YAHYA 6:11 - Kitta' Passitallikang Bau KAREBA BAJI'

¹¹ Rimaenna injo Isa laalle roti injo, masa barakka'i ampai lapa'dahu-dahuang mange risikuanna tau rie' attolong ri injo, appakonjo todo'i lageokang ri juku' injo, assillohe nulakaa'raki tau lohe injo.

YAHYA 6:11 Iomraidhean Croise

MATIUS 15:36

Maeng injo Ia laalle tujumbatuiya roti surang juku' ki'diki injo, masa barakka'i, latu'be-tu'bei na lapa'dahu-dahuangi mange ri suro-suroNa, na suro-suroNamo lapa'dahu-dahuangi mange ri tau lohe injo.

LUKAS 24:30

Rihattu attolonna Isa langanre surang iyai, Ia ngallei roti, masa barakka'i, maeng injo latu'be-tu'bei ampai lasareangi.

YAHYA 21:10

Appaui Isa mange ri iyai, ”Ngerangiko mae juku', nuampa intu muuppai.”

YAHYA 21:13

Isa mange a'bora tangnga na ngalle roti ampai lapassareang mange ri iyai, appakonjo todo'i juku' injo.

YAHYA 21:9

Sungka'i ambattuimo anrai' ribonto, anjanjangimu api a'rukku' na ribahonna rie' juku' surang roti.

YAHYA 6:23

Mingka rihattu injo lohemo pole lopi maraeng a'labu battu ri Tiberias seppa'i ri tampa'nai nganre roti, sungka'i Karaeng maeng lapamasa barakkakang ri roti injo.

YAHYA 6:9

”Ri inni rie' se're ana' ki'di' ngerang bokong limambatu roti na juku' ruangkaju; mingka apamo battuanna injo ri tau lohe inni?”

PAU-PAUWANNA SIKONJO SURO-SURO 27:35

Sungka'i maemmo appau appakonjo, ia ngalle roti, masa barakka'i mange ri Allataala ri a'rakannai ngase' na latu'be-tu'bei roti injo, maeng injo pakaramulamu nganrei.

ROMA 14:6

Inai a'bitantang rise're allo attantu, ia lageokangi injo rkanarana Karaeng. Inai nganre, ia lageokangi injo rikanarana Karaeng, saba' ia appanai' sukkuru mange ri Allataala. Na inai gele nganre, ia lageokangi injo tujunna Karaeng na ia sukkuru todo'i mange ri Allataala.

1 KORINTUS 10:31

Injomo saba'na, baji' kau tunganre iyareka tunginung intu, iyareka anggeokang se're passala maraeng, geokang ngase'i injo rikanara kala'biranna Allataala.

1 TESALONIKA 5:18

Panai'i sukkuru lalang risikuanna passala, saba' iamo injo lakaa'raki Allataala lalang ri Isa Almase mange ri kaui.