YAHYA 5:42 - Kitta' Passitallikang Bau KAREBA BAJI'

⁴² Mingka ripassala'mu, Kuisse'i ma'nassana lalang ri atimu gele rie' pangamaseang mange ri Allataala.

YAHYA 5:42 Iomraidhean Croise

LUKAS 16:15

Jari lakuamo Isa mange ri iyai, ”Kau mupa'nabai kalemmu ri a'rakanna parammu tau, mingka Allataala laisse'i atimu. Saba' apa nusanna' langaina rupatau, lakalikkingangi Allataala.

YAHYA 2:25

na saba' gelejuai parallu manna se're tau lassare sa'bi ri Ia ripassala rupatau inni, saba' Ia laisse'i apa nurie' lalang ri atina rupatau inni.

YAHYA 21:17

Makapintallunnamo Isa appau mange ri ia, ”Simon, ana'na Yahya, apa ngamaseang juako mae ri Nakke?” Pa'risimu nyahana Petrus saba' pintallummu Isa appau mange ri ia: ”Apa ngamaseang juako mae ri Nakke?” Na ia appaui mange ri Ia, ”Karaeng Ditte Riisse'i sikuanna, Ditte Riisse'i ma'nassana nakke ngamaseang ri Ditte.” Appaui Isa ri ia, ”Katuhoi jimbala'Ku.

YAHYA 5:41

Nakke gelejua parallu rikangalikang battu ri rupatau.

YAHYA 5:43

Nakke rie' mae lalang arenna AmmangKu na kaui gele narima ri Nakke; ampa tau maraeng rie' saba' ri arenna to'jua, tantu baji' mutarimainna.

YAHYA 5:44

Anteekokamua tappa', kau tusanging a'boja intu kangalikang ri tau maraeng na geleiko a'boja kangalikang nubattu ri Allataala tide' injo ruana?

YAHYA 8:42

Appaui Isa mange ri iyai, ”Ampa pade' Allataala ammammu, tantu ngamaseammu mae ri Nakke, saba' Nakke battu ri Allataala, na konni-konnina Nakke rie' ri inni. La'bipa pole Nakke rie' mae konni gele ria'ra' kale-kaleKu to'jua, mingka a'ra'namo Tuassuro injo ri Nakke.

YAHYA 8:47

Inai jua assala'na battu ri Allataala, ia lapilangngeri pauna Allataala; injomo saba'na kau gele mupilangngeri, saba' assala'mu gele nubattu ri Allataala.”

YAHYA 8:55

sitoje'na Ia gele muisseki, mingka Ia Kuisse'i. Jari ampa Nakke appau: Ia gele Kuisse', Nakkemo pa'buraang, assimpole kaui, mingka Ia Kuisse'i na Kuturuki pauNa.

ROMA 8:7

Saba' a'ra'na rupatau inni iamo intu passibaliang ri Allataala, saba' a'ra' injo gele tunru' mange ri hukkung Allataala; passala inni toje'i gele ma'ring mange ri ia.

1 YAHYA 2:15

Akolalo ngamaseang ri lino inni surang apa nurie' lalang ri lino inni. Ampa rie' se're tau ngamaseang lino, injo pangamaseang mange ri Amma gele rie' ri tau injo.

1 YAHYA 3:17

Inai jua ngampunnai pa'barang-barangang ri lino inni na lajanjang urang siana' julu katappakanna assinsara kakurangang mingka ia latongko'i atina mange ri urang siana'na injo, anteekamua lama'ring pangamaseanna Allataala akkulle tulusu ammari lalang ri kalenna?

1 YAHYA 4:20

Ampa rie' se're tau appau, Nakke ngamaseang ri Allataala, mingka ia likingi mange ri urang siana' julu katappakanna, injo ia pabura-burai, saba' inai gele ngamaseang ri urang siana'na nukajanjangang injo, gelei ma'ring ngamaseang ri Allataala nugele injo kajanjangang.

PANJANJANNA YAHYA 2:23

Manna ana'-ana'na pole Kuhuno ngase' na laisse'i sikonjo jamaah ma'nassana Nakkemo nyo'ri bateng surang atina ri rupatau na ma'nassana Nakke laa'balasa mange ri kau para assituru' ripanggeokammu.