YAHYA 8:42 - Kitta' Passitallikang Bau KAREBA BAJI'

⁴² Appaui Isa mange ri iyai, ”Ampa pade' Allataala ammammu, tantu ngamaseammu mae ri Nakke, saba' Nakke battu ri Allataala, na konni-konnina Nakke rie' ri inni. La'bipa pole Nakke rie' mae konni gele ria'ra' kale-kaleKu to'jua, mingka a'ra'namo Tuassuro injo ri Nakke.

YAHYA 8:42 Iomraidhean Croise

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 12:49

Saba' Nakke appa-pau gele nubattu ri kalengKu to'jua, mingka nubattu ri Amma, Tuassuro injo ri Nakke, iamo assuro ri Nakke laappala'bang apa nuparallu Kupau surang Kupabattu.

YAHYA 13:3

Isa laisse'i ma'nassana Amma maemmu lapassareang sikuanna mange ri Ia na ma'nassana Ia battui ri Allataala na lamuliangi pole mange ri Allataala.

YAHYA 14:10

Gele juapako tappa' ma'nassana Nakke lalang ri Amma na Amma lalang ri Nakke? Apa Kupau mange ri kau, gele Kupau battu ria'ra' kale-kaleKu to'jua, mingka Amma, Tuammari injo ri Nakke, Iamo anggeokang rijama-jamaanNa.

YAHYA 16:30

Konni-konnina taisse'mu ma'nassana Ditte ngisse' ri iangase'na na gelei parallu tau inni akkuta'nang mange ri Ditte. Injomo saba'na kambe tappa'kang ma'nassana Ditte rie' mae battu ri Allataala.”

YAHYA 17:25

O Amma kaminang adele, toje'i lino inni geleKi laisse', mingka Nakke ngisse' ri Ditte, na iyai inni laisse'i ma'nassana Dittemo maeng assuro ri Nakke;

YAHYA 17:8

Saba' sikuanna pau nuRipabattu injo mae ri Nakke maemmu Kupabattu mange ri iyai na maemmu latarimai. Iyai injo laisse'i ma'nassana Nakke rie' battu ri Ditte na iyai tappa'i ma'nassana Dittemo assuro ri Nakke.

YAHYA 3:17

Saba' Allataala lapassareangi Ana'Na antama' mae ri lino inni gele laassare hukkungang ri assinna lino inni, mingka solanna ripakasalama'i patteteang ri Ia.

YAHYA 5:23

solanna sikuanna tau ngali' ri Ana' assimpole ngali'na ri Amma. Inai jua gele ngali' ri Ana', ia gele todo'i ngali' ri Amma, Tuassuro injo ri Ia.

YAHYA 5:43

Nakke rie' mae lalang arenna AmmangKu na kaui gele narima ri Nakke; ampa tau maraeng rie' saba' ri arenna to'jua, tantu baji' mutarimainna.

YAHYA 8:14

Lakua Isa mange ri iyai, ”Manna injo Nakke assa'bi ripassala kalengKu to'jua, mingka nabai injo passa'biKu, saba' Kuisse'i, battu ri antee mae assala'Ku na laantee mae lampaKu. Mingka kaui gele muisse', ri antee mae assala'Ku na laantee mae lampaKu.

1 KORINTUS 16:22

Inai jua gele ngamaseang ri Karaeng, laallelaloi pua. Karaengba rie'muKi!

GALATIA 4:4

Mingka sungka'i ganna'mu hattunna, injo Allataala lasuro Ana'Na turianakang injo battu rise're bahine na tunru'i mange ri hukkung Tora'.

1 YAHYA 4:14

Na kambe maeng anjanjang surang assa'bi ma'nassana Amma maeng assuro ri Ana'Na laa'jari Pappakasalama'na lino inni.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.

PANJANJANNA YAHYA 22:1

Jari malaeka' injo lapappijanjangangi mae ri nakke balang nungerang injo ere katallasang, nusi'nong assingkamua kristala, na nyo'lo'i ansulu' battu ri pattolonganna Allataala surang ri pattolonganna Ana' Jimbala injo.