:26

Jadi dipili halahi ma sada lombu jana dihobasi halahi. Dung sidung, martangiang ma halahi tu Baal lopus tonga ari laing marsurahi ma halahi, “Alusi hami, o Baal!” Di na mambaen songon i, laing torus-torus do halahi manortori humaliang langgatan na nibaen ni halahi i. Hape nada adong maralus bagi aha.

MASMUR 115:7

Martangan do halahi, tapi nada tarbaen manjama, marpat, hape nada malo mardalan; jana nada adong sora na ruar sian aru-aruna.

MASMUR 97:7

Sude na marsomba gana-ganaan dipaila, angka halak na mamuji dirina hara ni gana-ganaan. Sude debata marsomba sujut di jolo ni Tuhan.

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 40:20

Angka halak na giot pajongjongkon patung dipili do hayu na maol busuk, jana dijalahi ma angka tukang na malo anso ulang mura goyang patung i.

JESAYA 41:7

Tukang bosi paposkon roha ni panyopu sere, jana halak na palimuskon tumbaga pake martil patoguhon roha ni panopa diatas payahan. Didok ia ma, ‘Na denggan do da pamijormi’, lalu dipaku ia ma anso ulang humutur-hutur.

JESAYA 46:7

Diporsan patung i jana dibaen di ingananna, jongjong sajo noma i disi, jana nada tarbaen pinda. Matua na hohom do i muda martangiang halak tusia, jana nada margogo mangurupisa sian mara.

JEREMIA 10:8

Sude halahi oto jana bodo angke sombaonna hum hayu sajo do, nada tarajarkonsa na marguna.

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.

MARKUS 3:11

Angka halak na hona setan pe muda marsuo dohot Ia, angkon manigor manungkap marsomba-somba di joloNia mangangguhi, “Anak Ni Debata do Ho!” ninna be.

1 SAMUEL 6:1

Dung adong pitu bulan honokna Poti Parjanjian i di Pilistin,

1 SAMUEL 6:5

Jadi angkon baenonmunu do tiruan ni baro dohot monci na mangganas di luatmunu on. Songon i ma baen hamu pasangapkon Debata ni Israel i. Betak antahonNia ma manguhum hamu dohot angka debata maradu tanomunu.