YAHYA 4:41 - Kitta' Passitallikang Bau KAREBA BAJI'

⁴¹ Kanara pauNa, la'bi lohemo pole tau a'jari tappa',

YAHYA 4:41 Iomraidhean Croise

LUKAS 4:32

Takkajanna' ngase'i rilalangngerinna pangajaranNa, saba' pauNa rassi kahasa.

YAHYA 4:40

Rihattu ambattunamo tau Samaria lohe injo mange ri Isa, laerai mange ri Ia, solanna Ia ammari ri iyai; na Ia ammari toje'i ri injo ruangallo sallona,

YAHYA 4:42

na appau ngasekimu ri tau bahine injo, ”Tappa'makang, mingka gelemo kanara rinumupau-pau injo, saba' kambemo maeng talangngere pauNa na taisse'mu ma'nassana Ia toje'mo Pappakasalama' ri lino inni.”

YAHYA 6:63

Nyaha Allataalamo assare tallasa, assi inni tide' jua matu-matunna. Pau Kupau injo mange ri kaui iamo Nyaha Allataala na tallasa.

YAHYA 7:46

Pappihalinna pajaga injo, ”Gelepa minang rie' tau appau assimpole tau injo!”

PAU-PAUWANNA SIKONJO SURO-SURO 1:8

Mingka lanarimaiko kahasa ampa ladongkokimoko Nyaha Tangkasa, na laa'jariko sa'biKu ri Yerusalem na risibatu Yudea na Samaria na sa'genna battu riappa'na lino inni.”

PAU-PAUWANNA SIKONJO SURO-SURO 15:3

Iyai rirurungi ri jamaah injo sa'genna ansulukang kota, jari a'lingkaimu a'molong ri Fenisia surang ri Samaria na lapau-paui passala pajarrainna tau gele injo Yahudi. Passala injo sanna' lapakarannuinna nyahana sikonjo urang siana' julu katappakang rie' ri injo.

PAU-PAUWANNA SIKONJO SURO-SURO 8:12

Mingka konni-konnina tappa' ngase'i mange ri Filipus tau appala'bang injo Injili passala Pakkaraengang Allataala na passala arenna Isa Almase, na ririo ngase'i, baji' injo bura'ne iyareka bahine.

PAU-PAUWANNA SIKONJO SURO-SURO 8:25

Sungka'i maengimo ruaiya assa'bi na lapala'bang pauna Allataala, muliangimu mange ri Yerusalem na lalang ripa'lingkaanna injo appala'bangi Injili mange rilohe desa ri Samaria.

IBRANI 4:13

Gele rie' manna se're mahallo' ta'lengu' ri a'rakanNa, saba' sikuanna assolara na tassungke ri a'rakang matanNa numange ri Ia ditte parallu assare tanggongjawa'.