YAHYA 7:17 - Kitta' Passitallikang Bau KAREBA BAJI'

¹⁷ Inai jua a'ra' lageokangi a'ra'Na, lalaisse'i apa ajarangKu inni nubattu ri Allataala, iyareka Nakke appau nubattu ri kalengKu to'jua.

YAHYA 7:17 Iomraidhean Croise

MATIUS 6:22

Mata intu kanjoli batangkale. Ampa baji' matammu, sinara intu sibatu batangkalemmu;

LUKAS 8:15

Nua'dappe' injo ri tana baji' iamo intu sikuanna tau, allangngere pau injo, lananro baji'i lalang ri ati si'nonna na appasulu'i bua baji' lalang rikasabbarang.”

YAHYA 3:21

mingka inai jua anggeokang nunaba, ia battui mange ri Sinara, solanna a'jari kaissekang ma'nassana sikonjo panggeokanna lageokangi lalang ri Allataala.”

YAHYA 8:43

Apakale saba'na ri kau nagele mupahang pauKu? Saba' kau gele akkulle mupina'na' pauKu.

YAHYA 8:44

Kau assala'mui battu ri ammammu, iamo intu Ibilisi, na a'ra'i mugeokang sikonjo nulakaa'raki injo ammammu. Ia intu pahuno-huno tau minang ripakaramulana na gele attallasa lalang rikanabaang. Ampa ia appau injo sanging bura, ia appaui battu ria'ra' kale-kalena jua, saba' ia intu pa'buraang na ammai risikuanna tau pa'buraang.

YAHYA 8:47

Inai jua assala'na battu ri Allataala, ia lapilangngeri pauna Allataala; injomo saba'na kau gele mupilangngeri, saba' assala'mu gele nubattu ri Allataala.”

PAU-PAUWANNA SIKONJO SURO-SURO 17:11

Sikuanna tau Yahudi ri kota injo la'bi baji'i nyahana battu risikuanna tau Yahudi rie' injo ri Tesalonika, saba' maenginnamo latarima pau injo lalang rikarannuang nyaha na allo-alloi ngaji Kitta' Tangkasa lalapiisseki, apa iangase'na injo toje'i appakonjona.