YAHYA 5:26 - Kitta' Passitallikang Bau KAREBA BAJI'

²⁶ Saba' assimpole Amma rie' tallasa lalang ri kalenNa, appakonjo todo'i rilasareanNa Ana' rie' tallasa lalang ri kalenNa.

YAHYA 5:26 Iomraidhean Croise

YAHYA 1:4

Lalang ri Ia rie' tallasa na tallasa injo assare sinara ri rupatau inni.

YAHYA 10:18

Gele rie' manna se're tau akkulle laalle battu ri Nakke, passangadinna Nakke assare assituru' a'ra' kale-kaleKu. Nakke kahasa assare na kahasa langalle muliang. Innimo parenta numaeng Kutarima injo battu ri AmmangKu.”

YAHYA 11:25

Appihali Isa mange ri ia, ”Nakkemo patteteang tallasa muliang surang katallasang; inai jua tappa' mae ri Nakke, ia laattallasai manna maemmu mate,

YAHYA 11:26

na sikuanna tau attallasa na tappa'i mae ri Nakke, gele lamate sitarrusu'na. Tappa' juako ripassala inni?”

YAHYA 14:19

Gelemu lasallo lino inni nagelema lajanjang, mingka kau lamujanjangia, saba' Nakke laattallasa na kaui pole laattallasa.

YAHYA 14:6

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 4:10

Appihali Isa mange ri ia, ”So'di injo muisse'i passala nubattu ri Allataala na inai Tau appau injo mange ri kau, Sarea ere inung! Attantu langeramu mange ri Ia na Ia laassare ere attallasa mange ri kau.”

YAHYA 6:57

Assimpole Amma attallasa injo assuro mae ri Nakke na Nakke attallasa rikanara Amma, appakonjo todo'i inai jua lakanrea, languppai tallasa kanara ri Nakke.

YAHYA 8:51

Nakke appau mange ri kaui: Inai jua laturuki pauKu, ia gele languppa kamateang situlusu'na.”

PAU-PAUWANNA SIKONJO SURO-SURO 17:25

na gele todo'i rijampangi ri rupatau, assimpole Ia rie' kakuranganna, saba' Iamo assare tallasa surang nyaha mange risikuanna rupatau.

1 KORINTUS 15:45

Assimpole rie' ta'ukiri: Rupatau makase're injo, Adam a'jari mahallo' attallasa, mingka Adam kala'busang injo a'jari nyaha nuappakaattallasa injo.

1 TIMOTIUS 1:17

Somba surang kala'birang sa'genna situlusu'na mange ri Karaeng tide' injo sangganna, Allataala mannannungang, nugele injo kajanjangang surang nutide' ruana! Aming.

1 TIMOTIUS 6:16

Iamo tide' ruana gele tunru' mange rikamateang, ammarii rikasinarang nugele injo akkulle laseppaki rupatau. Gele rie' manna se're tau maeng anjanjang ri Ia na toje'i rupatau inni gelei akkulle anjanjang ri Ia. Mange ri Iamo sombaang na kahasa mannannungang! Aming.

IBRANI 1:2

Mingka rijammang kala'busang inni Ia a'bisarai mae ri ditte patteteang ri Ana'Na numaeng injo Ia latantuang laharisi risikuanna. Patteteang ri Isa Almase maeng appaa'jari risikuanna.

PANJANJANNA YAHYA 21:6

PauNa pole mae ri nakke, ”Iangase'na injo maeng a'jarimu. Nakkemo Pakaramula surang Kala'busang. Tubungasa surang Tukaminang riboko. Tau tirere injo larisare kale-kalei ere inungang battu ri mata ere ngerang katallasang.

PANJANJANNA YAHYA 22:1

Jari malaeka' injo lapappijanjangangi mae ri nakke balang nungerang injo ere katallasang, nusi'nong assingkamua kristala, na nyo'lo'i ansulu' battu ri pattolonganna Allataala surang ri pattolonganna Ana' Jimbala injo.

PANJANJANNA YAHYA 22:17

Nyaha na bonting bahine injo appau, ”Maeko!” Inai lalangngerei, sibaji'na ia appau, ”Maeko!” Inai tirere, sibaji'na ia battu mae, na inai a'ra' nginung, sibaji'na ia ngallei ere nungerang katallasang gele injo ribajara!

PANJANJANNA YAHYA 7:17

Saba' Ana' Jimbala nuattolong ritangnga kadera kakaraengang injo, lalakalahakii na lalaurangi mange ritimbula'na ere katallasang battu ri Allataala lalalu'lu'i sikonjo ere mata battu ri matannai.”