YAHYA 7:39 - Kitta' Passitallikang Bau KAREBA BAJI'

³⁹ Nulakuangang injo Isa iamo intu Nyaha Allataala nulalatarima injo sikuanna tau tappa' mange ri Ia; saba' Nyaha Allataala injo gelepai rie', saba' Isa gelepai ripakala'biri.

YAHYA 7:39 Iomraidhean Croise

MATIUS 16:14

Pappihalinnai, ”Rie' tau appau: Yahya pario, tumaraeng appau: Elia na rie' pole tumaraeng appau: Yeremia iyareka sala se're risikonjo nabbi.”

MATIUS 21:11

Appihali tau lohe injo, ”Iamo inni Nabbi Isa battu ri Nazaret ri tana Galilea.”

LUKAS 24:49

Janjangimu, Nakkemo laassare mange ri kau apa numaeng injo latallikang AmmangKu. Mingka paralluko ammari ri kota inni sa'gemmu risangkaki kahasa battu ri Allataala.”

LUKAS 3:16

appihali Yahya na appaui mange ri tau lohe injo: ”Nakke ere jua kupario ri kaui, mingka Ia Tula'bi kahasaang injo battu ri nakke larie'i mae na manna pallekkesi tulu' sandalaNa gelea siratang. Ia lalarioko ri Nyaha Tangkasa surangang api.

LUKAS 7:16

Malla' ngase'mu tau lohe injo na lapakala'biri Allataala, lakua, ”Rie'mo se're nabbi bakka' ammumba ritangnga-tangngata,” na rie'mu ”Allataala lapakasalama' umma'Na.”

YAHYA 1:21

Maeng injo akkuta'nangimu isse' mange ri ia, ”Ampa appakonjo, inaiko? Apa kaumoka Elia?” Appihali pole Yahya, ”Gele!” ”Kaumoka nabbi larie' injo?” Lakuamo Yahya, ”Gele!”

YAHYA 1:25

Akuta'nangi ngase'mu mange ri ia, lakua, ”Ngura anrioko tau, ampa pade' gele kau Almase, gele todo'ko Elia, na kau gele nabbi larie' injo?”

YAHYA 1:33

Na manna nakke riolo gele todo'i kuisse', mingka Ia, tuassuro injo ri nakke lanrio tau surangang ere, maengi appau mae ri nakke: Ampa mujanjangi Nyaha Tangkasa injo naung rise're tau na ammari ri baho ulunNa, Iamo lanrio tau surangang Nyaha Tangkasa.

YAHYA 12:16

Ripakaramulana ana'-ana' gurunna Isa gele lapahang passala injo, mingka sungka'i maemmo ripakala'biri Isa, ngu'rangii ngase'mu ma'nassana pau injomo lakuangang, na ma'nassana iyai maeng lageokang todo'i mange ri Ia.

YAHYA 12:23

Appaui Isa mange ri iyai, ”Larapi'mu hattunna Ana' Rupatau laripakala'biri.

YAHYA 14:13

na apa jua muera lalang ri arengKu, laKugeokangi, solanna ripakala'biri Amma lalang ri Ana'.

YAHYA 14:26

mingka Nyaha Paurang-urang, iamo intu Nyaha Tangkasa, nulalasuro injo Amma lalang riarengKu, Iamo lalapangajarangi iangase'na mange ri kaui na lalapiu'rangiko risikonjo numaeng Kupau ri kaui.

YAHYA 16:14

Ia laappakala'biri mae ri Nakke, saba' Ia laappabattu mange ri kaui apa numaeng latarima battu ri Nakke.

YAHYA 16:7

Mingka toje'i nuKupau inni mange ri kaui: Iamo intu la'bi riekang matu-matunna ri kaui, ampa Nakke a'lampa. Saba' ampa Nakke gelea a'lampa, Nyaha Paurang-urang injo gele todo'i larie' mange ri kaui, mingka ampa a'lampa, Nakke lassuro ri Ia mange ri kaui.

YAHYA 17:1

Appakonjomu pauna Isa. Maeng injo Ia ammongai nai' ri langi' na appaui, ”Amma, larapi'mu hattunna; pakala'birimu Ana'Ta, solanna Ana'Ta appakala'biri ri Ditte.

YAHYA 17:5

Na konni-konnina, o Amma, pakala'birima ri a'rakanTa surangang kala'birang Kuuppa injo ri a'rakanTa rigelenapa rie' lino.

YAHYA 20:22

Rimaenna appau appakonjo, Ia latui' ngase'i na lakua, ”Tarimai Nyaha Tangkasa.

YAHYA 6:14

Sungka'na tau lohe injo lajanjang kajariang gele samara lageokang injo Isa, appau ngasekimu, ”Ia inni toje'i Nabbi nularie' injo antama' mae ri lino inni.”

YAHYA 7:12

Ritangnga-tangngana tau lohe injo kalanggerangi bisi'-bisi' ripassala'na Isa. Rie' tau appau, ”Ia tau baji'.” Mingka rie' todo' tau appau, ”Gele, Ia appakalingui lohe tau.”

YAHYA 8:54

Appihali Isa, ”Ampa Nakke appakala'biri ri kalengKu to'jua, injo kala'birangKu manna siso'di' tide' jua matu-matunna. AmmangKumo appakala'biri ri Nakke, ripassala'na inai mukuangang: Iamo Allataala ri kambe,

PAU-PAUWANNA SIKONJO SURO-SURO 19:2

Ia akkuta'nangi mange ri iyai: ”Maengimoko narima Nyaha Tangkasa, rihattu tappa'mui?” Mingka appihali ngase'i mange ri ia, ”Gelepakang, saba' manna pallangngere gelepakang minang ma'nassana rie' Nyaha Tangkasa.”

PAU-PAUWANNA SIKONJO SURO-SURO 2:17

Lakajariangi rihattu kala'busang – appakonjomu pauna Allataala – ma'nassana LaKupaturungi NyahaKu mange risikonjo rupatau; jari sikonjo ana' bura'nemu na ana' bahinemu laKupappiissekangi mange ri kau passala nulaKupauwangi injo mange ri iyai, na ana' bura'ne longkomu surang ana'raramu laanjanjangi passala nulaKupijanjangiang injo mange ri iyai, na sikonjo tutoa-toamu languppai so'na.

PAU-PAUWANNA SIKONJO SURO-SURO 2:33

Sungka'i maemmo ripakala'biri risa'ri kananNa Allataala na narimai battu ri Amma, Nyaha Tangkasa nulatallikang injo, jari lapaturumMu Nyaha injo assimpole numujanjang na numulangngere ri inni.

PAU-PAUWANNA SIKONJO SURO-SURO 2:38

Appihali Petrus mange ri iyai, ”Jarrako na parralluko tasse're-se're tau ririo lalang arenna Isa Almase lariampungi kadorakaammu, jari narimako pangamaseang, iamo intu Nyaha Tangkasa.

PAU-PAUWANNA SIKONJO SURO-SURO 2:4

Jari iyai ngase' rassimu Nyaha Tangkasa na pakaramulamu appau-pau lalang bisara maraeng, assimpole nurisareang battu ri Nyaha injo mange ri iyai lalapau.

PAU-PAUWANNA SIKONJO SURO-SURO 3:13

Allataala ri Abraham, ri Ishak surang ri Yakub, Allataalana puwa-puwata maeng lapakala'biri suroNa, iamo intu Isa tumaeng mupassareang injo na musangkali ri a'rakanna Pilatus, manna injo Pilatus latappuki lalapakalappasa Isa.

PAU-PAUWANNA SIKONJO SURO-SURO 4:31

Na rihattunna juapa ngera dowaang, anggeommu tampa' pa'rappungannai na ladongkoki ngase'i Nyaha Tangkasa, maeng injo lapala'bangimu pau Allataala lalang rikabaraniang.

ROMA 8:9

Mingka geleiko attallasa lalang ria'ra'na rupatau, passangadinna lalang ria'ra'na Nyaha Tangkasa, ampa toje'i Nyaha Tangkasa'Na Allataala ammari lalang ri kau. Mingka ampa rie' tugele ngampunnai Nyaha Almase, ia gele anunna Almase.

2 KORINTUS 3:8

Jari la'bipa pole bakka'na kala'birang numinahang ri panjampangi Nyaha.

EFESUS 4:30

Na akolalo pa'ri'-pa'risi Nyaha Tangkasa'na Allataala, numaeng a'jari segele injo ri kau riseppa'namo hattu pappasalama' injo.