YAHYA 4:36 - Kitta' Passitallikang Bau KAREBA BAJI'

³⁶ Konni-konnina pabingala injo maemmu latarima sahala'na na ia lapasse'rei hassele'na mange ritallasa tide' tappu'na, jari palamung na pabingala assurang-surangi te'ne.

YAHYA 4:36 Iomraidhean Croise

MATIUS 19:29

Sikuanna tau ripassabakang ArengKu, labokoi saponna, urang siana' bura'nena iyareka urang siana' bahinena, iyareka ammanna iyareka idonna, iyareka ana'-ana'na iyareka kokonna, lalatarimai muliang sallo' a'lappi sibilangang na languppai tallasa mannannungang.

YAHYA 3:36

Inai jua tappa' mange ri Ana', languppai tallasa mannannungang, mingka inai jua gele tappa' mange ri Ana', ia gele laanjanjang tallasa, passangadinna hukkunganna Allataala tulusu larie' ri ia.”

YAHYA 4:14

mingka inai jua nginung ri ere nulaKusareang injo mange ri ia, injo gelemu latirere situlusu'na. Sibale'na ere nulaKusareang injo mange ri ia, laa'jari ere attimbula' lalang ri kalenna, nutarru'-tarrusu a'lo'loro sa'genna ambattu ritallasa mannannungang.”

YAHYA 5:24

Sitoje'na Nakke appau mange ri kaui: Inai jua lapilangngeri pauKu na tappa'i mange ri Ia Tuassuro injo ri Nakke, ia languppai tallasa mannannungang na gele languppa hukkungang, saba' ia a'lette'mu battu rikamateang antama' rikatallasang.

ROMA 1:13

Urang siana'ku, nukukaa'raki, solanna muisse'i ma'nassana tuli kuniakangi laa'lingka-lingka mange ri kaui – mingka sa'genna allo inni sanging rie' halangangku – bisannabali ritangnga-tangngamu nakke anrumpa' hassele, assimpole todo' ritangnga-tangngana tau maraeng gele injo Yahudi.

ROMA 2:7

iamo intu tallasa mannannungang mange ri iyai tutulusu a'geo' baji' injo, nagele ammari-mari a'boja kala'birang surang kabakkakanna Allataala,

ROMA 6:22

Mingka konni-konnina, sungka'mu ripakalappasa battu rikadorakaang na sungka'mu a'jari ata ri Allataala, nguppamoko hassele lalaerangko mange rikatangkasang na kala'busanna iamo intu tallasa mannannungang.

ROMA 6:23

Saba' sahala kadorakaang iamo intu kamateang; mingka barakka' pangamaseang ri Allataala iamo intu tallasa mannannungang lalang ri Isa Almase, Karaengta.

1 KORINTUS 9:17

So'di injo nakke anggeokang assituru' a'ra'ku to'jua, toje'i nakke siratang languppa dahuang. Mingka kanara nakke anggeokang gele assituru' a'ra'ku to'jua, pappala'bangang injo se're jamaang panjampangi nuripassareang mae ri nakke.

1 KORINTUS 9:18

Ampa appakonjoi, apamo sahala'ku? Sahala'ku iamo inni: Ma'nassana nakke akkullea appala'bang Injili tide' sahala'na, na ma'nassana nakke gelea ngalle dahuang assimpole tuappala'bang Injili.

1 TESALONIKA 2:19

Saba' inai pattajalliamba iyareka karannuamba iyareka tutabangga-banggaang injo ri a'rakanna Isa, Karaengta, rihattu pariekanNa, ampa gele kaui?

1 TIMOTIUS 4:16

Jagailalo kalemmu surang numupangajarang injo. Sabbarako ri iangase'na injo, saba' riappaanggeokang appakonjomu mupakasalama'i kalemmu surang sikuanna tau appilangngeri injo ri kau.