YAHYA 17:8 - Kitta' Passitallikang Bau KAREBA BAJI'

⁸ Saba' sikuanna pau nuRipabattu injo mae ri Nakke maemmu Kupabattu mange ri iyai na maemmu latarimai. Iyai injo laisse'i ma'nassana Nakke rie' battu ri Ditte na iyai tappa'i ma'nassana Dittemo assuro ri Nakke.

YAHYA 17:8 Iomraidhean Croise

MATIUS 13:11

Appihali Isa, ”Mange ri kaui risare barakka' langisse' harasia Pakkaraengang Suruga, mingka gele mange ri iyai.

YAHYA 12:49

Saba' Nakke appa-pau gele nubattu ri kalengKu to'jua, mingka nubattu ri Amma, Tuassuro injo ri Nakke, iamo assuro ri Nakke laappala'bang apa nuparallu Kupau surang Kupabattu.

YAHYA 14:10

Gele juapako tappa' ma'nassana Nakke lalang ri Amma na Amma lalang ri Nakke? Apa Kupau mange ri kau, gele Kupau battu ria'ra' kale-kaleKu to'jua, mingka Amma, Tuammari injo ri Nakke, Iamo anggeokang rijama-jamaanNa.

YAHYA 15:15

Nakke geleimoko Kuareki pole ata, saba' ata inni gele laisse', apa lageokang tau lapaa'jari injo ata, mingka Kuarekiko bahaang, saba' Nakke maeng Kupappiissekammu mange ri kaui sikonjo nuKulangngere battu ri AmmangKu.

YAHYA 16:27

saba' Ammamo ngamaseang ri kaui, kanara kaui maeng ngamaseang ri Nakke na tappa'ko ma'nassana Nakke rie' mae battu ri Allataala.

YAHYA 16:30

Konni-konnina taisse'mu ma'nassana Ditte ngisse' ri iangase'na na gelei parallu tau inni akkuta'nang mange ri Ditte. Injomo saba'na kambe tappa'kang ma'nassana Ditte rie' mae battu ri Allataala.”

YAHYA 17:14

Maemmu Kupabattu pauTa mange ri iyai na lino inni likingi ri iyai, saba' iyai gelei battu ri lino inni, assimpole Nakke gelea battu ri lino inni.

YAHYA 17:18

Assimpole Ditte maeng assuro ri Nakke antama' lalang ri lino inni, appakonjo todo'i Nakke maeng assuro mange ri iyai antama' lalang ri lino inni;

YAHYA 17:21

solanna iyai ngase' a'jari se're, assimpole Ditte, o Amma, lalang ri Nakke na Nakke lalang ri Ditte, solanna iyai lalang todo'i ri ditte, solanna lino inni tappa'i ma'nassana Dittemo maeng assuro ri Nakke.

YAHYA 17:23

Nakke lalang ri iyai na Ditte lalang ri Nakke solanna iyai sangka' paa'jari se'rena, solanna lino inni laisse'i ma'nassana Dittemo maeng assuro ri Nakke na ma'nassana Ditte ngamaseang ri iyai, assimpole Ditte ngamaseang ri Nakke.

YAHYA 17:3

Iamo inni tallasa mannannungang, iamo intu ma'nassana iyai ngisse'i ri Ditte, Allataala tide' ruana, na laisseki todo'i Isa Almase Tumaeng injo Risuro.

YAHYA 3:17

Saba' Allataala lapassareangi Ana'Na antama' mae ri lino inni gele laassare hukkungang ri assinna lino inni, mingka solanna ripakasalama'i patteteang ri Ia.

YAHYA 3:33

Inai jua lapitoli passa'biNa, ia laakui ma'nassana nabai Allataala.

YAHYA 6:68

Appihali Simon Petrus mange ri Ia, ”Karaeng, laa'lampa mangekang ri nai? Ri Kau rie' Pau ritallasa mannannungang;

YAHYA 8:42

Appaui Isa mange ri iyai, ”Ampa pade' Allataala ammammu, tantu ngamaseammu mae ri Nakke, saba' Nakke battu ri Allataala, na konni-konnina Nakke rie' ri inni. La'bipa pole Nakke rie' mae konni gele ria'ra' kale-kaleKu to'jua, mingka a'ra'namo Tuassuro injo ri Nakke.

1 KORINTUS 11:23

Saba' apa numaeng kutarrusang mange ri kaui, maeng kutarimai battu ri Karaeng Isa, iamo intu ma'nassana Karaeng Isa, ribangngi hattunna Ia laripassareang, ngalle roti

1 KORINTUS 15:1

Na konni-konnina, Urang siana', nakke a'ra'a appiu'rangi mange ri kaui ri Injili kupappissekang injo mange ri kaui na numutarima injo, na kau a'jari ammenteng ka'jang battu ri injo.

1 TESALONIKA 2:13

Injomo saba'na gele todo'kang minang ammari-mari appanai' sukkuru mange ri Allataala, saba' maeng mutarimana pauna Allataala nutapala'bang injo, gelei assimpole pau rupatau, mingka assimpolei pau Allataala, injo todo'mo anjama ri kau tutappa' intu.

1 TESALONIKA 4:1

Kala'busanna, Urang siana', taerai na appiu'rangikang mange ri kaui lalang ri Karaeng Isa: Maeng mulangngeremu battu ri kambe anteekamua kau sibaji'na tallasa solanna langai Allataala. Passala injo maeng muturuki toje'mu, mingka baji'mu ampa mupassukku'i pole mugeokanna.

1 YAHYA 4:14

Na kambe maeng anjanjang surang assa'bi ma'nassana Amma maeng assuro ri Ana'Na laa'jari Pappakasalama'na lino inni.

PANJANJANNA YAHYA 1:1

Iamo inni panjanjanna ri Isa Almase, nulapassareang Allataala mange ri Ia, solanna rilapappijo'jokanNa mange ri suro-suroNa apa nuparallu liba laa'jari. Ia maeng lapappisa'biammu ri Yahya suroNa lalang ripatteteang malaeka' suroanNa.