YAHYA 6:2 - Kitta' Passitallikang Bau KAREBA BAJI'

² Lohe tau a'rurung-rurung minahang ri Ia, saba' iyai injo maemmu lajanjang sikonjo kajariang gele samara nulapaa'jari Isa mange risikuanna tau lataba injo garring.

YAHYA 6:2 Iomraidhean Croise

MATIUS 13:2

Maeng injo riekimu tau lohe injo a'rurung-rurung na a'domung ri Ia, sa'genna Ia nai' ri lopi na attolongi ri injo, na tau lohe injo ammenteng ngase'i ri biring bone.

MATIUS 14:14

Rihattunna rampe Isa, Ia anjanjangi tau lohe bakka' jumallana, jari rie'mo ri atiNa pangamaseang mange ri iyai na Ia lapakagassing ngase'i tau garring injo.

MATIUS 8:1

Sungka'na Isa naung battu ri baho buttu, lohe tau a'rurung-rurung minahang ri Ia.

MARKUS 1:45

Mingka tau injo a'lampai na lapappiissekangi sikonjo kajariang surang lapaui mange-mange, jari Isa gelemu akkulle antama' ri kota. Ia ammarimamo pantarang kota ri tampa' sino; mingka tulusu lohe tau mange ri Ia battu risikonjo kampong surang kota.

MARKUS 6:33

Mingka rihattu a'lampainna lohe tau lajanjangi na laissekii antee mae lalamangei. Jari apparri-parri a'lingka bangkeng tau lohe battu injo risikonjo kota mange ri tampa' injo sa'genna iyaimo riolo ambattu mange konjo.

YAHYA 11:47

Jari imang ponggaha injo na tau Farisi lakeo'i Hakking Agama injo laa'rappung na appau ngase'i, ”Apamo parallu rigeokang? Saba' tau injo sanna' lohemo nugele samara lageokang.

YAHYA 12:18

Injomo saba'na tau lohe injo a'lampai laruppai Isa, kanara lalangngerinna ma'nassana Ia a'bua' kajariang nugele injo samara.

YAHYA 12:37

Manna injo Isa a'bua'i siloheang kajariang nugele samara ri a'rakang matannai, mingka iyai gele juai tappa' mange ri Ia,

YAHYA 2:11

Passala injo lapaa'jari Isa ri Kana ri tana Galilea, na iamo inni pakaramula lapaa'jari battu risikonjo tanraNa na ri appakonjona Ia lapappijanjangammu kala'biranNa na ana'-ana' gurunNa tappa'i mange ri Ia.

YAHYA 2:23

Rihattunna rie' juapa Isa ri Yerusalem, ri allo Pa'lappasang injo, lohe tau tappa' lalang ri arenNa, saba' iyai maengi lajanjang tanra-tanra nugele samara lapaa'jari Isa.

YAHYA 20:30

Toje'i sanna' lohe juapa tanra nugele samara nulapaa'jari Isa ri a'rakang matanna ana'-ana' gurunNa, nugele ta'ukiri lalang ri kitta' inni,

YAHYA 3:2

Ia mange laurang assijanjang Isa rihattu bangngina, na lakua, ”Guru, kambe taisse'i ma'nassana Kau rie' battu mae assimpole guru risuro ri Allataala; saba' gele rie' tau akkulle appaa'jari tanra-tanra assimpole numupaa'jari injo, ampa gelei larurung Allataala.”

YAHYA 6:14

Sungka'na tau lohe injo lajanjang kajariang gele samara lageokang injo Isa, appau ngasekimu, ”Ia inni toje'i Nabbi nularie' injo antama' mae ri lino inni.”

YAHYA 6:22

Rimintara'namo mae tau lohe injo, tuammari injo juapa ha'leang, lajanjangi ma'nassana ri injo tide'mo lopi maraenganna lopi sibatu injo sumpae' na ma'nassana Isa gele minahang a'dongko' ri lopi injo surang ana'-ana' gurunNa, na ma'nassa ana'-ana' gurunNa jua a'lampai.

YAHYA 6:26

Appihali Isa mange ri iyai, ”Sitoje'na Nakke appau mange ri kaui, a'bojaiko ri Nakke, gele kanara maengimmu anjanjang lohe tanra, mingka kanara maengimmu nganre roti na bassoriko.

YAHYA 6:30

Injomo saba'na, appau ngase'i mange ri Ia, ”Tanra apamo Ribua', solanna akkulle tajanjang surang tappa'kang mange ri Ditte? Apamo numaeng Rijama?