YAHYA 21:16 - Kitta' Passitallikang Bau KAREBA BAJI'

¹⁶ Appau makapinruannamo Isa mange ri Petrus, ”Simon, ana'na Yahya: Apa ngamaseang juako mae ri Nakke?” Pappihalinna Petrus mange ri Ia, ”Toje'i Karaeng, Ditte Riisse'i ma'nassana nakke ngamaseang ri Ditte.” Appaui Isa mange ri ia, ”Katuhoi jimbala'Ku.”

YAHYA 21:16 Iomraidhean Croise

MATIUS 2:6

Na kau Betlehem, tana Yehuda, kau gele lakaminang ki'di' battu ri iyai tumarenta injo ri Yehuda, saba' battu ri kau laammumba se're' ponggaha, lalakalahaki umma'Ku Israele.”

MATIUS 25:32

Jari sikonjo bangsa lariparappung ri a'rakanNa na Ia lapassisa'lakang ngase'i tau inni battu ri tau maraeng, assimpole pakalahaki lappassisa'la' jimbala battu ri bembe,

MATIUS 26:72

Ia assassalai pole surangang sapatta, ”Gele kuisse' tau intu.”

LUKAS 19:10

Saba' Ana' Rupatau rie'i mae laa'boja na laappakasalama' tau lingu.”

YAHYA 18:17

Appaui bahine a'jaga injo ri babaang mange ri Petrus, ”Gelejua kau ana' gurunNa todo'ko tau intu?” Appihali Petrus, ”Gele!”

YAHYA 18:25

Simon Petrus ammenteng juapai na a'rarangi ri api. Appauimu tau lohe injo mange ri ia, ”Gelejua kau todo' ana' gurunNa?”

YAHYA 21:17

Makapintallunnamo Isa appau mange ri ia, ”Simon, ana'na Yahya, apa ngamaseang juako mae ri Nakke?” Pa'risimu nyahana Petrus saba' pintallummu Isa appau mange ri ia: ”Apa ngamaseang juako mae ri Nakke?” Na ia appaui mange ri Ia, ”Karaeng Ditte Riisse'i sikuanna, Ditte Riisse'i ma'nassana nakke ngamaseang ri Ditte.” Appaui Isa ri ia, ”Katuhoi jimbala'Ku.

PAU-PAUWANNA SIKONJO SURO-SURO 20:28

Jagai kalemmu na jagai todo'i sikonjo urammu, saba' kauimo ritantuang ri Nyaha Tangkasa laa'jari tutoa-toa laakkalahaki jamaah Allataala nulauppa injo lalang ri raraNa to'jua.

IBRANI 13:20

Allataala ripatteteang rara passitallikang nutide' injo tappu'na maeng laerangi muliang battu risikuanna tau mate Pakalahaki Bakka' risikonjo jimbala, iamo intu Isa, Karaengta.

1 PETRUS 2:25

Saba' riolo linguko assimpole jimbala, mingka konni-konnina maeng muliammoko mange ripakalahaki na pakatuho ri batemmu.

1 PETRUS 5:2

Kalahakilaloi bakkalang jimbala'na Allataala nurie' injo ri kau, anda kanara passaang, mingka kanara karellaang assituru' ria'ra'na Allataala, na anda kanara laa'boja pasahalang, mingka assituru' ripa'bisonaang nyaha.

PANJANJANNA YAHYA 7:17

Saba' Ana' Jimbala nuattolong ritangnga kadera kakaraengang injo, lalakalahakii na lalaurangi mange ritimbula'na ere katallasang battu ri Allataala lalalu'lu'i sikonjo ere mata battu ri matannai.”