YAHYA 5:25 - Kitta' Passitallikang Bau KAREBA BAJI'

²⁵ Sitoje'na Nakke appau mange ri kaui: Larie' hattunna narie'mu ma'nassana sikuanna tau mate laallangngere pau Ana' Allataala, na iyai tuappilangngeri injo ri Ia, laattallasai.

YAHYA 5:25 Iomraidhean Croise

LUKAS 15:24

Saba' ana'ku inni maemmu mate mingka attallasai muliang, ia tappela'i mingka riuppai muliang. Jari pakaramulamu a'rannu-rannui.

LUKAS 15:32

Siratangki a'rannu-rannu surang atte'ne-te'ne saba' arimmu inni maemmu mate mingka attallasai muliang, maemmu tappela' mingka riuppai muliang.”

LUKAS 9:60

Mingka lakua Isa mange ri ia, ”Lappasang tommo tau mate alloangang paranna tau mate; mingka kau, a'lampako na ri antee-tee mae pappiissekangi Pakkaraengang Allataala.”

YAHYA 13:1

Rihattu gelenapa ripakaramula allo Pa'lappasang injo, Isa laisse'mu ma'nassana larapi'mu hattunNa laa'lette' battu ri lino inni mange ri Amma. Ia lakamaseangi sikonjo a'jari anunNa ri lino inni, na Ia tulusu lakamaseanna sa'genna larapi' allo kala'busang.

YAHYA 17:1

Appakonjomu pauna Isa. Maeng injo Ia ammongai nai' ri langi' na appaui, ”Amma, larapi'mu hattunna; pakala'birimu Ana'Ta, solanna Ana'Ta appakala'biri ri Ditte.

YAHYA 4:21

Lakuamo Isa mange ri ia, ”Tappa'moko mae ri Nakke, idong, larie' hattunna ma'nassana kau lanyomba Amma, gele ri bonto inni na gele todo' ri Yerusalem.

YAHYA 4:23

Mingka larie' hattunna na konni-konnina rie'mu ma'nasana sikuanna tau naba injo ta'ranna nyomba, injo lanyombai Amma lalang ri nyaha si'nong surang katojekang; saba' Amma labojai sikuanna tau nyomba appakonjo injo ri Ia.

YAHYA 5:21

Saba' assimpole Amma appakaambaung sikuanna tau mate na lapakaattallassai muliang, appakonjo todo'i Ana' lappakaattallasa inai jua Ia lakaa'raki.

YAHYA 5:28

Akolalo lannasa ripassala injo, saba' larie' hattunna ma'nassana sikuanna tau rie' lalang ri kuburu laallangngere sa'ranNa,

YAHYA 6:60

Sungka'i maeng lalangngere sikuanna injo lohemo ana'-ana' gurunna Isa appau, ”Terasai pau inni, inaimo tau akkulle laappilangngeri?”

YAHYA 8:43

Apakale saba'na ri kau nagele mupahang pauKu? Saba' kau gele akkulle mupina'na' pauKu.

YAHYA 8:47

Inai jua assala'na battu ri Allataala, ia lapilangngeri pauna Allataala; injomo saba'na kau gele mupilangngeri, saba' assala'mu gele nubattu ri Allataala.”

YAHYA 9:27

Pappihalinna, ”Maemmu kupau mange ri kaui, na kau gele mupilangngeri; ngura kau a'ra'i mulangngere pole? Barang a'ra' todo'ko a'jari ana' gurunNa?”

ROMA 6:4

Ri appakonjona, ditte maeng ripassiloangangki surangang Ia ripanrio lalang rikamateanNa, solanna, assimpole Almase maeng ripakaattallasa muliang battu ritangnga-tangngana tau mate kanara rikala'birang Amma, appakonjo todo'i ditte ripakama'ringki attallasa lalang rikatallasang nubau.

EFESUS 2:1

Riolo maeng matemoko kanara panggeokang sala surang kadorakaang.

EFESUS 2:5

maeng lapakaattallasaki assurangang Almase, manna injo ditte maeng matemuki rilohena kasalaanta – ri pangamaseang kau ripakasalama' –

EFESUS 5:14

Injomo saba'na na ripau-paui, ”Ambaummoko, oe kau tutinro intu na attallasako muliang battu ritangnga-tangngana tau mate na Almase laa'caya ri kau.”

KOLOSE 2:13

Kaui intu, manna injo riolo mateko rikanara kasalaammu na rikanara gele risunna' lahere, maeng ripakaattallasa ri Allataala assurangang Ia, sungka'na Ia maeng lalappasi sikonjo kasalaanta,

PANJANJANNA YAHYA 3:1

”Ukirilaloi mange ri malaeka' jamaah ri Sardis: Iamo inni pauNa, Tungampunnai injo ri tujuiya Nyaha Allataala na ri tujuiya bintoeng: Kuisse'i sikuanna jamaammu: Kau rikua attallasa, padahala mateko!