YAHYA 6:51 - Kitta' Passitallikang Bau KAREBA BAJI'

⁵¹ Nakkemo roti katallasang numaeng injo turung battu ri Suruga. Ampa rie' se're tau lakanre roti inni, ia languppai tallasa mannannungang, na roti Kupassareang injo iamo intu assingKu, Kupassareang ritallasa'na lino inni.”

YAHYA 6:51 Iomraidhean Croise

MATIUS 20:28

assimpole Ana' Rupatau rie'i mae ri lino gele larijampangi, mingka lanjampangi na lalapassareangi nyahaNa a'jari pallappasi kadorakaang ri tau lohe.”

LUKAS 22:19

Maeng injo Ia ngalle roti, masa barakka'i, ampai latu'be-tu'be na lapaa'dahu-dahuangi mange ri iyai, lakua pauNa: ”Iamo inni batangkalengKu nuripasareang injo mange ri kaui; geokangi inni laa'jari pangu'rangi ri Nakke.”

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:29

Rimintara'namo mae Yahya lajanjangi Isa ambattu mange ri ia na lakuamo, ”Janjangimu Ana' jimbala'na Allataala, nulaappakalappasa injo kadorakaang ri lino inni.

YAHYA 11:26

na sikuanna tau attallasa na tappa'i mae ri Nakke, gele lamate sitarrusu'na. Tappa' juako ripassala inni?”

YAHYA 3:13

Gele rie' manna se're tau maeng nai' ri Suruga maraenganna Ia Tumaeng naung injo rie' mae battu ri Suruga, iamo intu Ana' Rupatau.

YAHYA 3:14

Na assimpole Musa appakalangkasa saa ri parang luara, appakonjo todo'i Ana' Rupatau parallu ripakalangkasa,

YAHYA 3:16

Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

YAHYA 3:36

Inai jua tappa' mange ri Ana', languppai tallasa mannannungang, mingka inai jua gele tappa' mange ri Ana', ia gele laanjanjang tallasa, passangadinna hukkunganna Allataala tulusu larie' ri ia.”

YAHYA 5:24

Sitoje'na Nakke appau mange ri kaui: Inai jua lapilangngeri pauKu na tappa'i mange ri Ia Tuassuro injo ri Nakke, ia languppai tallasa mannannungang na gele languppa hukkungang, saba' ia a'lette'mu battu rikamateang antama' rikatallasang.

YAHYA 6:33

Saba' roti nubattu injo ri Allataala iamo intu roti turung battu ri Suruga na assare katallasang mange ri lino inni.”

YAHYA 6:35

Appaui Isa mange ri iyai, ”Nakkemo roti assare katallasang; inai jua battu mae ri Nakke, ia gelemu laminang pa're muliang, na inai jua tappa' mae ri Nakke, ia gelemu laminang tirere muliang.

YAHYA 6:41

Jari a'husa-husa ngase'mu tau Yahudi injo ripassala'na Ia, ”Saba' Ia maengi appau, Nakkemo roti turung battu ri Suruga.”

YAHYA 6:47

Sitoje'na Nakke appau mange ri kaui: Inai jua tappa', ia languppa tallasa mannannungang.

YAHYA 6:48

Nakkemo roti assare katallasang.

YAHYA 6:50

Innimo roti turung injo battu ri Suruga: Inai jua lakanre roti inni, ia gelemu lamate.

YAHYA 7:38

Inai jua tappa' mae ri Nakke, assimpole nulapau injo ri Kitta' Tangkasa: Battu lalang ri atina lanyo'lo'i eremata attallasa.”

2 KORINTUS 5:19

Saba' lalang ri Almase, Allataala lapassidameangi lino inni surang kalenNa nagele larekeng kasalaannai na Ia maeng lapassareangi kareba pa'dameang injo mae ri kambe.

2 KORINTUS 5:21

Ia tugele injo ngisse' doraka Ia maeng ribua'mu a'jari doraka rikanarata, solanna lalang ri Ia ditte ripa'naba ri Allataala.

EFESUS 5:2

na tallasa lalang ripangamaseang, appaanteekamua Isa Almase maeng todo'mu ngamaseang mange ri kaui na maeng lapassareammu kalenNa mae ri ditte assimpole passidakka surang koro'bang hau' ri Allataala.

EFESUS 5:25

Oe bura'ne intu, kamaseangi bahinemmu appaanteekamua Almase maeng ngamaseang ri jamaah na maeng lapassareammu kalenNa mange ri ia

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

IBRANI 10:20

saba' Ia a'bua'mu pa'lalangang bau na nuattallasa mae ri ditte patteteang ri passimbangang. Iamo intu kalenNa to'jua,

1 PETRUS 2:4

Ambattuimoko mange ri Ia, ri batu attallasa injo, numaeng ripela' ri rupatau, mingka ripile na rikangalikangi ri a'rakanna Allataala.

1 YAHYA 2:2

Iamo appaa'dame mae risikonjo kadorakaanta na gele sangga kadorakaanta jua, mingka kadorakaanna todo' sibatu lino.

1 YAHYA 4:10

Iamo inni pangamaseang injo: Gele ditte maeng ngamaseang Allataala, mingka Allataala maeng ngamaseang ri ditte na lasuro ana'Na laa'jari pa'dameang mange risikonjo kadorakaanta.

1 YAHYA 4:14

Na kambe maeng anjanjang surang assa'bi ma'nassana Amma maeng assuro ri Ana'Na laa'jari Pappakasalama'na lino inni.