YAHYA 19:11 - Kitta' Passitallikang Bau KAREBA BAJI'

¹¹ Appihali Isa, ”Kau tide' manna siso'di' kahasamu mae ri Nakke, ampa kahasa injo gelei ripassareang mange ri kau battu rate. Injomo saba'na: Ia, tulaparapa' injoa mange ri kau, la'bi bakkakang kadorakaanna.”

YAHYA 19:11 Iomraidhean Croise

MATIUS 26:65

Lasesse' pakeanna Imang Bakka' injo na appaui, ”Ia attadea ri Allataala. Apa parallu juapaki pole sa'bi? Konni-konnina mulangngerimu pau pattadeaNa.

MATIUS 27:2

Lasokkekii Isa, ampai laerangi na lapassareangi mange ri Pilatus pamarenta ri tampa' injo.

MATIUS 6:13

na andakang rilappasang laantama' lalang ripasso'ri, mingka lappasanglalokang battu risipa' daa. [Saba' Kaumo opuna Pakkaraengang na kahasa surang kala'birang situlusu'na. Aming.]

MARKUS 14:44

Tau lalapassareang injo Isa maeng lapappiisekammu se're tanra mange ri iyai, ”Tau kuhau injo, iamo injo Isa, jakkalai na erangi lalang salama'.”

LUKAS 22:53

Kusa'ring allo-allo juai Nakke rie' ritangnga-tangngamu ri Sapo Allataala, na gele kalea mujakkali. Mingka iamo inni hattummu, na iamo inni kahasana kalammang injo.”

YAHYA 18:13

Riuruna Ia laerangii mange ri Hanas, saba' Hanas injo matoanna Kayafas na ritaung injo ia a'jari Imang Bakka';

YAHYA 18:3

Jari rie' todo'mu Yudas mange konjo a'rurung sibakkalang tantara na sikonjo pajaga Sapo Allataala turisuro risikonjo imang ponggaha na tau Farisi injo na ngerangi sisangka'na pakakasa pa'bundu surang lampu, sulo na panra'bung.

YAHYA 19:10

Injomo saba'na, appaui Pilatus mange ri Ia, ”Gele juaKo a'ra' a'bisara mae ri nakke? Gelejua Muisse'i ma'nassana nakke kahasa laappalappasa ri Kau, na kahasa todo'a laassuro salli' ri Kau.”

YAHYA 3:27

Appihali Yahya, ”Gele rie' manna se're tau akkulle ngalle manna siso'di' mange ri kalenna, ampa gele risareang battu ri Suruga.

YAHYA 7:30

A'naha-nahaimu lalajakkali Isa, mingka gele rie' manna se're tau lauppai lakaraha Isa, saba' gelepai larapi' hattunNa.

YAHYA 9:41

Appihali Isa mange ri iyai, ”So'di pade' kaui buta, kau tide' kadorakaammu, mingka kanara mukuainna: Anjanjangkang, jari tulusu rie' kadorakaammu.”

PAU-PAUWANNA SIKONJO SURO-SURO 2:23

Iamo ripassareang ri Allataala assituru' pattujunna na a'ra'Na, maeng musallikimu na muhuno lalang limanna tau doraka inni.

PAU-PAUWANNA SIKONJO SURO-SURO 3:13

Allataala ri Abraham, ri Ishak surang ri Yakub, Allataalana puwa-puwata maeng lapakala'biri suroNa, iamo intu Isa tumaeng mupassareang injo na musangkali ri a'rakanna Pilatus, manna injo Pilatus latappuki lalapakalappasa Isa.

PAU-PAUWANNA SIKONJO SURO-SURO 4:28

lalageokangi sikuanna numaeng Ritantuang minang ripakaramulana assituru' kahasa surang ria'ra'Ta.

ROMA 11:36

Saba' iangase'na injo nubattu ri Ia, na nurie' ri Ia, na mange jua ri Ia: Ri Iamo kala'birang sa'genna situlusu'na! Aming.

ROMA 13:1

Sikuanna tau parallui tunru' mange ri pamarenta rateanganna, saba' gele rie' pamarenta assala'na nugele battu ri Allataala; na sikonjo pamarenta rie' injo, ripattantui ri Allataala.

YAKOBUS 1:17

Sikonjo passare nubaji' na sikonjo barakka' nusangka', assala'na nubattu ri suruga, nuripanaung battu ri Amma sikuanna sinara. Iamo Allataala gele appinra na gelei ngerang nukalammang.

YAKOBUS 4:17

Jari, ampa rie' se're tau laisse'i appaanteekamua laanggeokang nubaji', mingka ia gelei lageokang, injo ia dorakai.