YAHYA 8:44 - Kitta' Passitallikang Bau KAREBA BAJI'

⁴⁴ Kau assala'mui battu ri ammammu, iamo intu Ibilisi, na a'ra'i mugeokang sikonjo nulakaa'raki injo ammammu. Ia intu pahuno-huno tau minang ripakaramulana na gele attallasa lalang rikanabaang. Ampa ia appau injo sanging bura, ia appaui battu ria'ra' kale-kalena jua, saba' ia intu pa'buraang na ammai risikuanna tau pa'buraang.

YAHYA 8:44 Iomraidhean Croise

MATIUS 12:34

Oe kau pinangka' saa moso, anteekamua kau akkulle appau passala nubaji', na kau to'jua daa? Saba' nulapau inni baba ansulu'i battu ri ati.

MATIUS 13:15

Saba' babbalamu atina bangsa inni, na tolinna bera'mu laallangngere, na matanna attutu' rapa'mu; solanna iyai injo andai anjanjang matanna na allangngere tolinna na appahang atina, jari gilingi sa'genna Nakke appakabaji' ri iyai.

MATIUS 13:38

koko iamo intu lino inni. Lamungang bae gandong injo iamo intu ana'-ana' Pakkaraengang na rea injo iamo intu ana'-ana' ri tudaa sipa'na.

YAHYA 6:70

Appihali Isa mange ri suroNa, ”Gelejua Nakkemo anjo'jo' ri kaui tusampulorua inni? Mingka, sala se'renna ri kaui intu Ibilisi.”

YAHYA 7:17

Inai jua a'ra' lageokangi a'ra'Na, lalaisse'i apa ajarangKu inni nubattu ri Allataala, iyareka Nakke appau nubattu ri kalengKu to'jua.

YAHYA 8:38

Apa Kujanjang ri Amma, iamo injo Kupau, na appakonjo todo'i mugeokangi passala apa mulangngere battu ri ammammu.”

YAHYA 8:41

Numujama injo jama-jamaanna to'jua ammammu.” Appihali ngase'mu, ”Kambe gelekang rianakang kanara risangkili. Se're jua ammamba, iamo intu Allataala.”

YAHYA 8:55

sitoje'na Ia gele muisseki, mingka Ia Kuisse'i. Jari ampa Nakke appau: Ia gele Kuisse', Nakkemo pa'buraang, assimpole kaui, mingka Ia Kuisse'i na Kuturuki pauNa.

PAU-PAUWANNA SIKONJO SURO-SURO 13:10

na appaui, ”Oe ana' Ibilisi, rassiko lohe rupanna bura na sipa' daa, kau balinna sikonjo katojekang, geleko laammono' appalekko Pa'lalangang Karaeng nulambusu injo.

PAU-PAUWANNA SIKONJO SURO-SURO 24:9

Tau Yahudi injo pole lasokongi pappitina injo rilapauna ma'nassana palakara injo appakonjo toje'i.

PAU-PAUWANNA SIKONJO SURO-SURO 5:3

Mingka appaui Petrus, ”Ananias, ngura Ibilisi lakahasai atimu, jari mubura-burai Nyaha Tangkasa injo rimusa'buna sidahuang battu riballi tanamu?

2 KORINTUS 11:3

Mingka malla'a, sikalinna pikkirammu ripa'lingui battu rikamallangang toje'mu mange ri Almase, assimpole Hawa ripa'maling-malingi ri saa injo rikasara'dekanna.

1 PETRUS 5:8

Ngu'rangilaloko surang akkaletutuiko! Balimmu, Ibilisi a'lingka mange-mange assimpole masang a'ngaong-ngaong na a'bojai tau akkulle injo lakanre.

2 PETRUS 2:4

Saba' Allataala gelei lapassayang sikonjo malaeka' anggeokang injo kadorakaang mingka lalapamballung ngase'i antama' ri naraka riinjomu iyai rirante ri tampa' kalammang laritaro sa'genna larapi' hattu pangadelang.

1 YAHYA 1:8

Ampa ditte appau ma'nassana tide' kadorakaanta, injo ribura-burai kalenta na kanabaang injo tide' lalang ri ditte.

1 YAHYA 2:21

Nakke ngukiri mange ri kau, gele kanara gelena muisse' kanabaang inni, mingka kanara muisse'na na kanara muisse'na todo' ma'nassana gele rie' bura-bura nuassala'na battu rikanabaang.

1 YAHYA 2:4

Inai jua tau appau: Nakke minahang ri Ia, mingka ia gele laturuki passuroanNa, ia injo se'rei pabura-bura na lalang ri ia gelei rie' kanabaang.

1 YAHYA 3:12

gelei assimpole Kain nuassala'na battu ri tau daa na lahuno arinna. Ngura ia lahunoi? Saba' sikonjo panggeokanna nudaa na panggeokang arinna nubaji'.

1 YAHYA 3:15

Sikuanna tau liking injo mange ri urang siana' julu katappakanna iamo pahuno rupatau. Na muisse'mu ma'nassana gele rie' pahuno tau latulusu nguppa tallasa mannannungang lalang ri kalenna.

YUDAS 1:6

Appakonjo todo'i sikuanna malaeka' gele injo tunru' ripassanggaang kakahasaannai, mingka labokoi tampa' pammariannai, ritahangi ri Allataala surangang rante tide' la'busu'na lalang ri lino kakalammangang sa'genna rihattu pangadelang riallo bakka' injo.

PANJANJANNA YAHYA 12:9

Saa bakka' injo, saa toamo, nuriare' Ibilisi iyareka setang, nulaappalingu-lingu injo risibatu lino, ripamballungi naung; ia ripamballungi mange ri lino, assurang-surang sikonjo malaeka'na.

PANJANJANNA YAHYA 13:14

Ia appalingu ri iyai tuammari injo ri lino surangang ritanra-tanra numaeng ripassareang mange ri ia lalageokangi ri a'rakang matanna binantang injo. Ia assuro ri iyai tuammari injo ri lino, solanna appaentengi mesang pappakala'biri mange ri binantang loko' injo ta'ra pa'dang, mingka tulusu attallasai.

PANJANJANNA YAHYA 2:10

Akomo malla' mange riapa jua nuparallu lamukasissai! Akkaletutuiko saba' Ibilisi laappamballung lohe tau ri kau antama' ri pattarungkuang solanna kau riso'ri na languppako kamarasaiang sampulo allo sallona. Sibaji'na kau mallang sa'gemmu mate, na Nakke laassare tanra mange ri kau katallasang mannannungang.

PANJANJANNA YAHYA 21:8

Mingka sikuanna tau mallakang, sikuanna tau gele tappa', sikuanna tau gagarang, sikuanna tau pahuno, sikuanna tau pasangkili, tau pasehere, tau nyomba barahala na sikuanna tau pa'buraang, iyai injo laripabuang todo'i antama' ri bola' api bakka' akkadaparang na halirang a'bola'-bola'; iamo inni kamateang makarua.”

PANJANJANNA YAHYA 22:15

Mingka tau daa injo geo'na surang pasehere, tau bandarang, pahuno rupatau, pasomba barahala surang sikuanna tau langai injo a'bura-bura na lageokangi, laammarii pantarang kota injo.

PANJANJANNA YAHYA 9:11

Tulaparenta injoi iamo intu malaeka' balo kamateang; arenna lalang ribisara Ibrani iamo intu Abadon na lalang ribisara Yunani iamo intu Apolion.