YAHYA 8:19 - Kitta' Passitallikang Bau KAREBA BAJI'

¹⁹ Jari appaui ngase'mu mange ri Ia, ”Ri antee mae AmmamMu?” Lakuamo Isa, ”Baji' Nakke, iyareka AmmangKu gele muisseki. So'di injo muissekia, injo muisseki todo'i AmmangKu.”

YAHYA 8:19 Iomraidhean Croise

MATIUS 11:25

Rihattu injo appaui Isa, ”Nakke sukkuru mange ri Kau, Amma, Karaeng langi' na lino, saba' iangase'na injo Kau musa'bu ri tau ngisse' na ri tau sara'de', mingka Kau mupappijanjangangi mange ri tau ki'di'.

YAHYA 1:10

Ia rie'mu lalang ri lino inni na lino inni ripaa'jari kanara ri Ia, mingka Ia gelei riisse' ri lino inni.

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 15:21

Mingka sikuanna lalageokang ngase'i mange ri kaui kanara ArengKu, saba' Ia gele laisseki tumaeng assuro injo ri Nakke.

YAHYA 16:3

Iyai injo a'bua' appakonjo, kanara geleinna laisse' baji' ri Amma iyareka ri Nakke.

YAHYA 17:3

Iamo inni tallasa mannannungang, iamo intu ma'nassana iyai ngisse'i ri Ditte, Allataala tide' ruana, na laisseki todo'i Isa Almase Tumaeng injo Risuro.

YAHYA 7:28

Rihattu ngajara'na Isa ri Sapo Allataala, appau bakka'i, ”Tantu muissekingKu na muisse' todo'i battu ri antee mae pa'assalangKu; mingka Nakke rie' mae konni gele battu ria'ra' kalengKu, mingka Nakke risuro ri Allataala tunaba gele injo muisseki.

1 KORINTUS 15:34

Ngu'rangi baji'laloko na ako anggeokang kadorakaang muliang! Rie' ri kau tugele laisse' Allataala. Kupau passala inni, solanna appisa'ring siri' ngasekiko.

GALATIA 4:9

Mingka konni-konnina sungka'na muissekimo Allataala, iyareka nula'bi baji', sungka'na kau riisse' ri Allataala, anteekamua lamuliang pole mange ri somba-sombaang ri lino nulamma surang nukaasi-asi na a'ra'i pole mubua' ata kalemmu mange ri iyai?

EFESUS 1:17

na ngera mange ri Allataala Karaengta Isa Almase, iamo intu Amma tumala'biri injo, solanna Ia assare mange ri kau Nyaha kasara'dekang surang pappijo'jo' labaji' pangisse'mu mange ri Ia.

KOLOSE 1:10

Ri appakonjonamo tallasa'mu siratangi ri a'rakanNa surang baji'i mange ri Ia lalang risikonjo passala, na kau assare hassele lalang risikonjo jama-jamaang baji' surang attimbo lalang ripangisse' passala Allataala.

KOLOSE 1:15

Almase kajanjangang battu rija'banganna Allataala nugele injo kajanjangang, nulihua, nukaminang parallu battu risikuanna nuripaa'jari,

IBRANI 1:3

Isamo appatillo' ri sau kala'birang Allataala na ja'bangang parie'na Allataala nutoje' injo na lasalanggai sikuanna nurie' patteteang ripauNa nurassi kahasa. Sungka'i a'maemmo lageokang panangkasi kadorakaang, Ia attolommu risa'ri kananNa Tukaminang Bakka' injo, na ri tampa' kaminang la'biri,

1 YAHYA 2:23

Saba' inai lasangkali Ana', ia gelei ngampunnai Amma. Inai jua ngaku ri Ana', ia ngampunnai todo'i Amma.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.

2 YAHYA 1:9

Sikuanna tau gele a'ra' ammari lalang riajarang Almase, mingka a'limbangi ansulukang battu ri injo, gelei ngampunnai Allataala. Inai jua tau ammari lalang riajarang injo, ia ngampunnai Amma surang Ana'.