YAHYA 7:14 - Kitta' Passitallikang Bau KAREBA BAJI'

¹⁴ Rihattu attangnganamo passua'-suarang injo, Isa antama'i ri Sapo Allataala ampai ngajara ri injo.

YAHYA 7:14 Iomraidhean Croise

MATIUS 21:12

Maeng injo Isa antama'i ri Sapo Allataala na labongkai sikuanna tau a'balu'-balu' rijurunna Sapo Allataala. Ia lapabulinta' ngase'i sikonjo mejang pappasambeang doe' na sikonjo bangkona pabalu'-balu' bangkeng bodo

MATIUS 26:55

Rihattu injo Isa appaui mange ri tau lohe, ”Pa'ngare'mui Nakke inni palukka', jari riekiko mae sangka' muerang pa'dang na panrabung lamujakkalia? Na allo bangngi jua Nakke attolong ngajara ri Sapo Allataala, na gelea mujakkali ri injo.

LUKAS 19:47

Allo-alloi Isa ngajara ri Sapo Allataala. Sikonjo imang ponggaha na guru Tora' surang tutoa-toana Israele laparri-parri lalahuno Isa,

YAHYA 18:20

Appihali Isa mange ri ia, ”Nakke appau lambusu ri lino inni: Nakke sanging ngajara ri sapo passambajangang surang ri Sapo Allataala, tampa'na sikuanna tau Yahudi asse're-se're; Nakke gelea minang a'bisara assa'bu-sa'bu.

YAHYA 5:14

Maeng injo Isa assiuppai tau injo lalang ri Sapo Allataala ampai appau mange ri ia, ”U'rangi, kau molemu garrimmu; ammonomo'ko anggeokang kadorakaang muliang, solanna andai a'jari nula'bi sarroang ri kau.”

YAHYA 7:2

Rihattu injo seppa'mu allo panganre-nganreanna tau Yahudi inni ri sapo ta'ata' taha kaju.

YAHYA 7:28

Rihattu ngajara'na Isa ri Sapo Allataala, appau bakka'i, ”Tantu muissekingKu na muisse' todo'i battu ri antee mae pa'assalangKu; mingka Nakke rie' mae konni gele battu ria'ra' kalengKu, mingka Nakke risuro ri Allataala tunaba gele injo muisseki.

YAHYA 7:37

Ri allo kateppusanna, iamo intu rimata passua'-suarang injo, ammentengi Isa na appau bakka'i, ”Inai jua tirere, baji'i battu mae ri Nakke na nginungi!

YAHYA 8:2

Ngesalakalejuapai Ia rie'mu isse' ri Sapo Allataala, na sikuanna tau rie' ngase'i mange ri Ia. Ia attolongi na laajara ngase'i.

YAHYA 8:20

Pau-pau injo labisarai Isa riampi'na panaroang doe', rihattu ngajara'na ri Sapo Allataala. Gele rie' manna sitau lajakkalai Isa, saba' gelepai larapi' hattunNa.