YAHYA 8:12 - Kitta' Passitallikang Bau KAREBA BAJI'

¹² Appaui pole Isa mange ri iyai, ”Nakkemo sinara lino; inai jua minahang ri Nakke, ia gele laa'lingka lalang kalammang, mingka languppa'i sinara katallasang.”

YAHYA 8:12 Iomraidhean Croise

MATIUS 5:14

Kauimo intu sinara'na lino. Kota rie' injo rate ri bonto gele ma'ring latassa'bu.

LUKAS 2:32

iamo intu sinara nulaappisa'bi ria'ra'Mu mange risikuanna tau maraeng na laa'jari kala'birang mangeri umma'Mu Israele.”

YAHYA 12:35

Appaui Isa mange ri iyai, ”Siso'di' kalemamo hattunna sinara injo rie' ri kaui. A'lingkaimoko sangkalang rie'na juapa sinara injo ri kaui, solanna kalammang injo andai kahasa ri kaui; inai jua a'lingka lalang ri kalammang, injo ia gele laisse' antee mae lampana.

YAHYA 12:36

Tappa'ko mange ri sinara injo, ampa rie' juapai sinara injo ri kaui, solanna kaui a'jari ana'-ana' sinara.” Sungka'i maeng appau appakonjo, Isa a'lampai mange amminsa'bu battu ri tau lohe injo.

YAHYA 12:46

Nakke antama' ri lino inni assimpole sinara, solanna sikuanna tau tappa' injo ri Nakke gele ammari rikalammang.

YAHYA 14:6

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 3:19

Iamo inni hukkung injo: Rie'mu Sinara injo antama' mae ri lino inni, mingka rupatau inni la'bi langaiang kalammang injo na sinara inni, saba' sikonjo panggeokanna sanging nudaa.

YAHYA 7:17

Inai jua a'ra' lageokangi a'ra'Na, lalaisse'i apa ajarangKu inni nubattu ri Allataala, iyareka Nakke appau nubattu ri kalengKu to'jua.

YAHYA 9:5

Rihattu rie'Ku juapa lalang ri lino inni, Nakkemo sinara'na lino.”

PAU-PAUWANNA SIKONJO SURO-SURO 13:47

Saba' iamo inni nulapassuroang injo Karaeng mae ri kambe: Nakke maeng appattantu ri kau laa'jari sinara mange risikuanna tau maraeng solammu ngerang kasalamakang sa'genna appa'na lino inni.”

PAU-PAUWANNA SIKONJO SURO-SURO 26:23

iamo intu ma'nassana Almase parallui lasissa na ma'nassana Iamo kaminang riolo attallasa muliang battu risikuanna tau mate, na ma'nassana Ia lapappiissekangi sinara mange ri tau lohe inni na mange risikuanna bangsa tau maraeng.”

2 PETRUS 2:17

Guru palusu injo iamo intu assimpolei mata ere a'mara, assimpolei rammang lairi' anging ka'bu. Mange ri iyai maeng sadiamu tampa' lalang rikalammang kaminang akkapu' injo.

2 PETRUS 2:4

Saba' Allataala gelei lapassayang sikonjo malaeka' anggeokang injo kadorakaang mingka lalapamballung ngase'i antama' ri naraka riinjomu iyai rirante ri tampa' kalammang laritaro sa'genna larapi' hattu pangadelang.

1 YAHYA 1:6

Ampa ditte appau ma'nassana ditte ngampunnai passe're-se'reang surangang Ia, mingka tallasaki lalang rinukalammang, injo a'bura-buraki na geleki anggeokang kanabaang.

YUDAS 1:13

Iyai injo assimpolei bombang bakka', nuappakaa'busa nudaa battu ri kalennai to'jua; iyai injo assimpolei bintoeng kalari-lari, numange ri ia sadiamu tampa' ri lino kalammang situli-tulinna.

YUDAS 1:6

Appakonjo todo'i sikuanna malaeka' gele injo tunru' ripassanggaang kakahasaannai, mingka labokoi tampa' pammariannai, ritahangi ri Allataala surangang rante tide' la'busu'na lalang ri lino kakalammangang sa'genna rihattu pangadelang riallo bakka' injo.

PANJANJANNA YAHYA 21:24

Sikonjo bangsa laa'lingkai lalang risinara'na na sikonjo karaeng ri lino laerang kakalumannyanganna mange ri Ia;