YAHYA 9:16 - Kitta' Passitallikang Bau KAREBA BAJI'

¹⁶ Jari rie'mo sibageang tau Farisi injo appau, ”Tau injo gelei battu ri Allataala, saba' Ia gele lakatutui allo Passambajangang.” Sibageang pole appau, ”Makala anteekamua se're inni tau doraka akkulle a'bua' tanra nugele samara appakonjo?” Jari ammumbamu passisala pahangang ri iyai.

YAHYA 9:16 Iomraidhean Croise

MATIUS 12:10

Ri injo rie' se're tau mate sihali limanna. Akkuta'nang ngase'i mange ri Ia, ”Akkullekika appakagassing tau ri allo Passambajangang?” Pattujunnai iamo intu solanna akkulle appassala ri Ia.

MATIUS 12:2

Lajanjanna injo, appauimu tau Farisi injo mange ri Ia, ”Janjangimu, ana'-ana' gurumMu anggeokangi nurikapallikang ri allo Passambajangang.”

LUKAS 13:14

Mingka kuku'i ponggahana sapo passambajangang injo saba' Isa appakagassingi tau garring ri allo Passambajangang, jari lakuamo mange ri tau lohe injo, ”Rie' annangallo laripake anjama. Jari battuimoko risala se'renna allo injo laripakagassing na ako ri allo Passambajangang.”

YAHYA 10:19

Jari ammumbamu pole passisala pahangang ritangngana tau Yahudi lohe injo rikanara pau injo. Lohe ri iyai appau,

YAHYA 14:11

Tappa'moko mae ri Nakke ma'nassana Nakke lalang ri Amma na Amma lalang ri Nakke; iyareka ampa gele, tappakimoko rikanara jama-jamaang injo.

YAHYA 15:24

So'di injo Nakke gelea anggeokang jama-jamaang ritangnga-tangngana assimpole nulageokangi injo tau maraeng, tantu geleinna doraka. Mingka konni-konnina manna injo iyai maengi lajanjang iangase'na injo, tuli likingi baji' mae ri Nakke iyareka ri AmmangKu.

YAHYA 2:11

Passala injo lapaa'jari Isa ri Kana ri tana Galilea, na iamo inni pakaramula lapaa'jari battu risikonjo tanraNa na ri appakonjona Ia lapappijanjangammu kala'biranNa na ana'-ana' gurunNa tappa'i mange ri Ia.

YAHYA 3:2

Ia mange laurang assijanjang Isa rihattu bangngina, na lakua, ”Guru, kambe taisse'i ma'nassana Kau rie' battu mae assimpole guru risuro ri Allataala; saba' gele rie' tau akkulle appaa'jari tanra-tanra assimpole numupaa'jari injo, ampa gelei larurung Allataala.”

YAHYA 5:10

Injomo saba'na, sikonjo ponggahana tau Yahudi inni appaui mange ri tau bau injo mole garrinna, ”Allo inni hattu Passambajangang, jari gelei akkulle muangka' tappere'mu.”

YAHYA 5:36

Mingka ri Nakke rie' se're passa'bi nula'bi paralluang battu ripassa'bina Yahya, iamo intu sikonjo jama-jamaang lapassareangi Amma mae ri Nakke, solanna Kugeokang. Jamaang injomo Kugeokang konni-konnina, na iamo injo assare passa'bi ri Nakke ma'nassana Amma assuro ri Nakke.

YAHYA 6:52

A'beseremu tau Yahudi injo na lakuai, ”Anteekamua Ia inni akkulle lapassareang assinNa mae ri ditte larikanre.”

YAHYA 7:12

Ritangnga-tangngana tau lohe injo kalanggerangi bisi'-bisi' ripassala'na Isa. Rie' tau appau, ”Ia tau baji'.” Mingka rie' todo' tau appau, ”Gele, Ia appakalingui lohe tau.”

YAHYA 7:23

Ampa rie' se're tau risunna' ri allo Passambajangang, solanna andai riadeli assituru' hukkung nulapabattu injo Musa, ngura kukukiko mae ri Nakke, kanara Nakke appakagassing tau garring ri allo Passambajangang.

YAHYA 7:43

Jari ammumbamu passisala pahangang ri tau lohe injo ri kanarana Isa.

YAHYA 9:24

Jari iyai makapinruannamo lakeoki tau buta injo sumpae' na appaui mange ri ia, ”Paui silambusu'na ri a'rakang Allataala; kambe taisse'i ma'nassana tau injo rie' kadorakaanna.”

PAU-PAUWANNA SIKONJO SURO-SURO 14:4

Mingka tau lohe ri kota injo ta'bage ruai: rie' tuminahang mange ri tau Yahudi, rie' todo' tau minahang mange ri suro-suro injo.