YAHYA 3:16 - Kitta' Passitallikang Bau KAREBA BAJI'

¹⁶ Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

YAHYA 3:16 Iomraidhean Croise

MATIUS 9:13

Jari, a'lampako na pilajari battuanna pau inni: NuKukaa'raki iamo intu pangamaseang na gele passidakka, saba' Nakke rie' mae konni gele lakkeo' tau naba, passangadinna ri tau doraka injo.”

MARKUS 12:6

Rie' juapa se're tau maraeng ri ia, iamo intu ana' lakamaseang injo. Na rikateppusanna iamo lasuro mange risikonjo pasahala, lakua: Ana'ku lalakangalikangi.

LUKAS 2:14

”Kala'birang ri Allataala ri tampa' nukaminang la'biri, na dame salehangang ri lino ritangngana rupatau ringai injo ri Ia.”

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 1:29

Rimintara'namo mae Yahya lajanjangi Isa ambattu mange ri ia na lakuamo, ”Janjangimu Ana' jimbala'na Allataala, nulaappakalappasa injo kadorakaang ri lino inni.

YAHYA 10:28

na Nakkemo assare tallasa mannannungang mange ri iyai na iyai injo tantumu gelena lamate situlusu'na na manna se're tau gele rie' akkulle laalle battu ri limangKu.

YAHYA 3:15

solanna sikuanna tau tappa' ri Ia nguppai tallasa mannannungang.

YAHYA 3:18

Inai jua tappa' mange ri Ia, ia gele larihukkung; inai jua gele tappa', injo ia rie'mu lalang hukkungang, saba' ia gele tappa' mange ri Ana' sitau-tauna Allataala.

YAHYA 3:36

Inai jua tappa' mange ri Ana', languppai tallasa mannannungang, mingka inai jua gele tappa' mange ri Ana', ia gele laanjanjang tallasa, passangadinna hukkunganna Allataala tulusu larie' ri ia.”

YAHYA 6:40

Saba' iamo inni a'ra'Na AmmangKu, iamo intu solanna sikuanna tau, anjanjang Ana' na tappa'i mange ri Ia languppai tallasa mannannungang, na solanna Kupakaattallasai muliang ri allo kala'busang.”

ROMA 5:10

Saba' ampa ditte, rihattunta juapa gele a'baji', ripa'dameangki surangang Allataala patteteang rikamateanna Ana'Na, la'bipa pole ditte, tukonni-konnina maeng ripa'dameammuki, attantumu laripakasalama' rikanara attallasa'Na!

ROMA 5:8

Mingka, Allataala lapappijanjangangi mae ri ditte pangamaseanNa lalang ripassala inni: Rihattunta juapa doraka, Almase maeng lakamateiki.

ROMA 8:32

Ia, tugele injo lapassayang Ana' kalenNa, mingka Ia lapassareangi mae ri ditte ngase', anteekamua lama'ring Ia gele lapasareang ngase' pangamaseanna mae ri ditte assurang ri Ia?

EFESUS 2:4

Mingka Allataala tulohe injo pangamaseanna, rikanara pangamaseanNa nubakka' injo, maeng lapassareangi Allataala mae ri ditte,

2 TESALONIKA 2:16

Na Ia, Karaengta Isa Almase, surang Allataala, Ammanta, nulalang ribarakka'Na maeng ngamaseammu ri ditte na assare pallengung-lengung tide' la'busu'na na tulusu tajalli mange ri Ia,

TITUS 3:4

Mingka sungka'i kajanjangang kalammoranna Allataala, Pappasalama'ta, na pangamaseanNa mange ri rupatau inni,

IBRANI 2:9

Mingka nurijanjang iamo intu ma'nassana Isa lalang rihattu siso'di' ripaa'jari la'bi rahangang battu risikonjo malaeka', na kanara kasissaang kamateang, risarei songko' kakaraengang surangang kala'birang na kangalikang, patteteang ribarakka'na Allataala, Isa anrumpa'i kamateang ritujunna sikonjo rupatau.

1 YAHYA 3:1

Janjangimu, anteekamua bakka'na pangamaseang nulapassareang injo Amma mae ri ditte, sa'genna ditte riare' ana'-ana'na Allataala, na toje'i ditte inni ana'-ana'na Allataala. Injomo saba'na, lino inni geleki laisse', saba' lino inni gelei ngisse' ri Ia.

1 YAHYA 4:19

Ditte ngamaseang, saba' Allataala la'bi riolo ngamaseang mae ri ditte.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,