YAHYA 7:30 - Kitta' Passitallikang Bau KAREBA BAJI'

³⁰ A'naha-nahaimu lalajakkali Isa, mingka gele rie' manna se're tau lauppai lakaraha Isa, saba' gelepai larapi' hattunNa.

YAHYA 7:30 Iomraidhean Croise

MATIUS 12:14

Jari ansulukimu tau Farisi injo na a'naha-nahai lalahuno Isa.

MATIUS 21:46

Jari assamturukimu lalajakkalai Isa, mingka malla'i ri tau lohe, saba' tau lohe injo larapangi Isa Nabbi.

MARKUS 11:18

Sikonjo imang ponggaha na sikonjo guru Tora' lalangngere passala injo, na a'bojamu akkala daa lalahuno Isa, saba' iyai malla'i ri Isa, saba' tau lohe injo sanna' lannasinna ripangajaranNa.

LUKAS 20:19

Jari guru Tora' na imang ponggaha injo apparri-parri lalajakkala Isa, saba' laisse'i ma'nassana kalenna lakuangang Isa ripakkalebarang injo, mingka mallakii ri tau lohe.

LUKAS 22:53

Kusa'ring allo-allo juai Nakke rie' ritangnga-tangngamu ri Sapo Allataala, na gele kalea mujakkali. Mingka iamo inni hattummu, na iamo inni kahasana kalammang injo.”

YAHYA 10:31

Ngalleimu isse' batu tau Yahudi injo ampai labunduki Isa.

YAHYA 10:39

Sikalipa pole iyai lasobai lajakkala Isa, mingka Ia lappasai battu ri limannai.

YAHYA 11:57

Rihattu injo pole sikonjo imang ponggaha na tau Farisi injo maemmu assare parenta solanna sikuanna tau laisse' injo ri antee mae Isa parallui lapappiissekang, solanna akkulle lajakkala Isa.

YAHYA 7:19

Gelejua Musa maengi assare hukkung Tora' mange ri kau? Mingka gele rie' manna se're tau ri kau lageokangi hukkung Tora' injo. Ngura Nakke muparri-parri a'ra' lamuhunoi?”

YAHYA 7:32

Tau Farisi allangngere injo ribisi'-bisi'na tau lohe rinua'jari injo ripassala'na Isa, na kanara injomo imang ponggaha injo surang tau Farisi injo assuroi risikonjo pajaga ri Sapo Allataala lajakkalai Isa.

YAHYA 7:6

Jari appihali Isa mange ri iyai, ”Gelepai larapi' hattungKu, mingka ri kaui tulusu larie' hattu.

YAHYA 7:8

A'lampamoko mange ripassua'-suarang injo. Nakke gelea laa'lampa mange konjo, saba' gelepai larapi' hattungKu.”

YAHYA 8:20

Pau-pau injo labisarai Isa riampi'na panaroang doe', rihattu ngajara'na ri Sapo Allataala. Gele rie' manna sitau lajakkalai Isa, saba' gelepai larapi' hattunNa.

YAHYA 8:37

”Kuisse'i ma'nassana kau intu tuina Abraham, mingka kaui tulusu Nakke munaha-naha lamuhunoi kanara ripauKu gele nguppa tampa' lalang ri atimu.

YAHYA 8:59

Jari ngalleimu batu labunduki Isa; mingka Isa a'lampai labokoi Sapo Allataala.

YAHYA 9:4

Ditte parallui rigeokang jamaanna Tuassuro injo ri Nakke, ampa rie' juapa matanna allo; kalarie' bangngi sa'genna gelemo rie' manna se're tau akkulle anjama.