YAHYA 3:6 - Kitta' Passitallikang Bau KAREBA BAJI'

⁶ Apa nurilaherang ri rupatau, injo assipa' rupatau todo'i na apa nurilaherang ri Nyaha Tangkasa injo assipa' nyahai intu.

YAHYA 3:6 Iomraidhean Croise

YAHYA 1:13

iyaimo tau rianakang nugele battu ri rara iyareka battu ria'ra' rupatau, gele pole nubattu rikanara sinnana se're inni bura'ne, mingka nubattu ri Allataala.

YAHYA 3:7

Andamoko lannasa, saba' Nakke appau mange ri kau: Kau parallu rilaherang muliang.

ROMA 7:18

Saba' nukuisse' ma'nassana ri nakke, iamo intu lalang ri nakke assimpole sipa' rupatau, gele rie' manna se're nubaji'. Saba' a'ra' rinubaji' injo rie'i ri nakke, mingka gelea anggeokang nubaji'.

ROMA 7:25

Sukkuru mange ri Allataala patteteang ri Isa Almase, Karaengta! Jari nakkemo anjampangi hukkung Allataala sangga ri akkala pikkirangku, na assimpole rupatau lamma nakke anjampangi kadorakaang.

ROMA 7:5

Saba' rihattunta juapa tallasa lalang ria'ra' kalenta, hawa napasu kadorakaang, nuripa'naba ri hukkung Tora', appageo' risikonjo batangkalenta, solanna ditte a'hassele rikamateang.

ROMA 8:13

Saba' ampa tallasa'mu assituru' a'ra' rupatau, lamateko intu; mingka ampa ri Nyaha Tangkasa na mupakamate sikonjo a'ra' panggeokang batangkalemmu, injo laattallasako.

1 KORINTUS 6:17

Mingka inai jua lapassareang kalenna mange ri Almase, a'jari se're nyaha surangang Ia.

2 KORINTUS 5:17

Jari, inai rie' lalang ri Almase, iamo ripaa'jari bau: Allalomu nutoa injo, sitoje'na rie'mu nubau injo.

GALATIA 5:24

Inai jua a'jari tappa' ri Isa Almase, ia maeng lasalli'mu a'ra' rupatauna surangang sikonjo napasu daa na sikonjo nulakaa'raki injo.

EFESUS 2:3

Sitoje'na ditte ngase' antama' todo'ki ri iyai injo, rihattu tallasa'ta juapa lalang ri hawa napasu rupatau surang daa sipa'na pikkiranta. Sitoje'na dittemo tau parallu rikukuki, assimpole iyai tumaraeng injo.

KOLOSE 2:11

Lalang ri Ia kau maeng risunna', gele risunna' nulageokang injo rupatau, mingka surangang sunna' Almase, iamo intu ribokoinna batangkale nudoraka injo,

1 YAHYA 3:9

Sikuanna tau lahere battu ri Allataala, gelei tarrusu anggeokang kadorakaang; saba' lamunganna Allataala tuli rie' lalang ri ia na ia gelei akkulle tarru'-tarrusu anggeokang kadorakaang, saba' ia laherei battu ri Allataala.