YAHYA 2:19 - Kitta' Passitallikang Bau KAREBA BAJI'

¹⁹ Appihali Isa mange ri iyai, ”Rokai Sapo Allataala inni, na tallungallo juai sallona Kupaentengi muliang.”

YAHYA 2:19 Iomraidhean Croise

MATIUS 12:40

Saba' assimpole Yunus ammari lalang ri pompong juku' bakka' tallu allo tallu bangngi, appakonjo todo'i Ana' Rupatau laammari lalang ri pomponna tana inni tallu allo tallu bangngi.

MATIUS 16:21

Pakaramula rihattu injo Isa lapappiissekangi mange ri ana'-ana' gurunNa ma'nassana Ia parallui laa'lampa mange ri Yerusalem na lananggongi lohe kasissaang battu ri tutoa-toa, risikonjo imang ponggaha na risikonjo guru Tora', ampai rihuno na attallasai muliang ri allo makatalluna.

MATIUS 27:40

lakuai, ”Oe Kau tua'ra' intu anroka Sapo Tangkasa na tallungallo juai lamubaung, ampa Kau Ana' Allataala, naungko ri salli' intu na pakasalama'i kalemMu!”

MATIUS 27:63

na lakuai, ”Karaeng, tau'rangi ma'nassana rihattu attallasa'Na juapa tuappalingu injo maengi lapau: Ri allo makatalluna Nakke laattallasa muliang.

MARKUS 14:58

”Kambemo maeng allangngere ri tau inni appau: La-Kusosarai Sapo Tangkasa nulabua' injo lima rupatau na lalang tallungallo juai na Kupaentengi poleang, nagele lima rupatau a'bua'.”

MARKUS 15:29

Sikuanna tau a'molong ri injo attua-tua ngase'i ri Isa, na lapabihe mori-morina na lakua, ”Oe Kau tua'ra' intu lanroka Sapo Tangkasa na a'ra'i mubaung poleang lalang hattu tallungallo jua,

MARKUS 8:31

Maeng injo pakaramulamu Isa ngajara mange ri iyai ma'nassana Ana' Rupatau parallui lananggong lohe kasissaang na laritolla'i ri tutoa-toa, risikonjo imang ponggaha surang risikonjo guru Tora', ampai rihuno mingka laattallasai muliang ri allo makatalluna.

YAHYA 11:25

Appihali Isa mange ri ia, ”Nakkemo patteteang tallasa muliang surang katallasang; inai jua tappa' mae ri Nakke, ia laattallasai manna maemmu mate,

YAHYA 5:19

Jari appihali Isa mange ri iyai, ”Sitoje'na Nakke appau mange ri kaui, Ana' tide' pakkullena laanjama se're passala battu ri kalenNa to'jua, ampa Ia gele lajanjang ta'ra jamana AmmanNa; saba' apa nulajama Amma, injo todo' lajama Ana'.

PAU-PAUWANNA SIKONJO SURO-SURO 2:24

Mingka Ia ripakaattallasai ri Allataala sungka'na Ia maemmo ripakalappasa battu rikasissaang kamateang, saba' Ia gele ma'ring tulusu rikahasai ri kamateang injo.

PAU-PAUWANNA SIKONJO SURO-SURO 2:32

Isa innimo ripakaattallasa muliang ri Allataala, na risesena passala injo kambe ngase'mo inni sa'bi.

PAU-PAUWANNA SIKONJO SURO-SURO 3:15

Kauimo maeng muhunoi pappoonganna katallasang inni, mingka Allataala lapakaattallasai muliang Isa battu risikuanna tau mate; na ripassala injo kambemo sa'bi.

PAU-PAUWANNA SIKONJO SURO-SURO 3:26

Ri kaumo uru-uruna Allataala appaenteng AtanNa na Ia lasuro mange ri kau, solanna Ia labarakkakiko na lapakaa'gilingko battu risikonjo sipa' daamu.”

PAU-PAUWANNA SIKONJO SURO-SURO 6:14

saba' kambe maemmu talangngere ia appau ma'nasana Isa, tau Nazaret injo, lalaruntungi tampa' inni na lapinrai kabiasaang nulapappiharisang injo Musa mae ri kambe.”

ROMA 4:24

mingka riukiri todo'i mae ri ditte; saba' manna mae ri ditte larekeng todo'i Allataala, saba' ditte tappa'ki mange ri Ia, tumaeng injo lapakaattallasai muliang Isa, Karaengta, battu ritangnga-tangngana tau mate,

ROMA 6:4

Ri appakonjona, ditte maeng ripassiloangangki surangang Ia ripanrio lalang rikamateanNa, solanna, assimpole Almase maeng ripakaattallasa muliang battu ritangnga-tangngana tau mate kanara rikala'birang Amma, appakonjo todo'i ditte ripakama'ringki attallasa lalang rikatallasang nubau.

ROMA 8:11

Ampa Nyaha Tangkasa'Na Almase, ammari lalang ri kau, injo Ia, tumaeng lapakaattallasa injo muliang Isa Almase battu ritangnga-tangngana tau mate, lalapakaattallasa todo'i batangkalemmu nulamate intu ri Nyaha Tangkasa'Na nuammari injo lalang ri kau.

1 KORINTUS 15:12

Jari, ampa ripappiissekangi ma'nassana Almase maemmu attallasa battu ri kamateang, anteekamua lama'ring rie' ri kau tuappau ma'nassana gele rie' tau mate attallasa muliang?

KOLOSE 2:12

passabakang ri Iamo kau rikuburu lalang ripanrioang, na lalang ri Iamo kau minahang todo' ripakaattallasa muliang patteteang rikatappakammu mange ripanggeokanna Allataala nurassi injo kahasa, numaeng appakaattallasa injo ri Ia battu ri tau mate.

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.