YAHYA 5:19 - Kitta' Passitallikang Bau KAREBA BAJI'

¹⁹ Jari appihali Isa mange ri iyai, ”Sitoje'na Nakke appau mange ri kaui, Ana' tide' pakkullena laanjama se're passala battu ri kalenNa to'jua, ampa Ia gele lajanjang ta'ra jamana AmmanNa; saba' apa nulajama Amma, injo todo' lajama Ana'.

YAHYA 5:19 Iomraidhean Croise

MATIUS 26:39

Maeng injo Ia a'lampai mange ri a'rakang siso'di', ampai joppa' ngera dowaang, ”O AmmangKu, so'di injo ma'ringi, lappasammu kasissaang inni allalo battu ri a'rakangKu, mingka andamu assimpole a'ra'Ku laa'jari, passangadinna assimpole a'ra'Mu laa'jari.”

LUKAS 21:15

Saba' Nakke jua laassare mange ri kau pappau pangisse', sa'genna tide'mo tau akkulle a'bali ri kau iyareka ripassala ribalimmu.

YAHYA 10:18

Gele rie' manna se're tau akkulle laalle battu ri Nakke, passangadinna Nakke assare assituru' a'ra' kale-kaleKu. Nakke kahasa assare na kahasa langalle muliang. Innimo parenta numaeng Kutarima injo battu ri AmmangKu.”

YAHYA 12:49

Saba' Nakke appa-pau gele nubattu ri kalengKu to'jua, mingka nubattu ri Amma, Tuassuro injo ri Nakke, iamo assuro ri Nakke laappala'bang apa nuparallu Kupau surang Kupabattu.

YAHYA 12:50

Kuisse'i ma'nassana parentaNa injo iamo intu tallasa mannannungang. Kanara injomo, apa nuKupau injo, Kupabattui assimpole anteekamua ripappauna Amma mae ri Nakke.”

YAHYA 14:10

Gele juapako tappa' ma'nassana Nakke lalang ri Amma na Amma lalang ri Nakke? Apa Kupau mange ri kau, gele Kupau battu ria'ra' kale-kaleKu to'jua, mingka Amma, Tuammari injo ri Nakke, Iamo anggeokang rijama-jamaanNa.

YAHYA 2:19

Appihali Isa mange ri iyai, ”Rokai Sapo Allataala inni, na tallungallo juai sallona Kupaentengi muliang.”

YAHYA 3:3

Appihali Isa, ”Sitoje'na Nakke appau mange ri kau, ampa se're inni tau gele rilaherang muliang, ia gelei akkulle lajanjang Pakkaraengang Allataala.”

YAHYA 5:21

Saba' assimpole Amma appakaambaung sikuanna tau mate na lapakaattallassai muliang, appakonjo todo'i Ana' lappakaattallasa inai jua Ia lakaa'raki.

YAHYA 6:38

Saba' Nakkemo naung battu ri Suruga gele langgeokang ria'ra'Ku mingka a'ra'na Tuassuro injo ri Nakke.

YAHYA 8:28

Jari appaui Isa, ”Ampa kau appakala'biri Ana' Rupatau, injo ampamu muisse' ma'nassana Nakkemo inni na ma'nassana Nakke gelea a'bua' kale-kale battu ri kalengKu to'jua, mingka Nakke a'bisara risikonjo passala, anteekamua nulapangajarang injo Amma mae ri Nakke.

YAHYA 9:4

Ditte parallui rigeokang jamaanna Tuassuro injo ri Nakke, ampa rie' juapa matanna allo; kalarie' bangngi sa'genna gelemo rie' manna se're tau akkulle anjama.

PAU-PAUWANNA SIKONJO SURO-SURO 2:24

Mingka Ia ripakaattallasai ri Allataala sungka'na Ia maemmo ripakalappasa battu rikasissaang kamateang, saba' Ia gele ma'ring tulusu rikahasai ri kamateang injo.

ROMA 6:4

Ri appakonjona, ditte maeng ripassiloangangki surangang Ia ripanrio lalang rikamateanNa, solanna, assimpole Almase maeng ripakaattallasa muliang battu ritangnga-tangngana tau mate kanara rikala'birang Amma, appakonjo todo'i ditte ripakama'ringki attallasa lalang rikatallasang nubau.

ROMA 8:11

Ampa Nyaha Tangkasa'Na Almase, ammari lalang ri kau, injo Ia, tumaeng lapakaattallasa injo muliang Isa Almase battu ritangnga-tangngana tau mate, lalapakaattallasa todo'i batangkalemmu nulamate intu ri Nyaha Tangkasa'Na nuammari injo lalang ri kau.

1 KORINTUS 15:12

Jari, ampa ripappiissekangi ma'nassana Almase maemmu attallasa battu ri kamateang, anteekamua lama'ring rie' ri kau tuappau ma'nassana gele rie' tau mate attallasa muliang?

2 KORINTUS 4:14

Saba' kambe taisse'i ma'nassana Allataala, tumaeng lapakaattallasa injo Karaeng Isa, injo kambe lalapakaattallasa todo' assurangang Isa. Allataala todo'mo lalapassia'rakangkang surangang kau mange ri kalenNa.

2 KORINTUS 5:10

Saba' kambe ngase' parallu lamange ri kadera pangadelang Almase, solanna sikuanna tau nguppai apa nusiratang latarima assituru' panggeokanna lalang rikatallasang inni, baji' iyareka daa.

EFESUS 2:5

maeng lapakaattallasaki assurangang Almase, manna injo ditte maeng matemuki rilohena kasalaanta – ri pangamaseang kau ripakasalama' –

EFESUS 3:16

Nakke ngera dowaang solanna Ia, assituru' kakalumannyangang kala'biranNa, appakaterasa ri kau surangang kahasa patteteang ri NyahaNa lalang ri batemmu,

FILIPI 3:21

lalapinra tubu kasara'ta inni, sa'genna assimpolei surangang tubu-Na nula'biri injo, assituru' kahasa-Na nuakkulle injo appatunru' ri iangase'na mange ri kalen-Na.

FILIPI 4:13

Sikonjo passala akkulle kuerang lalang ri Ia tuassare injo kagassingang mae ri nakke.

KOLOSE 1:11

Bisannabali ripakajarrekiko lalang risikonjo katerasang rikahasa kala'biranNa langerang iangase'na lalang rikasannangang na rikasabbarang,

KOLOSE 1:16

saba' lalang ri Iamo sikuanna maeng ripaa'jari, nurie' ri suruga surang nurie' ri lino, nukajanjangang surang nugele kajanjangang, baji' injo kadera kakaraengang surang pakkaraenganna, baji' injo pamarenta, iyareka tukahasa injo; sikuanna Ia jua appaa'jari na sikuanna ripaa'jari ritujunNa.

1 TESALONIKA 4:14

Saba' ampa tappa'ki ma'nassana Isa maeng matemu na maemmu attallasa muliang, injo ditte tappa' todo'ki ma'nassana patteteang ri Isa, Allataala lalaparappungki surangang Isa, iyai tumaeng injomo mate laammari surangang Ia.

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.

PANJANJANNA YAHYA 2:23

Manna ana'-ana'na pole Kuhuno ngase' na laisse'i sikonjo jamaah ma'nassana Nakkemo nyo'ri bateng surang atina ri rupatau na ma'nassana Nakke laa'balasa mange ri kau para assituru' ripanggeokammu.