YAHYA 19:6 - Kitta' Passitallikang Bau KAREBA BAJI'

⁶ Sungka'i sikonjo imang ponggaha na pajaga injo lajanjangi Isa, a'gora bakkakimu, lakua, ”Salli'i Isa, salli'i Isa!” Appaui Pilatus mange ri iyai, ”Alle na salli'i Isa; saba' tide' manna se're kasalaang kuuppa ri Ia.”

YAHYA 19:6 Iomraidhean Croise

MATIUS 26:58

Na Petrus minahang dere ri Ia sa'genna antama' rijurunna sapo Imang Bakka', na riantamakannamo, ia attolongi rialla'na sikonjo pajaga Sapo Allataala lalajanjangi anteekamua kamaenganna iangase'na injo.

MATIUS 27:22

Appaui Pilatus mange ri iyai, ”Ampa appakonjo, apamo lakugeokang mange ri Isa, turiare' injo Almase?” Appau bakka' ngase'i, ”Ia parallui risalli'!”

MATIUS 27:24

Rihattunna Pilatus laisse' ma'nassana sikonjo karesona tide' matu-matunna, la'bipa pole pakaramulamu ammumba pa'beserang, ia ngalle ere na labissai limanna ri a'rakanna tau lohe injo na appaui, ”Nakke tide' salaku mange ri raraNa tau inni; injo passilolongammui to'jua!”

LUKAS 23:4

Appaui Pilatus mange risikonjo imang ponggaha na ri tau lohe rie' ri injo, ”Gelea nguppa kasalaang manna siso'di' ri tau inni.”

YAHYA 18:3

Jari rie' todo'mu Yudas mange konjo a'rurung sibakkalang tantara na sikonjo pajaga Sapo Allataala turisuro risikonjo imang ponggaha na tau Farisi injo na ngerangi sisangka'na pakakasa pa'bundu surang lampu, sulo na panra'bung.

YAHYA 18:31

Appaui Pilatus mange ri iyai, ”Alle na adeli assituru' hukkung Tora'mu.” Lakuaimo tau Yahudi injo, ”Kambe gelekang ripa'biang muno tau.”

YAHYA 19:15

Jari appau bakkakimu, ”Hunoi Isa! Hunoi Isa! Salli'i Isa!” Lakuamo Pilatus mange ri iyai, ”Makala nakke parallu kusalli' karaemmu?” Pappihalinna imang ponggaha injo, ”Kambe gele rie' karaemba maraenganna kaisar!”

YAHYA 19:4

Ansulukangi pole Pilatus na appaui mange ri iyai, ”Janjangi, kuerangi Isa ansulukang mange ri kaui, solanna muisseki ma'nassana tide' kuuppa ri Ia kasalaang manna se're.”

PAU-PAUWANNA SIKONJO SURO-SURO 2:23

Iamo ripassareang ri Allataala assituru' pattujunna na a'ra'Na, maeng musallikimu na muhuno lalang limanna tau doraka inni.

PAU-PAUWANNA SIKONJO SURO-SURO 7:52

Anteeammo battu risikonjo nabbi gele risissa ri puwa-puwamui? Na lahunoi sikuanna tau la'bi riolo injo appala'bang palarie'na Tau Naba, nakonni-konnina maeng mukeloi ampai muhuno.