1 SAMUEL 4:3 - BIBEL JAMITA NA DENGGAN

³ Dung mulak angka tentara na malua i tu parbandaranna, didok angka pamimpin ni Israel ma, “Biasi ulaning dipadiar Tuhan talu hita dibaen halak Pilistin sadari on? Beta, tabuat ma Poti Parjanjian ni Tuhan sian Silo, jana taoban tuson, anso ra Tuhan mandongani hita dohot paluahon hita sian musu i.”

1 SAMUEL 4:3 Iomraidhean Croise

2 SAMUEL 15:25

Dung i didok raja i ma tu si Zadok, “Paulak ma mangulahi Poti Parjanjian i tu kota i. Muda na lomo do roha ni Tuhan tu au, paloasonNia do au mulak marnida Poti Parjanjian i dohot inganan parmiananNia i mangulahi.

1 JUJUR TAON 17:1

Dung hot Raja Daud mangingani bagas godangnia i, dipiohon ia ma sanoli Panurirang Natan jana didok ia ma, “Ligi ma, di bagas godang na nibaen sian hayu sampinur Libanon do au maringanan, hape Poti Parjanjian ni Tuhan i, hum di bagasan bandar ma ingananna!”

MASMUR 74:1

Ale Debata, salolot-lolotna dehe tadingkononMu hami? Biasi torus muruk Ho tu bangsoMu sandiri?

MASMUR 74:11

Biasi nada diurupi Ho be hami? Biasi nada diantoi Ho be hami?

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 58:3

Disapai bangso i do, “Aha gunana puaso hita anggo na so niida ni Debata! Aha gunana tapaserep rohanta, anggo na so diparrohahon Ia do?” Ninna Tuhan, “Satutuna muda hatiha puaso hamu, na marsijalahi untungna be do hamu jana mamoro sian angka halak na niupaanmunu.

JESAYA 59:1

Satutuna, nada na hurang ginjang tangan ni Tuhan laho paluahon, jana parbinegeanNia nada na hurang tajom mambege.

JESAYA 59:2

Hara ni angka dosamunu i do umbaen na so ditangihon Ia hamu. Patunda ni angka hajahatanmunu i do umbaen na sirang hamu sian Debata di na so marsomba hamu tuSia.

JEREMIA 3:16

Jadi muda dung mabahat hamu di luat on, nada taringotan ni halak be mangulahi salaho tu Poti Parjanjian. Nada pikiran sanga ingot-ingoton ni halahi be i, nada be tehe porlu i di halahi sanga pe mambaen Poti Parjanjian na asing.

JEREMIA 7:4

Ulang haporsayai hamu hata gabus na mandok, ‘On ma Bagas Ni Tuhan, Bagas Ni Tuhan, Bagas Ni Tuhan.’

BILANGAN 10:33

Dung ditinggalkon halak Israel Sinai, dolok na badia i, mardalan ma halahi tolu ari honokna. Tongtong do di jolo Poti Parjanjian Ni Tuhan i, anso dipaboa ia inganan parbandaran di halahi.

BILANGAN 10:35

Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.”

BILANGAN 31:6

Disuru si Musa ma kehe halahi marporang na niuluhon ni si Pinehas anak ni Malim Eleasar. Si Pinehas do na manjago barang-barang na badia dohot angka sarune laho mangalehen tanda-tanda.

PANGARATAION 29:24

Jadi gabe sapa-sapa ma na satano on, ‘Biasi songon i ulaning dibaen Tuhan tu tano ni halahi i? Aha do mambaen songon i jabat murukNia?’

PANGARATAION 31:26

“Buat hamu ma Buku Tona Ni Debata on, jana payakkon ma di lambung ni Poti Parjanjian ni Tuhan Debatamunu i, anso laing hot ma i disi gabe hasaksian maradopkon bangsoNa i.

2 TIMOTEUS 3:5

Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.

JOSUA 4:7

paboa hamu ma tu halahi bahaso na jungada mahiang Batang aek Jordan on di na dioban Poti Parjanjian ni Tuhan manaripari batang aek i. Sai na paingoton ni angka batu on do halak Israel tu pangalaho na masa dison.”

JOSUA 6:6

Jadi dipiohon si Josua ma angka malim jana didok ia ma, “Buat hamu ma Poti Parjanjian i, angkon mardalan di jolo ni Poti Parjanjian i pitu halak sian hamu na mamalu sarune.”

JOSUA 7:7

Didok si Josua ma tu Tuhan, “O Tuhan Debatangku! Aha dehe gunana Ho maroban hami tu bariba ni Jordan on? Adong he na giot pasahatkon hami do tu angka halak Amori? Anso mate do hami? Dumenggan hian ma hami laing tinggal di bariba ni Jordan!

JOSUA 7:8

O Tuhan! Madung diayak musu i angka halak Israel sumurut. Saonnari aha noma sidokkononku?

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,

JUDAS 1:5

Madung diboto hamu i sudena. Tapi haru songon i pe laing hupaingot ma hamu taringot tu dalan na nibaen ni Tuhan laho paluahon bangso Israel sian tano Mesir, tapi dung salpu i, diragehon Ia do sanga ise angka na so porsaya sian halahi.

1 SAMUEL 1:24

Dung mantak managuk si Samuel, ditaruhon inangnia ma ia tu Bagas Ni Tuhan di Silo, haru pe laing menek sajo dope ia. Dioban si Hanna muse ma sada lombu jantan na marumur tolu taon, topung sakaleng dohot sada kantongan na gok marisi anggur.

1 SAMUEL 14:18

“Oban ma efod i tuson,” ning si Saul tu Malim Ahia. (Di jolo ni halak Israel do dioban si Ahia di ari i, efod i.)

1 SAMUEL 4:2

Dipajolo tentara ni Pilistin i ma mangaroro jana dung mur hebat parporangan i, talu ma tentara ni Israel jana mate ma hira-hira opat ribu halak di galanggang parporangan i.