YAHYA 8:14 - Kitta' Passitallikang Bau KAREBA BAJI'

¹⁴ Lakua Isa mange ri iyai, ”Manna injo Nakke assa'bi ripassala kalengKu to'jua, mingka nabai injo passa'biKu, saba' Kuisse'i, battu ri antee mae assala'Ku na laantee mae lampaKu. Mingka kaui gele muisse', ri antee mae assala'Ku na laantee mae lampaKu.

YAHYA 8:14 Iomraidhean Croise

YAHYA 10:15

assimpole Amma ngisse'i ri Nakke na Nakke ngisse' ri Amma, na Nakke a'ra'i Kupassareang nyahaKu mange risikonjo jimbala'Ku.

YAHYA 10:36

makala laappaui juapako mange ri Ia turitangkasi injo ri Amma na ri tumaeng lasuro injo antama' mae ri lino inni: Kau attua-tua ri Allataala! Kanara Nakke maeng appau: Nakke Ana' Allataala?

YAHYA 13:3

Isa laisse'i ma'nassana Amma maemmu lapassareang sikuanna mange ri Ia na ma'nassana Ia battui ri Allataala na lamuliangi pole mange ri Allataala.

YAHYA 14:10

Gele juapako tappa' ma'nassana Nakke lalang ri Amma na Amma lalang ri Nakke? Apa Kupau mange ri kau, gele Kupau battu ria'ra' kale-kaleKu to'jua, mingka Amma, Tuammari injo ri Nakke, Iamo anggeokang rijama-jamaanNa.

YAHYA 16:28

Nakke rie' mae battu ri Amma na Nakke rie' antama' ri lino; Kubokoi pole lino inni na Nakke a'lampaa lamange ri Amma.”

YAHYA 17:8

Saba' sikuanna pau nuRipabattu injo mae ri Nakke maemmu Kupabattu mange ri iyai na maemmu latarimai. Iyai injo laisse'i ma'nassana Nakke rie' battu ri Ditte na iyai tappa'i ma'nassana Dittemo assuro ri Nakke.

YAHYA 18:37

Jari akkuta'nangi pole Pilatus mange ri Ia, ”Jari Kau intu Karaeng?” Pappihalinna Isa, ”Kaumo appau ma'nassana Nakkemo Karaeng. Kanaranamo injo Nakke rilaherang na passabakang injo pole Nakke rie' antama' mae ri lino inni, solanna Nakke assare passa'bi passala rikatojekang; sikuanna tau battu rikatojekang lapilangngeri pauKu.”

YAHYA 5:31

Ampa Nakke assa'bi ripassala kalengKu to'jua, injo gelei toje' passa'biKu;

YAHYA 8:42

Appaui Isa mange ri iyai, ”Ampa pade' Allataala ammammu, tantu ngamaseammu mae ri Nakke, saba' Nakke battu ri Allataala, na konni-konnina Nakke rie' ri inni. La'bipa pole Nakke rie' mae konni gele ria'ra' kale-kaleKu to'jua, mingka a'ra'namo Tuassuro injo ri Nakke.

2 KORINTUS 11:31

Allataala, iamo intu Amma ri Isa Karaengta, turipakala'biri injo situlusu'na, laisse'i ma'nassana nakke gelea a'bura-bura.

2 KORINTUS 12:11

Toje'i nakke maeng a'jari ba'ga; mingka kau massa-massa ri nakke. Sitoje'na kaui parallu lappakala'biri mae ri nakke. Saba' manna injo nakke tide' jua matu-matungku manna siso'di', mingka ri iangase'na passala nakke gelea lasauru risikonjo suro sara'de' injo.

2 KORINTUS 12:19

Sanna' sallomu kau a'nga're ma'nassana kambe a'ra' assa'bi ri kalemba mange ri kaui. Ri a'rakanna Allataala na passabakang Almase kambe appau: Iangase'na inni, urang siana' mala'biri'ku, a'jari laappakajarre' rikatappakammu.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,

PANJANJANNA YAHYA 3:14

”Ukirilaloi mange ri malaeka' jamaah ri Laodikia: Iamo inni Pau battu ri Tutoje' injo, sa'bi tulusu mallang surang naba, poong battu risikonjo nuripaa'jari ri Allataala: