YAHYA 5:30 - Kitta' Passitallikang Bau KAREBA BAJI'

³⁰ Gelea akkulle anggeokang manna se're ria'ra' kalengKu to'jua, Nakke langadeli assituru' surangang apa Kulangngere, na pangadelangKu adelei, saba' Nakke gelei Kuturuki a'ra' kalengKu, mingka a'ra'Na Tuassuro injo ri Nakke.

YAHYA 5:30 Iomraidhean Croise

MATIUS 26:39

Maeng injo Ia a'lampai mange ri a'rakang siso'di', ampai joppa' ngera dowaang, ”O AmmangKu, so'di injo ma'ringi, lappasammu kasissaang inni allalo battu ri a'rakangKu, mingka andamu assimpole a'ra'Ku laa'jari, passangadinna assimpole a'ra'Mu laa'jari.”

YAHYA 14:10

Gele juapako tappa' ma'nassana Nakke lalang ri Amma na Amma lalang ri Nakke? Apa Kupau mange ri kau, gele Kupau battu ria'ra' kale-kaleKu to'jua, mingka Amma, Tuammari injo ri Nakke, Iamo anggeokang rijama-jamaanNa.

YAHYA 17:4

Nakke maeng appakala'biri ri Ditte ri lino inni lalang Kupa'maenna jama-jamaang Ripassareang injo mange ri Ia lalageokang.

YAHYA 18:11

Lakuamo Isa mange ri Petrus, ”Punai ri banoana pa'dammu intu; gelejua Nakke parallu lanarima kasissaang numaeng lapassareang injo Amma mae ri Nakke?”

YAHYA 4:34

Appaui Isa ri iyai, ”KanreKu iamo intu anggeokang a'ra'na Allataala Tuassuro injo ri Nakke na Kupa'maengi jamaanNa.

YAHYA 5:19

Jari appihali Isa mange ri iyai, ”Sitoje'na Nakke appau mange ri kaui, Ana' tide' pakkullena laanjama se're passala battu ri kalenNa to'jua, ampa Ia gele lajanjang ta'ra jamana AmmanNa; saba' apa nulajama Amma, injo todo' lajama Ana'.

YAHYA 6:38

Saba' Nakkemo naung battu ri Suruga gele langgeokang ria'ra'Ku mingka a'ra'na Tuassuro injo ri Nakke.

YAHYA 8:28

Jari appaui Isa, ”Ampa kau appakala'biri Ana' Rupatau, injo ampamu muisse' ma'nassana Nakkemo inni na ma'nassana Nakke gelea a'bua' kale-kale battu ri kalengKu to'jua, mingka Nakke a'bisara risikonjo passala, anteekamua nulapangajarang injo Amma mae ri Nakke.

YAHYA 8:42

Appaui Isa mange ri iyai, ”Ampa pade' Allataala ammammu, tantu ngamaseammu mae ri Nakke, saba' Nakke battu ri Allataala, na konni-konnina Nakke rie' ri inni. La'bipa pole Nakke rie' mae konni gele ria'ra' kale-kaleKu to'jua, mingka a'ra'namo Tuassuro injo ri Nakke.

YAHYA 8:50

Mingka Nakke gelejua a'boja kala'birang ri kalengKu: Rie' Se're Tau labojai na Ia tommo langadeli.

ROMA 15:3

Saba' manna Almase gele kasannangang kale-kaleNa to'jua laboja, mingka assimpole rie' ta'ukiri, ”Pau pattua-tuainna, nulapatua-tua injo mange ri Kau maemma lataba.”

ROMA 2:2

Mingka ditte riisse'i ma'nassana hukkunganna Allataala a'lampa adele mange ri iangase'na tau a'geo' appakonjo.

ROMA 2:5

Mingka saba' paterasa'na atimu nugele injo a'ra' ngu'rangi ri Allataala, jari nambungimoko pangukuki ri kalemmu to'jua rihattu lapappijanjanganna kuku'Na na hukkungang Allataala nuadele injo.