YAHYA 19:4 - Kitta' Passitallikang Bau KAREBA BAJI'

⁴ Ansulukangi pole Pilatus na appaui mange ri iyai, ”Janjangi, kuerangi Isa ansulukang mange ri kaui, solanna muisseki ma'nassana tide' kuuppa ri Ia kasalaang manna se're.”

YAHYA 19:4 Iomraidhean Croise

MATIUS 27:19

Rihattu attolonna Pilatus ri kadera pangadelang, bahinenna appikatu pasang mange ri ia, ”Ako mupantama-tamai palakarana tau baji' intu, saba' kanara Ia narubangngi sanna' sissaku lalang riso'na.”

MATIUS 27:24

Rihattunna Pilatus laisse' ma'nassana sikonjo karesona tide' matu-matunna, la'bipa pole pakaramulamu ammumba pa'beserang, ia ngalle ere na labissai limanna ri a'rakanna tau lohe injo na appaui, ”Nakke tide' salaku mange ri raraNa tau inni; injo passilolongammui to'jua!”

MATIUS 27:4

na appaui, ”Nakke a'jarima doraka kanara kupassareangi rarana tau tide' injo salana.” Mingka pappihalinnai, ”Tide' passilolongamba ri intu? Intu passilolongang kale-kalemu!”

MATIUS 27:54

Ponggaha pajaga na sikonjo sorodadu tulajagai injo Isa sanna' malla'na rihattu allangngerinna surang rianjanjanna tana anggeong na apa nukajariang, ampai lakuai, ”Toje'i, Ia inni Ana' Allataala.”

LUKAS 23:4

Appaui Pilatus mange risikonjo imang ponggaha na ri tau lohe rie' ri injo, ”Gelea nguppa kasalaang manna siso'di' ri tau inni.”

LUKAS 23:41

Ditte inni siratangki rihukkung, saba' riuppamu pa'balasa nusiratang battu ripanggeokanta, mingka tau inni gelekale rie' geo' salana manna siso'di'.”

LUKAS 23:47

Sungka'i ponggahana tantara injo lajanjang apa kajariang, ia lapakala'biri Allataala, lakua, ”Toje'i, tau inni tide' salaNa!”

YAHYA 18:33

Pilatus muliangi pole antama' ri sapo pammariang Gubernur, ampai lakeo' Isa na akkuta'nangi mange ri Ia, ”Apa Kaumo inni karaenna tau Yahudi?”

YAHYA 19:6

Sungka'i sikonjo imang ponggaha na pajaga injo lajanjangi Isa, a'gora bakkakimu, lakua, ”Salli'i Isa, salli'i Isa!” Appaui Pilatus mange ri iyai, ”Alle na salli'i Isa; saba' tide' manna se're kasalaang kuuppa ri Ia.”

2 KORINTUS 5:21

Ia tugele injo ngisse' doraka Ia maeng ribua'mu a'jari doraka rikanarata, solanna lalang ri Ia ditte ripa'naba ri Allataala.

IBRANI 7:26

Saba' Imang Bakka' appakonjomo riparalluang: iamo intu tumallang ri Allataala, tide' geo' salana, tide' daana, assisalai battu risikuanna tau doraka na la'bi langkasangi battu risikonjo alla'-alla'na suruga.

1 PETRUS 1:19

mingka surangang rara ka'jala, iamo intu rarana Almase nuassimpole rara ana' jimbala tide' injo daana na tide' sallaanna.

1 PETRUS 2:22

Ia gelei a'bua' kadorakaang, na bura gele rie' lalang ri babaNa.

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.

1 YAHYA 3:5

Na kau muisse'i ma'nassana Ia maeng lapappisa'biammu kalenNa, solanna Ia lalu'lu'i sikonjo kadorakaang, na lalang ri Ia gele rie' kadorakaang.