YAHYA 5:22 - Kitta' Passitallikang Bau KAREBA BAJI'

²² Amma gele ngadeli manna ri inai jua, mingka maeng lapassareang ngase'mu pangadelang injo mange ri Ana',

YAHYA 5:22 Iomraidhean Croise

MATIUS 11:27

Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.

MATIUS 16:27

Saba' Ana' Rupatau larie'i lalang kala'birang AmmanNa larurung sikonjo malaeka'Na; rihattu injo Ia lalabalasai sikuanna tau assituru' panggeokanna.

MATIUS 28:18

Mangei Isa ri iyai na appaui, ”Ri Nakke maeng risareamma sikonjo kahasa ri Suruga surang ri lino.

YAHYA 17:2

Assimpole Ditte maeng assare mange ri Ia kahasa risikonjo nuattallasa, appakonjo todo'i Ia assare tallasa mannannungang mange risikonjo numaeng injo Ripassareang mange ri Ia.

YAHYA 3:35

Amma ngamaseang Ana' na maeng lapassareang ngase'mu mange ri Ana'.

YAHYA 5:27

Ia maeng assare kahasa mange ri Ia langadeli, saba' Iamo Ana' Rupatau.

YAHYA 9:39

Jari appaui Isa, ”Nakke rie' antama' ri lino langadeli, solanna inai jua gele anjanjang, akkullei anjanjang, na solanna inai jua anjanjang, laa'jari butai.”

PAU-PAUWANNA SIKONJO SURO-SURO 10:42

Ia maeng lasarekang jama-jamaang appala'bang mange risibatu bangsa injo, na assa'bi ma'nassana Iamo ritantuang ri Allataala laa'jari Hakking risikuanna tau attallasa surang tau mate.

PAU-PAUWANNA SIKONJO SURO-SURO 17:31

Saba' Ia maeng lapattantumu se're allo rihattunna Ia lalang rikaadelang langadeli sibatu lino rise're tau maeng injomo latantuang Allataala, sungka'i maemmo lasareang mange risikuanna tau se're boro' passala injo lalang rilapakaattallasa'na Ia muliang battu risikuanna tau mate.”

ROMA 2:16

Passala injo lakajanjangangi rihattu ampa Allataala, patteteang ri Isa Almase, langadeli sikuanna nutassa'bu lalang ri atina rupatau inni, assituru' Injili kupala'bang inni.

2 KORINTUS 5:10

Saba' kambe ngase' parallu lamange ri kadera pangadelang Almase, solanna sikuanna tau nguppai apa nusiratang latarima assituru' panggeokanna lalang rikatallasang inni, baji' iyareka daa.

2 TIMOTIUS 4:1

Ri a'rakanna Allataala surang ri Isa Almase tulangadeli injo tau attallasa surang tau mate, nakke appasang lalang rikatojekang mange ri kau passabakang pariekanNa na passabakang PakkaraenganNa:

1 PETRUS 4:5

Mingka iyai injo parallui assare pappihali mange ri Ia tumaeng tulusu sadia injomo langadeli tau attallasa surang tau mate.