YAHYA 2:11 - Kitta' Passitallikang Bau KAREBA BAJI'

¹¹ Passala injo lapaa'jari Isa ri Kana ri tana Galilea, na iamo inni pakaramula lapaa'jari battu risikonjo tanraNa na ri appakonjona Ia lapappijanjangammu kala'biranNa na ana'-ana' gurunNa tappa'i mange ri Ia.

YAHYA 2:11 Iomraidhean Croise

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:17

Saba' hukkung Tora' ripassareangi patteteang ri Musa, mingka lasareki barakka' na katojekang nubattu ri Isa Almase.

YAHYA 1:43

Rimintara'namo mae latappuki Isa laa'lampa mange ri Galilea. Ia assiuppai Filipus na lakua mange ri ia, ”Minahangko ri Nakke!”

YAHYA 1:50

Appaui Isa, ”Saba' Nakke appau ri kau, Kujanjangko attiolung rahangang poong kaju ara, jari tappa'ko? Kau laanjanjang passala nula'bi bakkakang battu ri injo.”

YAHYA 10:41

Lohemo tau a'rurung-rurung battu mange ri Ia na appaui, ”Toje'i Yahya gele minang a'bua' tanra nugele samara manna se're, mingka sikuanna numaeng injo lapau Yahya ripassala'na tau inni nabai.”

YAHYA 11:15

Mingka Nakke sukkuru, gelea rie' rihattu injo, saba' appakonjopai la'bi baji' ri kaui, solanna akkulleiko tappa'. Konni-konnina maeko a'lampaki mange ri ia.”

YAHYA 11:47

Jari imang ponggaha injo na tau Farisi lakeo'i Hakking Agama injo laa'rappung na appau ngase'i, ”Apamo parallu rigeokang? Saba' tau injo sanna' lohemo nugele samara lageokang.

YAHYA 12:18

Injomo saba'na tau lohe injo a'lampai laruppai Isa, kanara lalangngerinna ma'nassana Ia a'bua' kajariang nugele injo samara.

YAHYA 12:37

Manna injo Isa a'bua'i siloheang kajariang nugele samara ri a'rakang matannai, mingka iyai gele juai tappa' mange ri Ia,

YAHYA 12:41

Passala inni ripaui ri Yesaya, saba' ia maeng lajanjammu kala'biranNa na maemmu pole lapau-pau passala'na Ia.

YAHYA 14:13

na apa jua muera lalang ri arengKu, laKugeokangi, solanna ripakala'biri Amma lalang ri Ana'.

YAHYA 16:27

saba' Ammamo ngamaseang ri kaui, kanara kaui maeng ngamaseang ri Nakke na tappa'ko ma'nassana Nakke rie' mae battu ri Allataala.

YAHYA 16:30

Konni-konnina taisse'mu ma'nassana Ditte ngisse' ri iangase'na na gelei parallu tau inni akkuta'nang mange ri Ditte. Injomo saba'na kambe tappa'kang ma'nassana Ditte rie' mae battu ri Allataala.”

YAHYA 2:1

Ri allo makatalluna rie' pa'bontingang ri Kana ri tana Galilea, na idonna Isa rie' todo'i ri injo;

YAHYA 2:23

Rihattunna rie' juapa Isa ri Yerusalem, ri allo Pa'lappasang injo, lohe tau tappa' lalang ri arenNa, saba' iyai maengi lajanjang tanra-tanra nugele samara lapaa'jari Isa.

YAHYA 3:2

Ia mange laurang assijanjang Isa rihattu bangngina, na lakua, ”Guru, kambe taisse'i ma'nassana Kau rie' battu mae assimpole guru risuro ri Allataala; saba' gele rie' tau akkulle appaa'jari tanra-tanra assimpole numupaa'jari injo, ampa gelei larurung Allataala.”

YAHYA 4:3

Ia labokoimu tana Yudea na muliangi mange ri Galilea.

YAHYA 4:46

Maenna injo Isa muliangi pole mange ri Kana ri Galilea, ri injomo Ia maeng appaa'jari anggoro battu ri ere. Ri Kapernaum rie' se're pagahe ri sapo karaeng, garring sarro ana' bura'nena.

YAHYA 4:54

Iamo injo tanra-tanra makapinruang lapaa'jari Isa rihattu mulianna battu ri Yudea lamange ri Galilea.

YAHYA 5:23

solanna sikuanna tau ngali' ri Ana' assimpole ngali'na ri Amma. Inai jua gele ngali' ri Ana', ia gele todo'i ngali' ri Amma, Tuassuro injo ri Ia.

YAHYA 6:14

Sungka'na tau lohe injo lajanjang kajariang gele samara lageokang injo Isa, appau ngasekimu, ”Ia inni toje'i Nabbi nularie' injo antama' mae ri lino inni.”

YAHYA 6:2

Lohe tau a'rurung-rurung minahang ri Ia, saba' iyai injo maemmu lajanjang sikonjo kajariang gele samara nulapaa'jari Isa mange risikuanna tau lataba injo garring.

YAHYA 6:26

Appihali Isa mange ri iyai, ”Sitoje'na Nakke appau mange ri kaui, a'bojaiko ri Nakke, gele kanara maengimmu anjanjang lohe tanra, mingka kanara maengimmu nganre roti na bassoriko.

YAHYA 6:30

Injomo saba'na, appau ngase'i mange ri Ia, ”Tanra apamo Ribua', solanna akkulle tajanjang surang tappa'kang mange ri Ditte? Apamo numaeng Rijama?

YAHYA 7:31

Mingka ritangngana tau lohe injo rie' lohe tutappa' mange ri Allatalla na lakuai, ”Ampa rie'mu Almase, barang laloheangang lapaa'jari nugele samara na nulapaa'jari injo Allataala inni?”

YAHYA 9:16

Jari rie'mo sibageang tau Farisi injo appau, ”Tau injo gelei battu ri Allataala, saba' Ia gele lakatutui allo Passambajangang.” Sibageang pole appau, ”Makala anteekamua se're inni tau doraka akkulle a'bua' tanra nugele samara appakonjo?” Jari ammumbamu passisala pahangang ri iyai.

2 KORINTUS 3:18

Ditte ngase' inni ripappijanjangangi kala'biranna Allataala ri rupa gele ta'lampang. Saba' kala'birang injo assala'na battu ri Karaeng iamo Nyaha, jari ditte maemmuki ripinra a'jari assimpole surangang ja'banganNa, lalang kala'birang nupela' bakka' injo.

2 KORINTUS 4:17

Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.

2 KORINTUS 4:6

Saba' Allataala maengi appau, ”Battu lalang rikalammang laambassi' sinara!”, Ia todo' labua'i sinara'Na assau lalang ri atita, solanna ditte nguppa sinara battu ripangisse' passala kala'birang Allataala nukajanjangang injo ri rupanna Almase.

1 YAHYA 5:13

Iangase'na kuukirii mange ri kau, solanna kau tutappa' injo mange ri arenna Ana' Allataala, muisse'i ma'nassana kau ngampunnai tallasa mannannungang.