YAHYA 3:19 - Kitta' Passitallikang Bau KAREBA BAJI'

¹⁹ Iamo inni hukkung injo: Rie'mu Sinara injo antama' mae ri lino inni, mingka rupatau inni la'bi langaiang kalammang injo na sinara inni, saba' sikonjo panggeokanna sanging nudaa.

YAHYA 3:19 Iomraidhean Croise

LUKAS 12:47

Ata laisse' injo a'ra'na karaenna, mingka gele appasadia iyareka gele lageokang nulakaa'raki injo karaenna, sanna'i larirabunna.

LUKAS 16:14

Sikuanna tau Farisi, nusanging ata injo ri doe', rilalangngere'na ngase'i inni, jari iyai assalla ri Isa.

YAHYA 1:4

Lalang ri Ia rie' tallasa na tallasa injo assare sinara ri rupatau inni.

YAHYA 1:5

Sinara injo assau rikalammang na kalammang injo gele akkulle ambeta.

YAHYA 12:31

Konni-konnina attangngamu pangadelang ri lino inni: konni-konnina pole tukahasana lino inni laripamballungi ansulukang;

YAHYA 12:43

Saba' iyai injo la'bi langaiang ripakala'biri ri rupatau na ripakala'biri ri Allataala.

YAHYA 12:46

Nakke antama' ri lino inni assimpole sinara, solanna sikuanna tau tappa' injo ri Nakke gele ammari rikalammang.

YAHYA 5:44

Anteekokamua tappa', kau tusanging a'boja intu kangalikang ri tau maraeng na geleiko a'boja kangalikang nubattu ri Allataala tide' injo ruana?

YAHYA 7:17

Inai jua a'ra' lageokangi a'ra'Na, lalaisse'i apa ajarangKu inni nubattu ri Allataala, iyareka Nakke appau nubattu ri kalengKu to'jua.

YAHYA 7:7

Lino inni gele akkulle liking mange ri kaui, mingka ia likingi mae ri Nakke, saba' Nakke assa'bi passala ri ia ma'nassana sikonjo jamaanna nudaa.

YAHYA 8:12

Appaui pole Isa mange ri iyai, ”Nakkemo sinara lino; inai jua minahang ri Nakke, ia gele laa'lingka lalang kalammang, mingka languppa'i sinara katallasang.”

YAHYA 9:5

Rihattu rie'Ku juapa lalang ri lino inni, Nakkemo sinara'na lino.”

ROMA 1:32

Saba' manna injo laisse' ngase'i passuroanna hukkung Allataala, iamo intu ma'nassana sikuanna tau anggeokang passala appakonjo, parallui rihukkung mate, iyai gele sangga lageokanna jua, mingka iyai lasokong todo'i risikuanna tau anggeokang injo nudaa.

ROMA 2:8

mingka pangukuki surang kahussangang mange ri tau a'boja injo kaparalluang kalenna to'jua, tugele intu minahang rikanabaang, passangadinna minahangi mange rigeo' sala.

2 TESALONIKA 2:12

solanna sikuanna tau gele tappa' mange rikareba baji' battu ri Allataala na angngai sipa' daa larihukkung ngase'i.

1 PETRUS 2:8

Iyai tatto'roi mange ri Ia, kanara geleinna a'ra' tunru' mange ri pauna Allataala; na iyai maeng todo'i ritantuang laappakonjo.

2 PETRUS 3:3

Nukaminang parallu muisse' iamo intu ma'nasana rihattu kala'busang larie' lohe patua-tua lalang risikonjo pattua-tuana, iamo intu tau attallasa laturuki injo hawa napasuna.