YAHYA 18:11 - Kitta' Passitallikang Bau KAREBA BAJI'

¹¹ Lakuamo Isa mange ri Petrus, ”Punai ri banoana pa'dammu intu; gelejua Nakke parallu lanarima kasissaang numaeng lapassareang injo Amma mae ri Nakke?”

YAHYA 18:11 Iomraidhean Croise

MATIUS 20:22

Mingka appihali Isa, lakua pauNa, ”Gele muisse' apa muera? Akkullejuako laminahang rikasissaang, nuparallu injo laKuuppa?” Lakuaimo mange ri Ia, ”Akkullekang.”

MATIUS 26:39

Maeng injo Ia a'lampai mange ri a'rakang siso'di', ampai joppa' ngera dowaang, ”O AmmangKu, so'di injo ma'ringi, lappasammu kasissaang inni allalo battu ri a'rakangKu, mingka andamu assimpole a'ra'Ku laa'jari, passangadinna assimpole a'ra'Mu laa'jari.”

MATIUS 26:42

Maeng injo Ia a'lampai isse' makapinruanna na ngera dowaangi, ”O AmmangKu ampa kasissaang inni gele ma'ring a'lili, passangadinna ampa laKulaloi, a'jarimu a'ra'Mu!”

LUKAS 12:30

Iangase'na injo labojai tau lino tugele injo tappa' ri Allataala. Mingka, Ammammu laisse'i ma'nassana muparalluangi iangase'na injo.

LUKAS 22:42

”O AmmangKu, ampa Mukaa'raki, alle kasissaang inni battu ri a'rakangKu; mingka andamo a'ra'Ku, passangadinna a'ra'Mumo a'jari.”

YAHYA 15:10

Ampa muturuki parentaKu, kau laammari lalang ripangamaseangKu, assimpole Nakke nuruki passuroanNa AmmangKu na ammari lalang ripangamaseanNa.

YAHYA 17:24

O Amma, Kukaa'raki solanna, ri antee-tee mae Nakke ammari, ri injo todo'i iyai ammari, iyai tumaeng Mupassareang injo mae ri Nakke, solanna iyai lajanjangi kala'birangKu numaeng Mupassareang injo mae ri Nakke, saba' Kaumo ngamaseang ri Nakke rigelenapa ripaa'jari lino.

YAHYA 18:36

Pappihalinna Isa, ”PakkaraengangKu gele nubattu ri lino inni, saba' ampa PakkaraengangKu battu ri lino inni, tantu a'balina sikonjo suroKu, solanna Nakke gelea ri alle ri tau Yahudi, mingka PakaraengangKu gele nubattu ri lino inni.”

YAHYA 20:17

Lakua Isa mange ri ia, ”Ako a'bitantang tarrusu ri Nakke, saba' Nakke gelepa a'lampa mange ri Amma, mingka a'lampamoko mange ri sikonjo urangKu siana' na pau-paui mange ri iyai ma'nassana konni-konnina Nakke laa'lampa mange ri AmmangKu na Ammammu, mange ri AllataalaKu surang Allataalamu.”

2 KORINTUS 10:4

saba' sanjata tapake injo lalang ripattujo-tujoamba gele sanjata ri lino inni, mingka sanjata nurisangkaki rikahasana Allataala, nuakkulle appakasosara sikonjo tembo' pa'lengukang.

2 KORINTUS 6:7

lalang appala'bang katojekang surang kakahasaanna Allataala; surangang make sikonjo sanjata kaadelang laa'bali iyareka lanyila'

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.