YAHYA 4:34 - Kitta' Passitallikang Bau KAREBA BAJI'

³⁴ Appaui Isa ri iyai, ”KanreKu iamo intu anggeokang a'ra'na Allataala Tuassuro injo ri Nakke na Kupa'maengi jamaanNa.

YAHYA 4:34 Iomraidhean Croise

MATIUS 26:39

Maeng injo Ia a'lampai mange ri a'rakang siso'di', ampai joppa' ngera dowaang, ”O AmmangKu, so'di injo ma'ringi, lappasammu kasissaang inni allalo battu ri a'rakangKu, mingka andamu assimpole a'ra'Ku laa'jari, passangadinna assimpole a'ra'Mu laa'jari.”

MATIUS 3:15

Jari appihali Isa mange ri ia, ”Lappasammu passala injo a'jari konni-konnina, saba' appakonjomu a'ra'na ditte laripa'rupa sikonjo nulakaa'raki Allataala.” Namanna Yahya minahang todo'i ri Ia.

MATIUS 9:19

Jari ammentengi Isa na lapinahang tau injo assurang-surang ana'-ana' gurunNa.

LUKAS 15:10

Nakke appau mange ri kaui: Appakonjo todo'i rannuna sikonjo malaeka'na Allataala rikanara rie'na se're tau jarra battu ridorakana.”

LUKAS 19:10

Saba' Ana' Rupatau rie'i mae laa'boja na laappakasalama' tau lingu.”

LUKAS 2:49

PappihalinNa mange ri iyai, ”Ngura Nakke muboja? Geleika muisse' ma'nassana Nakke parallu rie' ri Saponna AmmangKu?”

YAHYA 17:4

Nakke maeng appakala'biri ri Ditte ri lino inni lalang Kupa'maenna jama-jamaang Ripassareang injo mange ri Ia lalageokang.

YAHYA 19:28

Rimaenna injo, saba' Isa latarrusui ma'nassana a'maeng ngase'mu sikuanna, appaui Isa – solanna ripa'rupa nuta'ukiri injo lalang ri Kitta' Tangkasa –: ”A'ra'a nginung!”

YAHYA 19:30

Rimaenna lainung Isa anggoro kassi injo, Ia appaui, ”A'maemmu.” Maeng injo Ia lapadukku ulunNa na lapassareang nyahaNa.

YAHYA 4:32

Mingka, appaui Isa ri iyai, ”Ri Nakke rie' kanre nugele muisseki.”

YAHYA 5:30

Gelea akkulle anggeokang manna se're ria'ra' kalengKu to'jua, Nakke langadeli assituru' surangang apa Kulangngere, na pangadelangKu adelei, saba' Nakke gelei Kuturuki a'ra' kalengKu, mingka a'ra'Na Tuassuro injo ri Nakke.

YAHYA 5:36

Mingka ri Nakke rie' se're passa'bi nula'bi paralluang battu ripassa'bina Yahya, iamo intu sikonjo jama-jamaang lapassareangi Amma mae ri Nakke, solanna Kugeokang. Jamaang injomo Kugeokang konni-konnina, na iamo injo assare passa'bi ri Nakke ma'nassana Amma assuro ri Nakke.

YAHYA 6:33

Saba' roti nubattu injo ri Allataala iamo intu roti turung battu ri Suruga na assare katallasang mange ri lino inni.”

YAHYA 6:38

Saba' Nakkemo naung battu ri Suruga gele langgeokang ria'ra'Ku mingka a'ra'na Tuassuro injo ri Nakke.

YAHYA 8:29

Ia, Tumaeng assuro injo ri Nakke, minahangi ri Nakke. Ia gelea lalappasang akkale-kale, saba' Nakke tulusu Kugeokangi apa nubaji' ri a'rakanNa.”

PAU-PAUWANNA SIKONJO SURO-SURO 20:35

Lalang riiangase'na maeng kusareko ja'bangang ma'nassana rianjama appakonjomo ditte akkulleki assare sokongang mange risikuanna tau lamma injo na parallui riu'rangi pau-pauNa Karaeng Isa, saba' Ia maengi lapau, ”La'bi rannuangi assare intu na lanarima injo.”

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.