YAHYA 3:11 - Kitta' Passitallikang Bau KAREBA BAJI'

¹¹ Sitoje'na Nakke appau mange ri kau, kambe appau-paukang ripassala nutaisse' injo na assa'bikang ripassala numaeng injo tajanjang, mingka kau gele mutarima passa'biba.

YAHYA 3:11 Iomraidhean Croise

MATIUS 11:27

Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.

MATIUS 23:37

”Yerusalem, Yerusalem, kaumo muno sikonjo nabbi na mubundu'i batu sikuanna tau risuro mange ri kaui! Pinsikurammu Nakke a'ra' lapparappung taummu assimpole jangang laparappung injo ana'-ana'na rahangang kapina, mingka geleko a'ra'.

LUKAS 10:22

Iangase'na injo lapassareammu AmmangKu mae ri Nakke na gele rie' manna se're tau laisse'i, inai riareng Ana' maraenganna Amma, na inai riareng Amma maraenganna Ana' na mange ri tau lakaa'raki injo Ana' ripiissekiangi passala injo.”

YAHYA 1:11

Ia rie'i mange rianunNa, mingka sikuanna tau anunNa gele latarima.

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 12:49

Saba' Nakke appa-pau gele nubattu ri kalengKu to'jua, mingka nubattu ri Amma, Tuassuro injo ri Nakke, iamo assuro ri Nakke laappala'bang apa nuparallu Kupau surang Kupabattu.

YAHYA 14:24

Inai jua gele ngamaseang mae ri Nakke, ia gelei laturuki pauKu; na pau mulangngere injo gele nubattu ri Nakke, mingka nubattu ri Amma Tuassuro injo ri Nakke.

YAHYA 3:12

Geleko tappa', rihattungKu a'bisara mange ri kau ripassala nurie' injo ri lino inni, anteekokamua latappa', ampa Nakke a'bisara ri kau ripassala nurie' injo ri Suruga?

YAHYA 3:13

Gele rie' manna se're tau maeng nai' ri Suruga maraenganna Ia Tumaeng naung injo rie' mae battu ri Suruga, iamo intu Ana' Rupatau.

YAHYA 3:3

Appihali Isa, ”Sitoje'na Nakke appau mange ri kau, ampa se're inni tau gele rilaherang muliang, ia gelei akkulle lajanjang Pakkaraengang Allataala.”

YAHYA 3:5

Pappihalinna Isa, ”Sitoje'na Nakke appau mange ri kau, ampa se're inni tau gele rilaherang battu ri ere surang ri Nyaha Allataala, ia gele akkulle antama' lalang ri Pakkaraengang Allataala.

YAHYA 5:43

Nakke rie' mae lalang arenna AmmangKu na kaui gele narima ri Nakke; ampa tau maraeng rie' saba' ri arenna to'jua, tantu baji' mutarimainna.

YAHYA 7:16

Appihali Isa mange ri iyai, ”AjarangKu gele nubattu ripangisse' kale-kaleKu jua, mingka nubattu ri Tuassuro injo ri Nakke.

YAHYA 8:14

Lakua Isa mange ri iyai, ”Manna injo Nakke assa'bi ripassala kalengKu to'jua, mingka nabai injo passa'biKu, saba' Kuisse'i, battu ri antee mae assala'Ku na laantee mae lampaKu. Mingka kaui gele muisse', ri antee mae assala'Ku na laantee mae lampaKu.

YAHYA 8:26

Lohe nuparallu Kupau na Kuadeli ri passala'mu; mingka Ia Tuassuro injo ri Nakke, iamo toje', na apa Kulangngere battu ri Ia, iamo injo Kupau mae ri lino inni.”

YAHYA 8:38

Apa Kujanjang ri Amma, iamo injo Kupau, na appakonjo todo'i mugeokangi passala apa mulangngere battu ri ammammu.”

PAU-PAUWANNA SIKONJO SURO-SURO 22:18

Kujanjangi Isa, Tumaeng injo appau mae ri nakke: Apparri-parriko, lassiriko bokoi Yerusalem, saba' gele lalatarima passa'bimu ripassala'Ku.

2 KORINTUS 4:4

iamo intu sikuanna tau gele injo tappa', nupikkiranna maeng ripakabuta ri Ibilisi tukahasana jammang inni, sa'genna gele lajanjangi sinara Injili passala kala'birang Almase iamo ja'banganna Allataala.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,

PANJANJANNA YAHYA 3:14

”Ukirilaloi mange ri malaeka' jamaah ri Laodikia: Iamo inni Pau battu ri Tutoje' injo, sa'bi tulusu mallang surang naba, poong battu risikonjo nuripaa'jari ri Allataala: