YAHYA 6:57 - Kitta' Passitallikang Bau KAREBA BAJI'

⁵⁷ Assimpole Amma attallasa injo assuro mae ri Nakke na Nakke attallasa rikanara Amma, appakonjo todo'i inai jua lakanrea, languppai tallasa kanara ri Nakke.

YAHYA 6:57 Iomraidhean Croise

MATIUS 16:16

Appihali Simon Petrus, ”Kaumo Almase, Ana' Allataala!”

YAHYA 14:19

Gelemu lasallo lino inni nagelema lajanjang, mingka kau lamujanjangia, saba' Nakke laattallasa na kaui pole laattallasa.

YAHYA 14:6

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 17:21

solanna iyai ngase' a'jari se're, assimpole Ditte, o Amma, lalang ri Nakke na Nakke lalang ri Ditte, solanna iyai lalang todo'i ri ditte, solanna lino inni tappa'i ma'nassana Dittemo maeng assuro ri Nakke.

YAHYA 3:17

Saba' Allataala lapassareangi Ana'Na antama' mae ri lino inni gele laassare hukkungang ri assinna lino inni, mingka solanna ripakasalama'i patteteang ri Ia.

YAHYA 5:26

Saba' assimpole Amma rie' tallasa lalang ri kalenNa, appakonjo todo'i rilasareanNa Ana' rie' tallasa lalang ri kalenNa.

YAHYA 6:29

Appihali Isa mange ri iyai, ”Iamo inni jamaang nulakaa'raki injo Allataala, iamo intu parallulaloko tappa' mange ri Ia ri Tumaeng lasuro injo Allataala.”

YAHYA 6:38

Saba' Nakkemo naung battu ri Suruga gele langgeokang ria'ra'Ku mingka a'ra'na Tuassuro injo ri Nakke.

1 KORINTUS 15:22

Saba' assimpole sikuanna tau mate lalang ri passamaturukanna ri Adam, appakonjo todo'i sikuanna tau laripakaattallasai muliang lalang ripassamaturukanna ri Almase.

1 KORINTUS 15:45

Assimpole rie' ta'ukiri: Rupatau makase're injo, Adam a'jari mahallo' attallasa, mingka Adam kala'busang injo a'jari nyaha nuappakaattallasa injo.

2 KORINTUS 13:4

Saba' manna injo Ia maengi risalli' rikanara kalammaang, mingka Ia attallasai kanara kahasana Allataala. Toje'i kambe lamma lalang ri Ia, mingka kambe laattallasa assurang-surang Ia tujummu kanara kahasa Allataala.

GALATIA 2:20

nakke attallasa, mingka gelemo nakke jua attallasa, passangadinna Almase attallasa lalang ri nakke. Tallasa kuerang injo konni-konnina ri mata kasara iamo intu tallasa rikanara katappakang lalang ri Ana' Allataala tumaeng ngamaseang injo mae ri nakke na lapassareang kalenNa ri nakke.

1 TESALONIKA 1:9

Saba' iyai to'juamo allagara passala ri kambe, anteekamua panruppaimmu mae ri kambe na anteekamua kau a'giling battu risikonjo somba-sombaang mange ri Allataala laanjampangi Allataala attallasa surang nutoje' injo,

IBRANI 9:14

La'bipa pole rara Almase, nupatteteang ri Nyaha mannannungang maeng lapassidakkaammu kalenNa mange ri Allataala assimpole passidakka nutide' sallaanna, laappakatangkasa ri ati si'nongta battu risikonjo panggeokang tide' injo matu-matunna, solanna ditte akkulleki assambajang mange ri Allataala nuattallasa injo.

1 YAHYA 4:9

Lalang ripassala innimo pangamaseanna Allataala ripappisa'biang ritangnga-tangngata, iamo intu ma'nassana Allataala maeng lasuromu Ana' sitau-tauNa antama' mae ri lino inni, solanna ditte attallasa rikanaraNa.