YAHYA 2:4 - Kitta' Passitallikang Bau KAREBA BAJI'

⁴ Lakuamo Isa mange ri idonNa, ”Apa mukaa'raki mae ri Nakke, idong? Gelepai larapi' hattungKu.”

YAHYA 2:4 Iomraidhean Croise

MATIUS 15:28

Jari appaui Isa mange ri ia, ”Oe idong, bakka' tappa'mu, a'jarimu ri kau assimpole numukaa'raki injo.” Rihattu injo jua sikali gassimmu ana'na.

MATIUS 8:29

Appau bakkakimu, ”Apa passilolongamMu surangang kambe, oe Ana' Allataala? Apa Kau rie' mae konni lanyissa ri kambe rigelenapa larapi' hattunna?”

LUKAS 2:49

PappihalinNa mange ri iyai, ”Ngura Nakke muboja? Geleika muisse' ma'nassana Nakke parallu rie' ri Saponna AmmangKu?”

YAHYA 12:23

Appaui Isa mange ri iyai, ”Larapi'mu hattunna Ana' Rupatau laripakala'biri.

YAHYA 13:1

Rihattu gelenapa ripakaramula allo Pa'lappasang injo, Isa laisse'mu ma'nassana larapi'mu hattunNa laa'lette' battu ri lino inni mange ri Amma. Ia lakamaseangi sikonjo a'jari anunNa ri lino inni, na Ia tulusu lakamaseanna sa'genna larapi' allo kala'busang.

YAHYA 2:3

Rihattunna kala'busang ere anggoro inungang, lakuamo idonNa mange ri Ia, ”Kala'busangi anggoro inungang.”

YAHYA 20:13

Appaui malaeka' injo mange ri Maria, ”Idong ngura apparauko?” Appihali Maria mange ri iyai, ”Rie'mo tau laalle Karaengku na gelei kuisse' ri antee mae lapaonrangi.”

YAHYA 20:15

Appaui Isa mange ri ia, ”Idong, ngura apparauko? Inai muboja?” Pa'ngare'na Maria tau injo paahung koko jua, jari lakuamo mange ri Ia, ”Karaeng, ampa ditte rialle batangkalenNa, paui mae ri nakke, ri antee mae Ia ripaonrang, solanna akkulle mange kualle.”

YAHYA 7:30

A'naha-nahaimu lalajakkali Isa, mingka gele rie' manna se're tau lauppai lakaraha Isa, saba' gelepai larapi' hattunNa.

YAHYA 7:6

Jari appihali Isa mange ri iyai, ”Gelepai larapi' hattungKu, mingka ri kaui tulusu larie' hattu.

YAHYA 7:8

A'lampamoko mange ripassua'-suarang injo. Nakke gelea laa'lampa mange konjo, saba' gelepai larapi' hattungKu.”

YAHYA 8:20

Pau-pau injo labisarai Isa riampi'na panaroang doe', rihattu ngajara'na ri Sapo Allataala. Gele rie' manna sitau lajakkalai Isa, saba' gelepai larapi' hattunNa.

2 KORINTUS 5:16

Injomo saba'na, kambe gelemakang nili' manna se're tau assituru' sukakang rupatau. Ampa kambe maengkang nili' Almase assituru' sukakang rupatau, konni-konnina gelemakang nili' appakonjo ri Ia.