YAHYA 19:9 - Kitta' Passitallikang Bau KAREBA BAJI'

⁹ jari ia muliangi antamakang lalang ri sapo pammariang Gubernur na lakua mange ri Isa, ”Battu ri antee mae assala'Mu?” Mingka Isa gele appihali mange ri ia.

YAHYA 19:9 Iomraidhean Croise

MATIUS 26:63

Mingka Isa tulusu gele appihali. Jari appaui pole Imang Bakka' injo mange ri Ia, ”Passabakang ri Allataala, paui mae ri nakke, apa Kaumo Almase, Ana' Allataala, iyareka gele.”

MATIUS 27:27

Maeng injo sorodaduna pamarenta injo laerangi Isa mange ri sapo pammarianna pamarenta, ampai lakeo' ngase' uranna asse're risiappuna Isa.

LUKAS 23:9

Ia assare lohe pakkuta'nang mange ri Isa, mingka Isa gele appihali.

YAHYA 18:28

Rimaenna injo, laerangimu Isa battu ri Kayafas mange ri sapo pammarianna Gubernur. Rihattu injo ngesala juapai. Iyai gele antama' ri sapo pammarianna Gubernur injo, solanna andai lapakarammasa kalenna, saba' iyai a'ra'i langanre-nganre Pa'lappasang.

YAHYA 18:33

Pilatus muliangi pole antama' ri sapo pammariang Gubernur, ampai lakeo' Isa na akkuta'nangi mange ri Ia, ”Apa Kaumo inni karaenna tau Yahudi?”

YAHYA 18:34

Pappihalinna Isa, ”Apa kau appau ripassala injo nubattu ri ati tangkasa'mu to'jua iyareka rie' tau maraeng appau mange ri kau passala ri Nakke?”

YAHYA 18:37

Jari akkuta'nangi pole Pilatus mange ri Ia, ”Jari Kau intu Karaeng?” Pappihalinna Isa, ”Kaumo appau ma'nassana Nakkemo Karaeng. Kanaranamo injo Nakke rilaherang na passabakang injo pole Nakke rie' antama' mae ri lino inni, solanna Nakke assare passa'bi passala rikatojekang; sikuanna tau battu rikatojekang lapilangngeri pauKu.”

YAHYA 19:10

Injomo saba'na, appaui Pilatus mange ri Ia, ”Gele juaKo a'ra' a'bisara mae ri nakke? Gelejua Muisse'i ma'nassana nakke kahasa laappalappasa ri Kau, na kahasa todo'a laassuro salli' ri Kau.”

YAHYA 19:8

Rihattunna lalangngere pau injo pela' malla'mu Pilatus,

YAHYA 8:14

Lakua Isa mange ri iyai, ”Manna injo Nakke assa'bi ripassala kalengKu to'jua, mingka nabai injo passa'biKu, saba' Kuisse'i, battu ri antee mae assala'Ku na laantee mae lampaKu. Mingka kaui gele muisse', ri antee mae assala'Ku na laantee mae lampaKu.

FILIPI 1:28

gele ripakabentere manna siso'di' battu ribalimmu. Mange ri iyai ngase' injo se'rei tanra kapanrakang, mingka mange ri kau tanra kasalamakang, na assala'na nubattu ri Allataala.